Hibru 7:28 - Edo Bible (E Baibol Ẹdo) Version 1996

²⁸ Emwa ne ọ ma khia na, ọre Uhi e Mosis zẹlẹ ye ukpo igie ohẹn, sokpan ẹmwẹ eyan Osanobua, ne ọ ghi do kiekie rre khẹ nene Uhi, keghi zẹ Ovbi Osanobua ọmwa ne a ya khian ne ọ gba na fo nẹ rhinrin ẹdẹ.

Hibru 7:28 ပူးပေါင်းရင်းမြစ်များ

Psalm 110:4

E Nọyaẹnmwa vẹe ye urhu nẹ, ẹ i ra vbe fi ẹe werriẹ wẹẹ, “Ohẹn wẹ ra gha khin ẹdẹdẹmwẹdẹ vbe uniẹn ne a na rri ohẹn ọghe Mẹlkizẹdẹk.”

Levitikọs 4:3

Adeghẹ Ogie Ohẹn ọre ọ ru orukhọ ne ọ na mu abe gie emwa nii, ọ ghi mu ẹkhuia ẹmila ne ẹ i mwẹ okan ya zọ ese ghe Nọyaẹnmwa ye orukhọ ẹre.

Iyẹn ne ọ Maan Ọghe Luk 13:32

Jesu wanniẹn tama iran wẹẹ, “Wa ya tama umuọkhọkhọ nii wẹẹ, ‘I gha khulo avbe Orhiọn esu ladian, I ghi vbe sinmwi avbe ọkhọnmwẹ ẹrẹna kevbe akhuẹ, vbe ikpẹdẹ ne ogieha, I gha winna iwinna mwẹ fo.’

Iyẹn ne ọ Maan Ọghe Jọn 19:30

Jesu ghi miẹn ayọn ni nẹ, ọ wẹẹ, “Ọ fo.” Ọ keghi vbokhọ ẹyaẹn ghe otọ ọ keghi kpan udu.

Hibru 1:2

Sokpan, vbe ẹdẹ okiekie na nian, Ovbi ẹre ọre ọ ghi gie do gun mwa guan. Rọẹn ni ọrọre ọmwa ne Osanobua la obọ ẹre yi agbọn vbe ẹrinmwi, ọmwa ne Osanobua zẹ wẹ, ọ gha do yan emwi hia vbe ufomwẹ a rre nẹ.

Hibru 2:10

Ma miẹn ọẹn vbe a ya ọghọ kevbe uyi rhu ẹre ẹde, rhunmwuda oya uwu ne ọ ree. Emwi ọkpa ne ọ gele wa ke ne ọ ru ighẹ Osanobua, ọmwa ne ọ ọre ne ọ yi kevbe ne ọ viọ emwi hia mwẹ, ọrọre ne ọ ye Jesu khian ne ọ gbae vbe uyi ẹre, rhunmwuda, Jesu ọrọre ọmwa ne ọ su iran gha rrie imiẹnfan.

Hibru 2:17

Ọnii rhie maa wẹ, te irẹn gha do ya egbe khian vbene avbe etiọnrẹn ye vbe odẹ hia, ne ọ miẹn ehe na gha re Ogie Ohẹn iran ne ekhọe esi ni mwẹ itohan vbe uwu ugamwẹ ne ọ ga Osanobua, ne a miẹn ehe na ye orukhọ avbe emwa ni bọ iran.

Hibru 3:1

Etẹn mwẹ vbe uwu Kristi, emwa ne Osanobua vbe tie. Wa ghe Jesu ne Osanobua gie ne ọ do gha re Ogie Ohẹn ọghe iyayi mwa.

Hibru 3:6

Sokpan Kristi kegha re ne ọ gia mu ẹtin yan, zẹ vbe Ọmọ ne a gbe aro ghe owa erha ẹe. Ma na ọrọre owa ẹre, a deghẹ ma ya obọ da ẹtin mwa kevbe a muẹtinyan mwa yi mwẹ, vbe ọghe emwi ne ima mwẹ idanmwehọ ẹre.

Hibru 4:14

Rhunmwuda ọnii, wa gie ima dae yi gbain ighẹ iyayi ne ima tobọ mwa lao, rhunmwuda ma mwẹ ogie ohẹn nọkhua ne ọ kpao gha rrie odaro Osanobua zẹẹ, ọnii ọre Jesu ne Ovbi Osanobua.

Hibru 5:5

Erriọ vbe nọ zẹẹ, ẹ i re te Jesu wa tobọ ẹre tọn uyi ogie ohẹn mu yan egbe ẹre. Sokpan te Osanobua tama rẹn wẹẹ “Ovbi mwẹ ọre u khin, Ẹdẹnẹrẹ na I khian Erha a.”

Hibru 7:21

Sokpan, la ekpa eyan rre, ọre Jesu ya khian ohẹn vbe Osanobua tama rẹn wẹ, “Nọyaẹnmwa yan nẹ, ẹ i ra vbe fi ekhọe werriẹ: ‘Ohẹn ọre u ra gha khin ẹdẹdẹmwẹdẹ.’ ”

Hibru 7:24

Sokpan te Jesu wa rrọọ ẹdẹdẹmwẹdẹ, iwinna rẹn zẹ vbe ohẹn i vbe re ne a ghi mu ne ọmwa ọvbehe.

Hibru 7:3

Emwi rhọkpa i rrọọ ne a gbẹn ye otọ vbe ekpa erha ra iye Mẹlkizẹdẹk ra vbe ekpa uniẹn kevbe ekhuarha ẹre, a ma rẹn vbene a ya biẹ ọe hẹ ra vbene ọ ya wu hẹ. Te irẹn yevbe Ovbi Osanobua, ọ na gha re ohẹn ẹdẹdẹmwẹdẹ.