Hibru 7:3 - Edo Bible (E Baibol Ẹdo) Version 1996

³ Emwi rhọkpa i rrọọ ne a gbẹn ye otọ vbe ekpa erha ra iye Mẹlkizẹdẹk ra vbe ekpa uniẹn kevbe ekhuarha ẹre, a ma rẹn vbene a ya biẹ ọe hẹ ra vbene ọ ya wu hẹ. Te irẹn yevbe Ovbi Osanobua, ọ na gha re ohẹn ẹdẹdẹmwẹdẹ.

Hibru 7:3 ပူးပေါင်းရင်းမြစ်များ

Ẹksọdọs 6:18

Ivbi Kohat enẹ kegha re Amram, Iza, Hibrọn kevbe Uziẹl. Ukpo Ihinrọn irrọvbe ikiọkhọe (133) ọre Kohat ya vbe agbọn.

Nọmbas 1:18

Iran keghi tie emwa nii sikoko vbe ikpẹdẹ ne okaro ọghe uki ne ogieva, a keghi gbẹnnẹ eni emwa nii hia ye ebe zẹ vbe ẹwae kevbe ẹgbẹe ọghe dọmwadẹ ọghe ọe, a keghi gbẹnnẹ eni emwa ni hia ni sẹ ikpugie ra ni sẹẹ onii ye ebe, a keghi ka iran.

Matiu 4:3

Esu keghi bu ẹre rre, ọ wẹẹ, “Deghẹ Ovbi Osanobua wẹ gele khin tama avbe okuta na ne iran khian eka.”

Hibru 4:14

Rhunmwuda ọnii, wa gie ima dae yi gbain ighẹ iyayi ne ima tobọ mwa lao, rhunmwuda ma mwẹ ogie ohẹn nọkhua ne ọ kpao gha rrie odaro Osanobua zẹẹ, ọnii ọre Jesu ne Ovbi Osanobua.

Hibru 7:1

Mẹlkizẹdẹk ne a kha na, kegha re Ọba Salẹm, ọ keghi vbe gha re ohẹn ọghe Osanobua Ne ọ yo sẹ. Ugbẹn vbe Ebraham ghi ke ehe ne ọ na gbele avbe ọba isẹn dee, Mẹlkizẹdẹk keghi khian dekun ẹnrẹn, ọ na fiangbẹe.

Hibru 7:17

Rhunmwuda, ebe tae wẹ, “Wẹ gha rri ohẹn ẹdẹdẹmwẹdẹ vbe uviẹn Mẹlkizẹdẹk.”

Hibru 7:2

Ebraham keghi wa emwi ne ọ gu ẹe ye ihe igbe, ọ na viọ obọkpa nẹẹn vbọ. (Emwi ne a mobọ ya Mẹlkizẹdẹk kha ọrọre “Ọba Ẹmwata.” Rhunmwuda ne ọ na vbe re ọba ọghe Salẹm, emwi ọvbehe ne a ghi vbe ye eni ẹnrẹn kha keghi re “Ọba ọghe ọfumwegbe.”)

Hibru 7:6

Mẹlkizẹdẹk i re ovbi uniẹn Livai, sẹ evba, ọ keghi miẹn Ebraham obọ ọkpa vbe uwu igbe, ọ na fiangbẹe ighẹ ọmwa ne Osanobua ve ẹre emwi.