Hibru 7:1 - Edo Bible (E Baibol Ẹdo) Version 1996

¹ Mẹlkizẹdẹk ne a kha na, kegha re Ọba Salẹm, ọ keghi vbe gha re ohẹn ọghe Osanobua Ne ọ yo sẹ. Ugbẹn vbe Ebraham ghi ke ehe ne ọ na gbele avbe ọba isẹn dee, Mẹlkizẹdẹk keghi khian dekun ẹnrẹn, ọ na fiangbẹe.

Hibru 7:1 ပူးပေါင်းရင်းမြစ်များ

Psalm 57:2

I kpe tie Osanobua Ne ọ yo sẹẹ Ehia, Osanobua ne ọ viọ emwi hia ne imẹ.

Psalm 76:2

Ọ mwẹ owa ẹre vbe Jerusalẹm Oke Zaiọn ọrọre ehe ne ọ dia.

Psalm 78:35

Iran yerre wẹ, Osanobua ọ re ọ degue iran, kevbe wẹ, Osanobua ne Udazi rre do ye iran obọ.

Psalm 78:56

Sokpan, iran sọtẹ Osanobua ne Udazi, iran kegha danmwẹ ọẹn ghe, iran ma ya uhi ẹre ru emwi.

Daniẹl 4:2

Wa danmwehọ iyẹn ọghe ama kevbe iwinna ọyunnuan ne Osanobua ne ọ Sẹehia rhie ma mwẹ.

Daniẹl 5:18

“Osanobua ne ọ Sẹehia ọ re ọ maa erha a ọba ighe Nebukiadneza, ọba nọkhua, ọ keghi vbe rhie ọghọ vbe ẹtin ne ẹẹn.

Daniẹl 5:21

A khu ẹe ẹe fua hin uwu ẹbu emwa nagbọn rre, ekhọe ẹre keghi do gha yevbe ọghe aranmwẹ oha. Rẹn vbe avbe emẹ ọ re ọ ghi gba gha rre oha, ọ kegha rrii irunmwu zẹ vbe ẹmila, ọ keghi gha vbiẹ uwu oha vbene emwi rhọkpa i na vbe degue ẹre egbe ne evbu ghẹ rhọ yan rẹn. Vbe okiekie ọ keghi miẹn kue wẹ Osanobua ne ọ Sẹehia khaemwisẹ yan arriọba hia, ọ ghi vbe gha munọ iran ne emwa ne ọ khọn rẹn.

Maika 6:6

De emwi ne imẹ gha rhie gie Nọyaẹnmwa ne Osanobua ẹrinmwi, vbe I a ra do mudia vbe odaro ẹre? Ne I mu ivbi ẹkhuia ẹmila ni maa sẹ rre ra ne a ya zọ ese ne a giẹn uan ne ẹẹn?

Iyẹn ne ọ Maan Ọghe Mak 5:7

Ọ keghi datu wẹẹ, “Jesu Ovbi Osanobua Ne Ọ Yo Sẹ, vbe ọ so mwẹ so uẹ? I ya Osanobua rinmwian, ghẹ rriọ mwẹ oya.” (

Iwinna 16:17

Ọ keghi wa lele Pọl kevbe ima, ọ na gha go wẹẹ, “Iran na, eguọmwadia Osanobua ne ọ yo sẹ iran khin, te iran tama uwa vbene uwa gha ya miẹn imiẹnfan hẹẹ!”

Hibru 6:20

Jesu ka ke odaro nẹ, gha rrie evba nii, ne ima. Rẹn keghi vbe khian ogie ohẹn etẹbitẹ lele uviẹn ọghe Mẹlkizẹdẹk.

Hibru 7:2

Ebraham keghi wa emwi ne ọ gu ẹe ye ihe igbe, ọ na viọ obọkpa nẹẹn vbọ. (Emwi ne a mobọ ya Mẹlkizẹdẹk kha ọrọre “Ọba Ẹmwata.” Rhunmwuda ne ọ na vbe re ọba ọghe Salẹm, emwi ọvbehe ne a ghi vbe ye eni ẹnrẹn kha keghi re “Ọba ọghe ọfumwegbe.”)

Hibru 7:3

Emwi rhọkpa i rrọọ ne a gbẹn ye otọ vbe ekpa erha ra iye Mẹlkizẹdẹk ra vbe ekpa uniẹn kevbe ekhuarha ẹre, a ma rẹn vbene a ya biẹ ọe hẹ ra vbene ọ ya wu hẹ. Te irẹn yevbe Ovbi Osanobua, ọ na gha re ohẹn ẹdẹdẹmwẹdẹ.

Hibru 7:6

Mẹlkizẹdẹk i re ovbi uniẹn Livai, sẹ evba, ọ keghi miẹn Ebraham obọ ọkpa vbe uwu igbe, ọ na fiangbẹe ighẹ ọmwa ne Osanobua ve ẹre emwi.