Hibru 7:8 - Edo Bible (E Baibol Ẹdo) Version 1996

⁸ Zẹ vbe ọghe avbe ohẹn nii, emwa ni wulo ọre ọ viọ aghaeyihigbe nii, sokpan zẹ vbe ọghe Mẹlkizẹdẹk, ọmwa ne ọ rre agbọn ọre ọ viọ awaye-ihe-igbe nii, zẹ vbene ebe kha re.

Hibru 7:8 ပူးပေါင်းရင်းမြစ်များ

Iyẹn ne ọ Maan Ọghe Jọn 14:19

Ọ ke ekherhe nian, agbọn na i ghi ra miẹn mwẹ ọvbehe, sokpan wa gha miẹn mwẹ, debare, rhunmwuda ighe mẹ rrọọ, wa gha vbe gha rrọọ.

Iyẹn ne ọ Maan Ọghe Jọn 14:6

Jesu wanniẹn wẹẹ, “Mẹ ọrọre odẹ, mẹ ọrọre ẹmwata, mẹ ọrọre arrọọ. Ọmwa nọ gha sẹtin sẹ ehe ne Evbavba ye ẹ i rrọọ vbe ẹ i re wẹ te ọ la obọ mwẹ.

Hibru 3:16

De emwa ni họn urhu Osanobua ne ọ na sọtẹ ọre yi? Ẹmwata, emwa hia ne Mosis hẹ ke Igipt ladian nọ.

Hibru 5:6

Ọ keghi vbe ta ẹe vbe ehe ọvbehe wẹẹ, “Ohẹn ọre u khian gha khin ẹdẹdẹdẹ, vbe uniẹn ohẹn ọghe Mẹlkizẹdẹk.”

Hibru 6:20

Jesu ka ke odaro nẹ, gha rrie evba nii, ne ima. Rẹn keghi vbe khian ogie ohẹn etẹbitẹ lele uviẹn ọghe Mẹlkizẹdẹk.

Hibru 7:23

Alughaẹn ne egbe ọvbehe ye vbe rrọọ, avbe ohẹn nekpa nii, wa bun, rhunmwuda wẹ, te iran vbe wulo, iran i ghi vbe sẹtin gha winna iwinna iran khian.

Hibru 7:7

Agbọn hia rẹnrẹn ighẹ ọmwa ne ọ fiangbe ọmwa ọre ọ kpọlọ sẹ ọmwa ne ọ fiangbe.

Hibru 7:9

A sẹtin ta ẹe nian wẹ, ẹghẹ ne Ebraham na hae aghaeyihigbe nii, Livai (ne uniẹn ọnrẹn ghi do gha miẹn iran nene aghaeyihigbe) vbe zọe.

Hibru 9:27

Rhunmwuda uhukpa ọre dọmwadẹ ọghọe ra wu, vbe iyeke ọnii, Osanobua ghi bu ohiẹn ọnrẹn.

Arhie Maan 1:18

Mẹ ọrọre ọmwa ne ọ rre agbọn, I te ka wu yi, sokpan banbanna nian, I rre agbọn ẹdẹ kevbe ẹdẹdẹmwẹdẹ.” I mwẹ asẹ vbe uhunmwu uwu tobọ ẹre kevbe ẹvbo iran ne orinmwi.