Hibru 7:25 - Edo Bible (E Baibol Ẹdo) Version 1996

²⁵ Rhunmwuda ọnii, te irẹn ghi sẹtin miẹn emwa ni la obọ ẹre bu Osanobua gha dee fan, vbe ẹghẹ na, kevbe ẹghẹ hia, rhunmwuda, rẹn wa rre agbọn ẹdẹdẹmwẹdẹ, ne ọ gha rinmwian ne iran.

Hibru 7:25 ပူးပေါင်းရင်းမြစ်များ

Job 22:17

Avbe emwa ni he Osanobua ye otọ ọ re ena khin, iran na yayi wẹ ẹ i miẹn emwi ru iran re.

Job 23:3

Vbọrrọ nian wẹ I rẹn ehe ne I gha na miẹn ọẹn kevbe wẹ I rẹn vbene a ya sẹ ehe ne ọ ye hẹ.

Aizaia 45:22

“Wa bu mwẹ gha dee nian ne uwa miẹn ehe na fe wa ne emwa hia ni rre agbọn! Mẹ ọkpa ọrọre Osanobua ne ọ rrọọ.

Aizaia 45:24

“Iran gha kha wẹẹ, obọ mwẹ ọkpa ọ re a na miẹn akhọnmiotọ kevbe ẹtin sokpan, emwa hia ni khuiwu mwẹ, efa gha rruan iran.

Aizaia 53:12

Rhunmwuda ọnii, mẹ gha rhie ẹre ye ukpo uyi ọ ghi gha mwẹ ihe vbe uwu ẹbu iran ni kọnkọn ni mwẹ ẹtin. Ekhọe obọ ẹre ọ re ọ ya rhie ẹdagbọn rẹn yotọ ọ keghi ya egbe miẹn vbe emwi ne ọ rruan emwa dan. Ọ rhie ihe emwa orukhọ nibun. Ọ na na erhunmwu wẹ ne a yabọ iran.”

Aizaia 59:16

Ọ yan irẹn unu uan wẹ a i miẹn ne ọ yi ọmwa ne a wọ ẹre uhunmwu obọ. Rhunmwuda ọnii, ọ gha lo ẹtin ọghọe ne ọ ya miẹn iran fan kevbe ne ọ khọn miotọ.

Aizaia 63:1

“Gha ọna khin ne ọ ke Bozra ne Idọm de yi? Gha ọna khin ne ọ ya ododo han yi, ne ọ ze owẹ kẹe kevbe ẹtin deba iwegbe?” “E Nọyaẹnmwa nọ, ọmwa ne ọ mwẹ ẹtin ne ọ ya miẹn ọmwa fan, ọ ra do kha vbene irẹn khọnmiotọ hẹ.”

Jerimaia 3:22

Wa werriegbe rre, wa hia ni fi iyeke gbe Nọyaẹnmwa ọ gha mu uwa egbe rran, ọ ghi ru ee ne uwa do gha re ne ọ mudia ẹse.

Daniẹl 3:15

Banbanna nian, wa gha ghi wa họn urhu avbe okpe, ẹgogo, ighẹnghan, akpata, kevbe avbe emwi ne a kpee ọvbehe, wa ghughẹrre ne u wa ya uhunmwu rhanmwẹ otọ ne amazẹ nii. Adeghẹ wa ma ru vberriọ, a gha wa viọ uwa ku uwu erhẹn ọwarọkpa nii, wa yayi we ẹbọ ọkpa rrọ ne ọ gha sẹtin miẹn uwa fan ra?”

Daniẹl 3:17

Adeghẹ Osanobua ne ima ga gha sẹtin miẹn ima fan vbe erhẹn nii kevbe hin obọ ruẹ rre, ọ gha ru ẹe.

Daniẹl 3:29

“Banbanna nian, I tae wẹ adeghẹ a miẹn ovbi uhunmwu ẹvbo ọkpa ra emwa, ra ẹvbo ne a zẹ ne ọ ya ukpẹ sakan Osanobua e Siedrak, Mesiak, kevbe Abẹdnigo, te a ra yanghan ẹre obọ vbe owẹ hin egbe ẹre rre, a ghi ya owa ẹre khian otiku. Osanobua ọvbehe i rrọ ne ọ sẹtin miẹn ọmwa fan vbenian.”

Daniẹl 6:20

Ọ ghi sẹ evba nii, ọ keghi ye udu ne ọ ha ọka da tu wẹẹ, “E Daniẹl ọguọmwadia Osanobua ne ọ rrọọ. Osanobua nii ne u ya ekhọe hia gha sẹtin miẹn ruẹn fan vbe obọ avbe oduma ra?”

Daniẹl 9:16

“Wẹ gbinna ne ima vbe ẹghẹ nọ gberra, rhunmwuda ọnii, ghẹ ghi mu ohu e Jerusalẹm ọvbehe, ẹvbo ruẹ ọre nọ, oke ruẹ nọhuanrẹn nọ. Te emwa hia ni rre avbe ẹvbo ni diake mwa ghi ya ro gbe Jerusalẹm re, kẹe kevbe avbe emwa ruẹn, rhunmwuda orukhọ mwa kevbe emwi dan ne avbe erha mwa odede ru.

Iyẹn ne ọ Maan Ọghe Jọn 14:13

Emwi ne uwa a rhirhi nọ vbe eni mwẹ i ghi ruẹe, ne a miẹn ehe na la ekpa ọmọ rhie uyi Evbavba maa.

Iyẹn ne ọ Maan Ọghe Jọn 14:16

Mẹ gha nọ Evbavba, rẹn ghi vbe rhie Nọyọmwaobọ ọvbehe gie uwa. Orhiọn ẹmwata nii ne ọ gha gu wa rrọ ẹdẹdẹmwẹdẹ.

Iyẹn ne ọ Maan Ọghe Jọn 14:6

Jesu wanniẹn wẹẹ, “Mẹ ọrọre odẹ, mẹ ọrọre ẹmwata, mẹ ọrọre arrọọ. Ọmwa nọ gha sẹtin sẹ ehe ne Evbavba ye ẹ i rrọọ vbe ẹ i re wẹ te ọ la obọ mwẹ.

Ebe ne Pọl gbẹẹn gie emwa Rom 5:10

Eghian Osanobua ọre ima te gha khin, sokpan rẹn keghi la ekpa uwu ovbi ẹre ya ima khian ọse ẹre. Vbe ne a ghi na miẹn na ighẹ ọse Osanobua ma ghi khin, u ma rẹn ẹ i mwẹ ọ ma ye arrọọ ọghe Kristi miẹn ima fan.

Ebe ne Pọl gbẹẹn gie emwa Rom 5:2

Rẹn keghi ye iyayi viọ ima gha die uwu ẹse ọhẹ Osanobua, ehe ne ima ghi mudia yi na. Rhunmwuda ọnii nian, te ima ghi ghọghọ vbe idanwehọ wẹ ma gha ghae vbe uwu uyi ọghe Osanobua.

Ebe ne Pọl gbẹẹn gie emwa Rom 8:34

De ọmwa ne ọ gha ghi bu ohiẹn gbe iran khekherriọ? Kristi Jesu tobọ ẹre ọ wu, ne a wa kha wẹẹ, ọre a huẹn kpaegbe vbe idin, ne ọ rre obọ erha ọmwa Osanobua. Rẹn ọre ọ rinmwian Osanobua ne ima.

I Kọrinti 1:21

Rhunmwuda Osanobua, vbe ekpa ẹwaẹn ne ọ wanrẹn, ọ keghi ru ẹe wẹ ne emwa ne agbọn i ghẹ sẹtin ya ẹwaẹn iran gualọ irẹn miẹn, sokpan, Osanobua keghi wẹẹ, ikpẹ orhu “akpa” ne ima kpe, ọre irẹn gha la ekpa ẹre miẹn iran ni yayi fan.

Ẹfisọs 2:18

Vbe ekpa Jesu Kristi, ọre ima hia, ke Ju kevbe ne ẹ i re Ju, ne a sẹtin ya Orhiọn Osanobua ọkpa nii gha die odaro Evbavba.

Ẹfisọs 3:12

Vbe uwu a ku egbe mwa gbe ba irẹn nẹ, kevbe rhunmwuda iyayi ne ima mwẹ vbe uwu irẹn, te ima ghi sẹtin sẹ odaro Osanobua nian vbe ne a i na fian afianma.

Ẹfisọs 3:20

Ne irẹn ni ne ọ sẹtin ru gberra vbene ima nọ rẹn, ra vbe ne a mu roro vbe ekhọe, vbe ekpa ẹtin ẹnrẹn ne ọ winna vbe uwu ima.

Filipai 3:21

Rẹn ghi fi egbe ne mitan mitan ne ọ sẹtin wu ọghomwa na werriẹ, ọ ghi yae khian vbene egbe uyi ọghe irẹn ye, vbe ekpa ẹtin nii ne irẹn ya sẹtin viọ emwi hia ye ototọ asẹ ọghọe.

I Timoti 2:5

Rhunmwuda Osanobua ọkpa ọre ọ rrọọ, ọmwa ọkpa ọre ọ vbe rrọọ, ne ọ dọlọ Osanobua kevbe emwa ne agbọn kugbe, ọnii ọre ọmwa na ighẹ Kristi Jesu.

II Timoti 1:12

Ọnii ọre ọ zẹẹ ne I na rri oya emwi na hia. Sokpan ekhọe mwẹ ma he beghe hiehiere, rhunmwuda, mẹ rẹn ọmwa ne I mu ẹtin yan, aro mwẹ da ẹe wẹ, ọ gha sẹtin rhie ẹre mwẹ vbe ne a i na mwẹ ẹbe ighẹ emwi ne ọ ka yọ mwẹ obọ, rhinrin ya sẹ Ẹdẹ ne ẹdẹrriọ.

Hibru 11:6

Ọmwa ne ẹmwẹ ọnrẹn gha ye ẹko rhiẹnrhiẹn Osanobua ẹ i rrọọ vbe ẹ i re vbe ekpa iyayi. Rhunmwuda, ọmwaikọmwa ne ọ rhirhi bu Osanobua gha dee te ọ kere ne ọ yayi ighẹ Osanobua rrọọ kevbe wẹ, ọ vbe san iran ni gualọ aro ẹre ẹse.

Hibru 13:15

Rhunmwuda ọnii, wa gie ima gha rhie urhomwẹ ne Osanobua vbe ẹghẹ hia, zẹ vbe ese ne a zọ la obọ Jesu, ọnii nọ wẹ, wa gie ima gha ya urhu mwa rhie ekpọnmwẹ ne eni ẹnrẹn.

Hibru 2:18

Banbanna nian, te irẹn ghi sẹtin ya emwa ni miẹn edanmwẹ obọ, rhunmwuda rẹn tobọ ẹre, a danmwẹ ọẹn ghe, ọ vbe rri oya. iẹnfan obọ.

Hibru 2:9

Sokpan ma miẹn Jesu! Vbe ovbi ẹghẹ kherhe, a keghi ru ẹe ne ọ ghẹ vba avbe odibo Osa, ne a miẹn ehe na miẹn wẹ, vbe ekpa ẹsọhẹ Osanobua, ne ọ wu ne emwa hia.

Hibru 5:7

Vbe ẹghẹ ne Jesu na gha rre agbọn na, utumwẹ nọkhua kevbe ameve ọre ọ ya gha nọ emwi vbe obọ Osanobua ne ọ gha sẹtin fan irẹn ye otọ vbe obọ uwu. Rhunmwuda ighẹ ọ mu egbe rri otọ ọ keghi vbe mu aro yọ. Osanobua keghi họn erhunmwu ẹnrẹn.

Hibru 7:16

Ẹ i re iyi kevbe emwamwa ọghe emwa ne agbọn ọre a lele ma ẹre ohẹn, ẹtin ọghe arrọọ ne ẹ i mwẹ ọfo, ọre ọ la ekpa ẹre khian ohẹn.

Hibru 7:19

Rhunmwuda, Uhi e Mosis i sẹtin ya emwikemwi khian ne ọ gbae fo. Wanwanna nian, a rhie idaehọ ọkpa ne ọ maa sẹ, ye otọ nẹ, ne ima gha la bu Osanobua gha dee.

Hibru 7:24

Sokpan te Jesu wa rrọọ ẹdẹdẹmwẹdẹ, iwinna rẹn zẹ vbe ohẹn i vbe re ne a ghi mu ne ọmwa ọvbehe.

Hibru 7:8

Zẹ vbe ọghe avbe ohẹn nii, emwa ni wulo ọre ọ viọ aghaeyihigbe nii, sokpan zẹ vbe ọghe Mẹlkizẹdẹk, ọmwa ne ọ rre agbọn ọre ọ viọ awaye-ihe-igbe nii, zẹ vbene ebe kha re.

Hibru 9:24

Rhunmwuda, ẹ i re Ehe Ne ọ Huanrẹn ne emwa ye obọ ru, ne a ya ta ọghe ẹmwata ne ọ rrọọ, ọre Kristi lao. Ẹrinmwi fẹẹrẹ rẹn wa gha rrie, ehe ne ọ na mudia ne ima nian vbe odaro Osanobua.

Ebe ne Jud gbẹẹn 1:24

Rọẹn ni ne ọ gha sẹtin da uwa yi ne uwa ghẹ de, ne ọ gha viọ uwa mudia vbe odaro uyi ẹre, zẹ vbe emwa ne ẹ i mwẹ ozan, kevbe ne ọ sẹ ọyẹnmwẹ.