Hibru 6:6 - Edo Bible (E Baibol Ẹdo) Version 1996

⁶ Vbe iyeke ọna, iran keghi lahin iyayi iran rre. Ẹ ghi gia ru ne a viọ iran werriegbe rre do roiro fi uyinmwẹ werriẹ, rhunmwuda, te iran vbe dọlegbe kan Ovbi Osanobua mu ugbugbe, iran keghi fa ẹre ua vbe sirra emwa hia.

Hibru 6:6 ပူးပေါင်းရင်းမြစ်များ

Psalm 51:10

Yi orhiọn ne ọ huanrẹn ye uwu imẹ Osanobua, ne u vbe mu ekhọe ọgbọn ne ọ guobọ ruẹ ye uwu imẹ.

Aizaia 1:28

Sokpan, emwa hia ni ru orukhọ, iran na vbe sọtẹ ghe ẹre, ọ gha dunmwu iran an, ọ gha gbele iran hia a ighe avbe emwa ni hee ẹe yotọ.

Matiu 19:26

Jesu keghi ghe iran, ọ wẹẹ, “Emwi ne ẹ i gia ru ọre ọna khin ne emwa ne agbọn sokpan a i miẹn emwi ne ẹ i gie Osanobua ru.”

Iyẹn ne ọ Maan Ọghe Luk 11:48

Te uwa ghi ye ọ na kha ighẹ wa yobọ yọ ighẹ emwi esi ọre avbe erha uwa ru, rhunmwuda, iran gbele avbe akhasẹ nẹ, wa na do mannọ idin iran.

II Timoti 2:25

Ọmwa ne ọ ya urhu khuẹrhẹ tama ọmwa ne ọ gu ẹe suan, ehe ne ọ na bae ku. Ughaghe Osanobua gha rhie ẹkpotọ ne iran ya fi uyinmwẹ werriẹ, ne iran vbe do rẹn ẹmwata ne ọ rrọọ.

Hibru 10:26

Rhunmwuda, ese ọvbehe ne ọ gha kpe orukhọ kua i ghi rrọọ, a deghẹ ma ye ma gha ru orukhọ khian, iyeke vbe a rhie nene ẹmwata ma ima nẹ.

Hibru 10:29

Inuinu ghi nọ khekherriọ, ne ọmwa ne ọ zan Ovbi Osanobua? Ne ọ ye aro tila ẹe ua, ighẹ esagiẹn ile Osanobua ne ọ yae khian ne ẹ i mwẹ iruẹn, ne ọ ye ukpẹ sakan Orhiọn ẹsọhẹ. Wa tobọ uwa roro ẹe vbene oya ne a gha rri ọre re gha kpọlọ sẹẹ ọnii hẹẹ.

Hibru 12:2

Wa gie ima rhie aro da Jesu, ọmwa ne iyayi mwa ya iyeke-kọ ke omuhẹn ọnrẹn ya sẹ ufomwẹ ọnrẹn. Rẹn ma rhunmwuda ugbugbe zẹ obọ vbọ, sokpan rhunmwuda oghọghọ ne ọ diakhẹ ọre, ọ ma zẹdẹ mu ẹmwẹ efaa ne ọ rre ne a wu vbe uhunmwu ugbugbe ro. Banbanna nian, ọ tota vbe obọ erha ọmwa ọghe ẹkete Osanobua.

Hibru 4:14

Rhunmwuda ọnii, wa gie ima dae yi gbain ighẹ iyayi ne ima tobọ mwa lao, rhunmwuda ma mwẹ ogie ohẹn nọkhua ne ọ kpao gha rrie odaro Osanobua zẹẹ, ọnii ọre Jesu ne Ovbi Osanobua.

Hibru 6:4

Rhunmwuda, vbe a ra ya viọ iran ni dele hin iyayi rre dọlegbe gha dee hẹ yi, ne iran do ro iro fi ekhọe werriẹ? Iran ka gha rre uwu uwanmwẹ Osanobua vbe ẹghẹ ọkpa yi. Iran danmwẹ ghe vbe ọhẹ ọghe ẹrinmwi, iran keghi vbe ghae vbe Orhiọn Ne Ọ Huanrẹn.

II Pita 2:21

Ọ te wa ma ne iran, ne iran ghẹ i zẹdẹ rẹn odẹ ẹmwata, sẹẹ ne a miẹn wẹ ugbẹn vbe iran ghi vbe rẹn ọnrẹn nẹ, ne iran fi iyeke gbe avbe iyi ne ọ huanrẹn ne a yi ma iran.

I Jọn 5:16

A deghẹ orhiọnkpa mu ọtiọnrẹn vbe ọ ru orukhọ ne ẹ i si uwu, wẹ ne ọ na erhunmwu ghe Osanobua, ne ọ gha rhie arrọọ nẹẹn. Ọghe iran ne orukhọ iran i re ne ọ si uwu ọre a kha. Sokpan orukhọ ne ọ si uwu rrọọ. I ma wẹ ne uwa na erhunmwu ghe Osanobua ye ọnii.