Hibru 7:22 - Edo Bible (E Baibol Ẹdo) Version 1996

²² Alughaẹn ne ọ rrọ na, keghi rhie maa nian wẹ, Jesu ọrọre ama ne aro ya dae wẹ, ile ne ọ maa sẹ ọre ọ na khin.

Hibru 7:22 ပူးပေါင်းရင်းမြစ်များ

Gẹnẹsis 43:9

Mẹ gha ye orhiọn mwẹ yan ye ihe ẹre, u ghi kae yọmwẹ urhu. A deghẹ ima dọlegbe rhie ẹre guẹ vbe egbe hẹnnẹdẹn, u ghi gha kpe mwẹ ba ẹre vbe ẹdagbọn mwẹ hia.

Gẹnẹsis 44:32

Ye vbe sẹ ọnii enọwanrẹn, uhunmwu mwẹ ọre I ya yan ye ọmọ nii vbe obọ erha mwẹ vbene I na tama rẹn wẹ a deghẹ I ma rhie ọmọ nii werriegbe giẹe, ne ọ kae yọ mwẹ urhu vbe ẹdagbọn mwẹ hia.

Psalm 119:122

Yan wẹ u gha ye ọguọmwadia ruẹ obọ; ghẹ gie emwa ni hio hiẹnhiẹn yan mwẹ!

Itan 20:16

Ọmwa ne ọ ghi kọn sẹrriọ ne ọ na kha ighe rẹn gha mu osa ọrriọvbe hae, te ọ kere ne a viọ ẹre emwi dayi vbe ọ te do ha ẹre.

Itan 6:1

Ovbi mwẹ, u khare ighe u gha mu osa hae ne ọmwaikọmwa ra?

Aizaia 38:14

Urhu mwẹ ye wẹnrẹn, ọ ma vbe wegbe I ke gha tu ye uwu ẹko zẹvbe idu. Te aro mwẹ ghi ye kuọkuọkuọ, ne I ya ghe odukhunmwu. E Nọyaẹnmwa, wọlọ mwẹ hin uwu avbe ọlọghọmwa na rre.

Daniẹl 9:27

Ọmwa ne ọ rre asẹ nii gha gu emwa nibun ke ọta ne ọ deziẹn la ukpo ihinrọn, a ghẹ ghi wa ẹghẹ ne a kha na ye ihe eva nẹ, ọ gha wẹ ne a dobọ ese ne a zọ kevbe izọhẹ yi. A gha ya mu Emwikhọ Ugborrirri. Ye ehe ne ọ mwẹ uyi sẹẹ vbe Ọgua Osa, ọ ghi vbe gha rre evba ọ te do sẹ ẹghẹ ne ọ gha ya rri ọghọe fo zẹ vbene Osanobua mwamwa khẹ ọre.”

Matiu 26:28

Rhunmwuda, ọnọna ọrọre esagiẹn mwẹ ne a ya ya Ile Osanobua okhi, esagiẹn mwẹ ne a gbe ku otọ ne ayabọ orukhọ.

Iyẹn ne ọ Maan Ọghe Mak 14:24

Jesu keghi khama iran wẹẹ, “Ọnọna ọrọre esagiẹn mwẹ ne a gbe ye otọ ne emwa ni bun, esagiẹn mwẹ ne a ya yi ile Osanobua okhi.

Iyẹn ne ọ Maan Ọghe Luk 22:20

Erriọ zẹẹ ọre ọ vbe mu ukpu ne iran, vbe iran rri evbare ota wẹ, “Ukpu na ọrọre ile ọgbọn ọghe Osanobua ne a ya esagiẹn mwẹ ne a gbe ye otọ ne uwa yi ẹre okhi!”]

I Kọrinti 11:25

Erriọ vbe nọ zẹẹ, vbe iyeke evbare ota, ọ rhie ukpu, ọ keghi wẹẹ, “Ukpu na ọrọre ile ọgbọn ọghe Osanobua ne a ya esagiẹn mwẹ yi ẹre okhi. Ẹghẹikẹghẹ ne uwa a rhirhi ya wọn ẹn, wa gha ru ẹe ya ye mwẹ rre.”

Hibru 12:24

Wa keghi bu Jesu gha dee, ọmwa ne ọ mwamwa ile ọgbọn nii ye otọ kevbe esagiẹn ne agbe kha kha, ne ọ vbe ta ẹmwẹ emwi ni maa sẹ esagiẹn ọghe Ebẹl.

Hibru 13:20

Osanobua huẹn Nọyaẹnmwa Jesu Kristi kpao vbe idin nẹ, ọmwa ne ọ re Ọsuohuan Nọkhua ọghe avbe ohuan, rhunmwuda uwu ẹre ne a ya yi ile etẹbitẹ nii okhi.

Hibru 7:23

Alughaẹn ne egbe ọvbehe ye vbe rrọọ, avbe ohẹn nekpa nii, wa bun, rhunmwuda wẹ, te iran vbe wulo, iran i ghi vbe sẹtin gha winna iwinna iran khian.

Hibru 8:13

Vbene ọ ghi na guan kan ile ọgbọn nian, Osanobua ye ne okaro khian ọwiẹyi nẹ. Emwi ne ọ ghi khian ọmaẹn nẹ ighẹ ọ vbe rẹnhuan nẹ, ẹ i ghi kpẹe a ke ho ẹre bẹkun.