Hibru 6:8 - Edo Bible (E Baibol Ẹdo) Version 1996

⁸ Sokpan, a deghẹ ọ zọ igban kevbe irunmwu ladian, ọ rhiae nọ, ọ mu egbe ẹre ye ne Osanobua gha na fi ẹre unu, a ghi ya erhẹn fuẹn ọnrẹn uan.

Hibru 6:8 ပူးပေါင်းရင်းမြစ်များ

Gẹnẹsis 4:11

A ye amẹ unu nuẹn nẹ, u i ghi ra ye gha kọ emwi ye otọ. Ọ rhie esagiẹn ọtuẹn wọn nẹ, zẹ vbe ne a miẹn wẹ te ọ rhan unu ẹnrẹn ya miẹn ruẹn re vbe obọ ruẹ vbe u gbẹe rua.

Gẹnẹsis 5:29

ọ na kha wẹẹ, “Ọmọ na gha do fan mwa vbe obọ ẹsọn vbe otọe nii ne Nọyaẹnmwa ye amunu na.” Ọ keghi he ẹre Noa,

II Samuẹl 23:7

u ma ghi rhie ematọn, u ghi rhie asoro, te a khian giẹn ehia fẹẹrẹ.

Job 31:40

ẹghẹ nii, ne ọka ẹsin kevbe ọka irhuarhua gha na te zọ vbọ, ogigban kevbe ọkọsọ ọ re ọ gha zọ ladian.” Ẹmwẹ ne Job talọe fo nẹ.

Psalm 107:34

Ọ ya avbe otọ ni maa emwiokọ khian otọe umwẹ, ni la ọ rhie rriẹ, rhunmwuda uyimwẹ dan avbe emwa ni rrọọ.

Aizaia 27:4

Ohu ogba azara nii i ghi mu mwẹ ọvbehe, adeghẹ igban kevbe ọkọsọ rrọ ne a gha gu khọn, I gha giẹn ehia fẹẹrẹ.

Jerimaia 17:6

Te ọ yevbe irunmwu ne ọ zọ ye ato, ne ọ vbe wan vbe otọe ne ọ kakae ne ẹ i maa, otọe umwẹ ne emwi ọvbehe rhọkpa i na zọ. Emwi ne ọ maa okpa i vbe sẹ ọre egbe.

Jerimaia 44:22

Vbe ẹdẹnẹrẹ na nian, ẹvbo uwa khian itowa, ọmwarhọkpa i ghi vbe rrọọ. Ọ khian emwi ne ọ mianmwẹ ughe, te emwa ghi vbe ye eni ẹnrẹn tie ihẹn, rhunmwuda, e Nọyaẹnmwa ma ghi sẹtin fi aro ua ye uyinmwẹ dan, kevbe emwi dan hia ne uwa ru.

Ezikiẹl 20:47

Tama avbe ẹgbo ekẹn wẹ ne iran danmwehọ ẹmwẹ ne Nọyaẹnmwa ne Oghodua tama iran wẹ: Ghe! Iran hie erhẹn, ọ gha gien erhan hia ni rre uwu uwẹ, ke ne ọ re ọghe ọgbọn kevbe ne ọ wu nẹ. Emwi ne ọ gha sẹtin dọ ẹre yọ, ẹ i rrọọ. Ọ gha gien ke odẹ ekẹn ya sẹ odẹ okuọ. Emwa hia gha họn ẹmwẹ owowo erhẹn nii vbe egbe.

Malakai 4:1

E Nọyaẹnmwa ne Oghodua khare wẹẹ, “Ẹdẹ dee ne emwa ni tọn egbe mu kevbe avbe emwa dan gha giuan zẹ vbe ebe ne ọ kakae. Vbe ẹdẹ ne ẹdẹrriọ, iran gha giẹn uan, ẹ i vbe kẹe vbọ. Sokpan, zẹ vbe ọghe uwa ni họn ẹmwẹ mwẹ na, ẹtin imiẹnfan mwẹ gha hin yan uwa zẹ vbe owẹn, ọ ghi vbe rhie egbe rranmwẹ rre zẹ vbe asan ovẹn.

Matiu 25:41

“Rẹn ghi tama iran ni rre ọre obọ iye ọmwa wẹẹ, ‘Wa kpao vbe ehe ne I ye rre, wa ne Osanobua fi ẹre unu, wa gha rrie uwu erhẹn etẹbitẹ ne a kpehe ẹre ye otọ khẹ Esu kevbe avbe odibo ẹre.

Matiu 3:10

A rhie ughanmwa yan dọmwadẹ erhan ẹzi nẹ, erhan ne ọ ma ghi mọ ọmọ esi, a gha tọn ẹn gbe otọ, a ghi giagia ẹe hẹku erhẹn.

Matiu 7:19

Erhan ne ọ ma mọ ọmọ esi, a gha tọẹn gbe otọ, a ghi hiọrọe fi erhẹn.

Iyẹn ne ọ Maan Ọghe Mak 11:14

Jesu keghi tama erhan ohọ ni wẹẹ, “A i gha dọlegbe miẹn ọmọ ne u mọẹn re ọvbehe.” Avbe erhuanegbe ẹre keghi họn.

Iyẹn ne ọ Maan Ọghe Mak 11:21

Pita keghi ye emwi ne ọ sunu rre, ọ na khama Jesu wẹẹ, “Ọmamwaemwi, ghe vbe erhan ohọ ne u fi ẹre unu wu.”

Iyẹn ne ọ Maan Ọghe Jọn 15:6

Ọmwa ne ọ ma di uwu imẹ ya, a gha mu ẹn fi fua zẹ vbe abọ, ọ ghi vbe kaka, a gha si egbe abọ vberriọ koko, a ghi hẹ ku erhẹn, a ghi giẹn ọnrẹn uan.

Diuteronomi 29:28

Ohu keghi kakabọ mu e Nọyaẹnmwa, vbe uwu ohu ẹre nii, ọ keghi kpọlọ iran hin otọe iran rre, ọ na filo iran ku ẹvbo ẹrrẹe, evba iran ghi ye ẹrẹna.’

Hibru 10:27

Sokpan, emwi ne ọ ghi kẹe ọrọre ne afainma emwi ne ọ ra do sunu, gha fian mwa. Ọnii nọ wẹ, Ibuohiẹn, kevbe ogidi erhẹn ne ọ ra do fuẹn iran ighẹ iran ni gbe odan ghe Osanobua.

Hibru 12:17

Wa rẹnrẹn wẹ, vbe okiekie, ọ keghi te gha ho ne erha ẹe fiangbe irẹn sokpan, a keghi khu ẹe werriegbe rhunmwuda, ọ ma miẹn odẹ ne ọ ya fi emwi ne ọ ru nẹ werriẹ, a gha rhe miẹn wẹ ameve ọ ya gha rinmwian.

Arhie Maan 20:15

Avbe emwa hia ne eni ẹnrẹn i rre ebe emwa ni ma he wulo, a keghi filo iran ku uwu odighi erhẹn nii.