Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Hibru 7:26 - Edo Bible (E Baibol Ẹdo) Version 1996

26 Rhunmwuda ọnii nian, Jesu ọrọre Ogie Ohẹn ne ọ sẹe ne a gha ye enegbe mwa yan! Ọmwa ne ọ huanrẹn nọ, rẹn i mwẹ a baku ru ra orukhọ vbe obọ ẹre, a wannọ ẹn ye efẹn ọkpa hin ehe ne emwa orukhọ ye rre, a keghi vbe tọn ẹn mu yo sẹ a vbe ẹrinmwi.

အခန်းကိုကြည့်ပါ။ ကော်ပီ




Hibru 7:26
39 ပူးပေါင်းရင်းမြစ်များ  

Ọ hin odukhunmwu gha rriẹ ehe ne ọ yo ọ viọ avbe oghunmwu nibun mwẹ gha khian ọ keghi vbe miẹn emwi ihaoko, vbe obọ avbe emwa ni sọtẹ. E Nọyaẹnmwa Osanobua gha di evba nii ya.


“U ghi ya igoru ne a ma gua ru emwi itegbe ọkpa, wa ghi gbẹn yọ wẹẹ, ‘Te a ya fi ohan ne Nọyaẹnmwa.’


A keghi mu ẹẹn ye idin ba emwa dan, a ree ẹre ba iran ni fe, egbe ne a ya miẹn wẹ ọ ma ru emwi khọ ẹdẹ ra ne ọ ta ohoghe.”


Iyekọni, ọ ghi la Ọgua ne ọ ke uwu ẹre vbe Ọgua Osa, ọ ghi ya zọ ese ihọnmwegbe ẹre, ne ọ miẹn ehe na dọlegbe gha yo itaemwi vbe Ọgua Osa. Mẹ ne Nọyaẹnmwa ne Udazi ọre ọ tae.


Vbe ikpẹdẹ ne ogisẹn, u ghi ya ivbi ẹkhuia ẹmila ihinrin zọ ese, kevbe ogho eva deba ivbi ogho iwenẹ ni he rre ukpo ọkpa, ehia ghi gha re ne ẹ i mwẹ okan.


Rẹn wa rẹn ighe ikhuiwu ọre iran ya si Jesu gie irẹn.


Ugbẹn vbe Nọyaẹnmwa Jesu ghi gu iran guan nẹ, a keghi tọn ẹn mu gha rrie ẹrinmwi, ọ na tota ye obọ erha ọmwa Osanobua.


Odibosa ni keghi wanniẹn wẹẹ, “Orhiọn Ne Ọ Huanrẹn gha rhuẹ yan ruẹn. Ẹtin Osanobua gha hin yan ruẹn. Rhunmwuda ọnọna, a gha tie ọmọ ne ọ huanrẹn ni Ovbi Osanobua.


Pailet keghi tama iran ukpogieha wẹẹ, “Sokpan de emwi dan ne ọ ru? Mẹ ma miẹn emwi ne ọ ru ne a gha gu gbe ẹe rua. I gha gbe ẹre asan ne I fan ẹn fua.”


Ọ ghe ima wa kei rhunmwuda emwi ne ọ kei ne emwi ne ima ru ọre iran rhie ne ima, sokpan rẹn ma ru emwi rhọkpa khọọ.”


Ọkaokuo ghi miẹn emwi ne ọ sunu, ọ rho Osanobua vbe uyi wẹẹ, “Vbe ẹmwata ọmwa esiesi te nọ.”


Ọ ma te kei ra ne Mẹzaia rrioya emwi na hia ne ọ vbe la uwu uyi ẹre?”


Ọ tama iran wẹẹ, “Vbe nian ọre a gbẹn ọẹn wẹẹ Mẹzaia gha rri oya, a gha vbe huẹn ọnrẹn kpao vbe idin vbe ẹdẹ ne ogieha.


Mẹ i ra ghi gu uwa guan kpẹe sẹ ọna, rhunmwuda, ne ọ kha yan agbọn na dee.


Ọmwa ne ọ gie mwẹ gun mwẹ rrọọ, ọ ma sẹ imẹ ọkpa rae rhunmwuda emwi ne ọ yẹ ọre, ọre I ru vbe ẹghẹ hia.”


Ọmwa ne ọ huanrẹn kevbe ne ọ maa rẹn khin, wa keghi hẹẹ ye otọ, wa na rinmwian Pailet ne ọ fan izigan fua ne uwa ye ihe ẹre.


Vbe ẹmwata, Hẹrọd kevbe Pọntiọs Pailet deba iran Ni ma yayi kevbe emwa Izrẹl, ore ẹvbo na iran na ko iko Jesu ne Ọguọmwadia ruẹ Ne ọ huanrẹn ne uwẹ ya ru Mẹzaia.


Kristi ma gha mwẹ orukhọ, sokpan Osanobua keghi ghae nẹ vbe orukhọ ima, ne a miẹn ehe na miẹn wẹ, ma gha ye egbe ba irẹn nẹ, ma ghi vbe ghae vbe ọmwa ẹmwata ne Osanobua khin.


Awanwan ọghe uyi Osanobua ọre irẹn ya fi wainwain, rẹn ọrọre ama ọghe vbene Osanobua wa ye zẹẹ, ọ keghi vbe ya ẹmwẹ unu ọghọe ne ọ mwẹ ẹtin mu agbọn vbe ẹrinmwi mwẹ. Ọ ghi kpe emwa ne agbọn huan hin orukhọ iran rre nẹ, ọ keghi ya tota vbe ẹrinmwi vbe obọ erha ọmwa Osanobua ne Ẹtin ne ọ sẹẹ ehia.


Wa gie ima rhie aro da Jesu, ọmwa ne iyayi mwa ya iyeke-kọ ke omuhẹn ọnrẹn ya sẹ ufomwẹ ọnrẹn. Rẹn ma rhunmwuda ugbugbe zẹ obọ vbọ, sokpan rhunmwuda oghọghọ ne ọ diakhẹ ọre, ọ ma zẹdẹ mu ẹmwẹ efaa ne ọ rre ne a wu vbe uhunmwu ugbugbe ro. Banbanna nian, ọ tota vbe obọ erha ọmwa ọghe ẹkete Osanobua.


Ma miẹn ọẹn vbe a ya ọghọ kevbe uyi rhu ẹre ẹde, rhunmwuda oya uwu ne ọ ree. Emwi ọkpa ne ọ gele wa ke ne ọ ru ighẹ Osanobua, ọmwa ne ọ ọre ne ọ yi kevbe ne ọ viọ emwi hia mwẹ, ọrọre ne ọ ye Jesu khian ne ọ gbae vbe uyi ẹre, rhunmwuda, Jesu ọrọre ọmwa ne ọ su iran gha rrie imiẹnfan.


Ọnii rhie maa wẹ, te irẹn gha do ya egbe khian vbene avbe etiọnrẹn ye vbe odẹ hia, ne ọ miẹn ehe na gha re Ogie Ohẹn iran ne ekhọe esi ni mwẹ itohan vbe uwu ugamwẹ ne ọ ga Osanobua, ne a miẹn ehe na ye orukhọ avbe emwa ni bọ iran.


Etẹn mwẹ vbe uwu Kristi, emwa ne Osanobua vbe tie. Wa ghe Jesu ne Osanobua gie ne ọ do gha re Ogie Ohẹn ọghe iyayi mwa.


Obọ uniẹn ivbi e Livai ni re ohẹn, ọre a la mu Uhi aghaeyihigbe ye otọ ne ivbi Izrẹl. Vbene ọ ghi ye na nian, akpawẹ te avbe ohẹn ne ivbi e Livai gbae fo, a i ghẹ ghi vbe wẹ ne a vbe dọlegbe rhie ohẹn ọvbehe ladian, ne ọ re uviẹn Mẹlkizẹdẹk, ne ẹ i re ọghe Errọn.


Uhunmwu uta ẹmwẹ ne ima guan yan ọrọre wẹẹ, ma mwẹ Ogie Ohẹn ne ọ ye vbe nian na, ọmwa ne ọ tota ye obọ erha ọmwa Ẹtin Emwi Ne Osa ya ru Osa vbe ẹrinmwi.


Ugbẹn vbe a ghi miẹn wẹ ẹmwata ọna khin, Inuinu ọre ne esagiẹn Kristi gha ru ya kpọlọ sẹẹ! Ọ la ekpa Orhiọn etẹbitẹ nii ya egbe ẹre zọ ese ne ọ gbae ghe Osanobua. Esagiẹn ọnrẹn ọre ọ gha khuẹ ekhọe orhiọn mwa huan hin obọ iwinna ọrhiae rre, ne ima miẹn ehe na gha ga Osanobua ne ọ rrọọ.


Izọ ese ighobioye ọghe Kristi ọre a ya rhan uwa ye otọ, emwa ne ọ ye vbe oteghe ohuan ne ẹ imwẹ okan ra ama.


Ọ ma ru a i ghẹ ru, a ma vbe miẹn ọmwa ne ọ họẹn ẹmwẹ ohoghe ọkpa vbe unu ẹnrẹn.


Ọmwa ne ọ kpao gha rrie ẹrinmwi nẹ, ọ kevbe rre obọ erha ọmwa Osanobua, ehe ne ọ na khaemwisẹ yan avbe odibo Osa hia kevbe avbe ọdakha ni rre ẹrinmwi kevbe avbe ẹtin.


Rhunmwuda Kristi tobọ ẹre ọrọre ne a rhunmwuda ẹre ya orukhọ mwa bọ mwa, ẹ i vbe re orukhọ ọghomwa ọkpa, sokpan orukhọ emwa hia.


Wa rẹnrẹn wẹ, te Kristi rre ne ọ miẹn ehe na do viọ orukhọ emwa gha rrie, kevbe wẹ, orukhọ i rre uwu irẹn.


“Gbẹn ebe gie odibosa esọsi ne ọ rre Filadẹlfia wẹ: “Uhunmwu ne ọ gie rre ọ na khin ighẹ ọmwa ne ọ re ọmwata kevbe ne ọ huanrẹn, ọmwa ne ọ rhie isahẹn Devid mwẹ, ọmwa ne ọ gha kie nẹ, a i miẹn ne ọ khui, ọ gha khui, a i miẹn ne ọ kie.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ