Hibru 7:5 - Edo Bible (E Baibol Ẹdo) Version 1996

⁵ Ivbi uniẹn Livai ni re ohẹn, te nene Uhi yi ẹre iyi ne iran wẹ, ne iran gha miẹn emwa Izrẹl obọ ọkpa vbe uwu igbe, ọnii nọ wẹ, obọ ivbi ẹvbo iran ọre iran na miẹn rẹn, a gha rhe miẹn wẹ ivbi uniẹn Ebraham iran vbe khin.

Hibru 7:5 ပူးပေါင်းရင်းမြစ်များ

Gẹnẹsis 35:11

Osanobua keghi tama rẹn wẹẹ, “Mẹ ọrọre Osanobua Noghodua. Biẹlẹ emọ nibun. Uniẹn ivbuẹ gha bun, eso vbe uwu iran gha vbe gha re ọba, u gha mwẹ uniẹn ivbuẹ nibun sẹrriọ wẹ eso gha do khian iyaẹvbo.

Gẹnẹsis 46:26

Ivbi e Jekọb taara ni gha rrie Igipt kegha re ehan yan iyeha vbe ne a i na ka avbe amwẹ ivbiẹre yọ.

I Ọba 8:19

Sokpan wẹ ẹ i khian gha re Devid ọ gha bọ Ọgua Osa nii, i ghẹ ovbi ẹre nọ!’

Nehimaia 13:10

I keghi vbe họn wẹ avbe ikpemaba Ọgua Osa kevbe avbe Livai kpao vbe Ọgua Osa rre gha rrie ugbo iran rhunmwuda avbe emwa ni ma ghi viọ emwi ne ọ gha sẹ iran gha re rre.

Ẹksọdọs 1:5

Inu iran ne ọ wa re ivbi urho e Jekọb taara kagha re ekigbesiyenẹ. E Josẹf ne ovbi ẹre kagha rre Igipt nẹ.

Ẹksọdọs 28:1

“Tama iran ne iran viọ ọtuẹn ighẹ Errọn kevbe avbe ivbi ẹre e Nadab, Abihu, Eliaza kevbe Itama ke uwu ẹbu emwa Izrẹl ladian gha dee ne iran do gha ga mwẹ zẹ vbe avbe ohẹn.

Nọmbas 18:7

Sokpan wẹ kevbe avbe ivbuẹ ọkpa ọre ọ gha winna iwinna ohẹn ne ọ dekan aka kevbe uwu ehe Ne ọ Huan Sẹẹ Ehia. Iwinna ne ọ bi yuẹ egbe ọre ena khin, rhunmwuda mẹ rhie ọhẹ ọghe ukpo ohẹn nuẹn nẹ. Ọmwa ne ọ ma kei, ne ọ sikẹ avbe emwi ne ọ huanrẹn, a ghi gbẹe rua.”

Diuteronomi 26:12

“Vbe ukpo ne ogieha u ghi gha viọ a wa ye ihe igbe, obọ ọkpa vbe a gha emwiorhọ ruẹ ye ihe igbe ne avbe Livai, avbe erriọvbe, emọ ne ẹ i mwẹ erha kevbe ẹgbẹ, ne a miẹn ehe na miẹn wẹ, ẹbu ke ẹbu ne iran a rhirhi a gha ye, iran ghi gha miẹn re ne ẹko vuọn iran. U gha ru vberriọ.

Hibru 5:4

Orhunmwu ọkpa ne ọ tobọ ẹre mu ọghọ akpa ogie ohẹn yọ egbe ẹre, ẹ i rrọọ. Osanobua ọre ọ zẹ ọmwa ne a ya ma ogie ohẹn, zẹ vbene a zẹ Errọn.

Hibru 7:10

Rhunmwuda, a ma he biẹ Livai ẹghẹ ni, sokpan a sẹtin kha wẹ uwu egbe Ebraham ne erhae odede ọre ọ ye vbe ẹghẹ ne Mẹlkizẹdẹk na miẹn ọẹn.