Hibru 6:4 - Edo Bible (E Baibol Ẹdo) Version 1996

⁴ Rhunmwuda, vbe a ra ya viọ iran ni dele hin iyayi rre dọlegbe gha dee hẹ yi, ne iran do ro iro fi ekhọe werriẹ? Iran ka gha rre uwu uwanmwẹ Osanobua vbe ẹghẹ ọkpa yi. Iran danmwẹ ghe vbe ọhẹ ọghe ẹrinmwi, iran keghi vbe ghae vbe Orhiọn Ne Ọ Huanrẹn.

Hibru 6:4 ပူးပေါင်းရင်းမြစ်များ

Levitikọs 13:55

Ọ ghi ghe ẹre, a deghẹ ọ ma he fi ama rẹn werriẹ, a gha rhe miẹn wẹẹ, ọ ma vẹ yọ, awua ye nọ, wa ghi giẹn emwi nii uan, ọre odaro ẹre ra iyeke ẹre ọ re ọ ye.

Levitikọs 14:43

A deghẹ irhunrhun vbe dọlegbe la owa nii, iyeke vbe a munọ okuta nii hin rre nẹ, a kevbe vbe khiakhia egbekẹn, ne a na vbe dọlegbe siẹn.

Nọmbas 24:3

Ọ keghi guan ẹmwẹ akhasẹ na wẹẹ: “Uhunmwu ne Balam ne ovbi Beọ gie, ẹmwẹ ọmwa nii ne ọ sẹtin bẹghe vẹn ẹn,

Matiu 12:45

Ẹghẹ ni, ọ ghi ya viọ orhiọn dan ihinrọn. ni rhia sẹ irẹn ba egbe gha dee do gbe ẹkun sotọ. Ẹdẹ agbọn ọmwa ni ghi do kulo sẹ vbene ọ te gha ye. Emwi vberriọ zẹẹ ọre ọra sunu vbe egbe orre dan na.”

Matiu 5:13

“Wa ọrọre umwẹ agbọn, a deghẹ orhiẹnrhiẹn umwẹ fafaa, a i miẹn emwi ne a gha ya ru ẹe ne ọ dọlegbe gha rhiẹnrhiẹn, ọ la ọrhiae rrie nẹ. Te a ghi ra mu ẹn kua ne emwa gha ya owẹ rri ẹe mu otọ.

Iyẹn ne ọ Maan Ọghe Jọn 15:6

Ọmwa ne ọ ma di uwu imẹ ya, a gha mu ẹn fi fua zẹ vbe abọ, ọ ghi vbe kaka, a gha si egbe abọ vberriọ koko, a ghi hẹ ku erhẹn, a ghi giẹn ọnrẹn uan.

Iyẹn ne ọ Maan Ọghe Jọn 3:27

Jọn wanniẹn tama iran wẹẹ, “Ọmwa ọkpa ne ọ sẹtin gha mwẹ emwi rhọkpa i rrọọ vbe ẹ i re te Osanobua rhie nẹẹn.

Iyẹn ne ọ Maan Ọghe Jọn 4:10

Jesu wanniẹn wẹẹ, “Akpawẹ te u rẹn emwi ne Osanobua ya ru ọmwa ẹse ke ọmwa ne ọ wẹ ne u sa amẹ ne irẹn wọn, te u gha nọ rẹn, rẹn gha ghi vbe sa amẹ arrọọ nuẹn.”

Iyẹn ne ọ Maan Ọghe Jọn 6:32

Jesu wanniẹn wẹẹ, “Ẹmwata ọre I tama uwa, ẹ i re evbare ne ọ ke ẹrinmwi rre ọre Mosis rhie ne uwa, Erha mwẹ ọre ọ rhie evbare ne evbare ke ẹrinmwi gie uwa.

Iwinna 10:45

Unu keghi wa yan avbe Ju ne ivbi iyayi ni ke Jopa gha dee wẹ Osanobua vbe tue ọhẹ Orhiọn Ne Ọ Huanrẹn yan avbe iran ne ẹ i re Ju.

Iwinna 11:17

Aro da ẹe wẹ te Osanobua vbe rhie ne iran ne ẹ i re Ju na, egbe ọhẹ ne ọ rhie ne ima vbe ẹghẹ ne ima na ya Nọyaẹnmwa Jesu Kristi yi, gha ọre imẹ khekherriọ ne I gha na da Osanobua obọ yi.”

Iwinna 15:8

Osanobua ne ọ rẹn ekhọe emwa ne agbọn keghi rhie maa wẹ rẹn rhan obọ miẹn iran vbe ekpa ne Ọ na rhie Orhiọn Ne Ọ Huanrẹn ne iran zẹ vbene ọ vbe rhie ne ima.

Iwinna 8:20

Sokpan Pita wanniẹn tama rẹn wẹẹ, “Te uwẹ vbe igho ruẹ ra gba la ọrhiae rrie, ne u na gha ro ighẹ u gha sẹtin ya igho dẹ emwi ne Osanobua ya ru ọmwa ẹse.

Ebe ne Pọl gbẹẹn gie emwa Rom 1:11

Rhunmwuda, I wa ho ne I miẹn uwa ro ẹsẹse ne I miẹn ehe na gu uwa ghae vbe uwu afiangbe ọghe orhiọn ne ọ ya uwa wo vbe egbe.

II Kọrinti 4:4

Iran ma yayi, rhunmwuda ẹbọ dan ọghe agbọn na mu ekhọe iran dee ye uwu ebiebi nẹ. Ọ ma gie iran bẹghe uwanmwẹ ne ọ wan mu iran, uwanmwẹ ne ọ ke Iyẹn Ne ọ maa vbe ekpa uyi Kristi rre, ọmwa ne ọ re ama ne a ya gie Osanobua dandaandan.

II Kọrinti 4:6

Osanobua ne ọ kha re wẹẹ, “Uwanmwẹ gha wan ke uwu ebiebi ladian,” ọre ọ vbe wan uwanmwẹ ọnrẹn ye ima ekhọe, ne ọ rhie uwanmwẹ ọghe a rẹn uyi Osanobua ne ima, zẹ vbe ne ọ wan ladian vbe ugbaro Kristi.

Galatia 3:2

Emwi ọkpa ọre I mobọ ho ne uwa tama mwẹ. A ru vbene nene Uhi kha re, ọre Orhiọn Kristi ya sẹ uwa obọ ra, ra vbe ekpa ne uwa na họn, wa na vbe ya iyẹn ne ọ maa yi nọ?

Galatia 3:5

Ẹghẹ ne Osanobua na rhie nene Orhiọn ne uwa, ne ọ na vbe winna iwinna ọyunnuan vbe ehe ne uwa ye, te ọ ru ẹe ra rhunmwuda ighẹ uwa ru vbene nene Uhi kha re, ra rhunmwuda ighẹ wa họn nene iyẹn ne ọ maa wa na vbe yae yi?

Ẹfisọs 1:18

I vbe rinmwian wẹ, ne a kie uwa ekhọe, ne uwa miẹn ehe na dẹghe nene uwanmwẹ, ne uwa miẹn ehe na rẹn idaehọ ne irẹn tie uwa yi, kevbe vbene ọ hin ukhuaẹn sẹ hẹ ighẹ afiangbe ọyunnuan ne irẹn ve emwa rẹn re.

Ẹfisọs 2:8

Rhunmwuda, ẹsọhẹ ọghe Osanobua ọre a ya miẹn uwa fan vbe ekpa iyayi, ẹ i re emwi ne uwa ru, sokpan ẹse Osanobua nọ.

Ẹfisọs 3:7

Emwi ne Osanobua la ekpa iwinna ẹtin ẹnrẹn ya we mwẹ, ọre ọ ya ya mwẹ khian ọguọmwadia nene iyẹn ne ọ maa.

Ẹfisọs 4:7

Dọmwadẹ ọghọe vbe uwu ima mwẹ emwi ne a ya wẹẹ, zẹ vbe ne emwi ne Kristi rhie ne ọmwa vbe sẹ.

I Timoti 4:14

Ghẹ ya emwi orhiọn ne a ya wuẹ rhọ eghẹrẹ, ne a rhie nuẹn ẹghẹ ne a vbe akhasẹ na guan kevbe ne avbe ediọn na viọ obọ yan ruẹn uhunmwu.

II Timoti 2:25

Ọmwa ne ọ ya urhu khuẹrhẹ tama ọmwa ne ọ gu ẹe suan, ehe ne ọ na bae ku. Ughaghe Osanobua gha rhie ẹkpotọ ne iran ya fi uyinmwẹ werriẹ, ne iran vbe do rẹn ẹmwata ne ọ rrọọ.

II Timoti 4:14

Emwi ne ọ ru mwẹ re ima ighẹ Alẹkzanda ne ogun ẹrọnmwọ. E Nọyaẹnmwa gha vbe ha ẹre osa emwi ne ọ ru.

Hibru 10:32

Wa roro vbe ne ọ gha ye uwa hẹ, ẹghẹ ne ọ gberra. Ẹkpo nii, vbe uwanmwẹ Osanobua ghi wan mu uwa nẹ, wa rri oya emwi ni bun, sevba ọlọghọmwa nii ma gbele uwa kua.

Hibru 2:4

Erriọ vbe nọ zẹ, Osanobua keghi rhie osẹe ọghọe te ọghe iran vbe ekpa ne ọ gha winna iwinna ama, ẹtin, ọyunnuan, kevbe iwinna ọyunnuan ni bun. Deba ẹre, ọ keghi ya ọhẹ Orhiọn Ne Ọ Huanrẹn ghae ne emwa hia vbene ọ yẹ ọre.

I Jọn 5:16

A deghẹ orhiọnkpa mu ọtiọnrẹn vbe ọ ru orukhọ ne ẹ i si uwu, wẹ ne ọ na erhunmwu ghe Osanobua, ne ọ gha rhie arrọọ nẹẹn. Ọghe iran ne orukhọ iran i re ne ọ si uwu ọre a kha. Sokpan orukhọ ne ọ si uwu rrọọ. I ma wẹ ne uwa na erhunmwu ghe Osanobua ye ọnii.