Hibru 6:2 - Edo Bible (E Baibol Ẹdo) Version 1996

² Iruẹmwi vbe ekpa isamẹ kevbe obọ ne a viọ yan emwa uhunmwu, ọghe a huẹn eniwu kpaegbe kevbe ibuohiẹn etẹbitẹ.

Hibru 6:2 ပူးပေါင်းရင်းမြစ်များ

Asan-Ibo 12:14

Te Osanobua ra bu ohiẹn emwi hia ne ima ru, deghẹ ne ọ maa nọ ra ne ẹ i maa, ya sẹ egbe emwi ne a ru vbe ẹkhokho.

Aizaia 26:19

Iran ni wulo nẹ vbe emwa ima, gha dọlegbe gha rre agbọn! Ikun iran gha dọlegbe rhiọrre. Iran hia ni vbiẹ vbe uwu idin iran, gha kpaegbe so ihuan oghọghọ. Zẹ vbene evbu ni fi wainwain ye otọ agbọn rọkhọ, erriọ Nọyaẹnmwa gha huẹn iran ni wulo arria nẹ usin kpaegbe.

Daniẹl 12:2

Nibun vbe uwu iran ni wulo nẹ, gha dọlegbe gha rre agbọn, eso gha wa gha rrọọ ẹdẹdẹmwẹdẹ, eso ghi gha re ne a faraa ẹdẹdẹmwẹdẹ.

Matiu 28:19

Wa bu emwa hia gha rrie ehe hia ne uwa ya gha ya iran khian erhuanegbe mwẹ, wa gha samẹ ne iran vbe Eni ọghe Erha, kevbe Ọmọ kevbe ọghe Orhiọn Ne Ọ Huanrẹn.

Matiu 3:14

E Jọn keghi te gha tama Jesu ighe ọ ma la vberriọ, ọ wẹẹ, “Wẹ ọre ọ kere ne ọ gha samẹn ne imẹ, vbe uwẹ ghi na bu mwẹ gha dee hẹẹ?”

Iyẹn ne ọ Maan Ọghe Mak 16:16

Ọmwaikọmwa ne ọ yayi, a na vbe samẹ nẹ ẹn, ọ gha miẹn imiẹnfan. Ọmwaikọmwa ne ọ ma yayi, a gha bu abe gbẹe.

Iyẹn ne ọ Maan Ọghe Mak 7:4

Emwi ne a rhirhi dẹ ke ẹki rre, iran ma kpe ẹe nẹ, iran i rri ọe. Ilele ni bun vberriọ ne iran do vba vbe otọ iran ghi wa gha lele ẹe, zẹ vbene a na lele ọbakpe avbe ukpu, akhe, ọkpan ẹrọnmwọ kevbe ukpo ne a vbiẹ.)

Iyẹn ne ọ Maan Ọghe Mak 7:8

Jesu keghi khama iran wẹẹ, “Wa sẹ uhi Osanobua rae ye otọ, wa na gha lele uhi emwa kẹkan.”

Iyẹn ne ọ Maan Ọghe Luk 11:38

Ọ na wa yan e Farisi ni unuan wẹ Jesu ma kpe ọ kegha rri evbare.

Iyẹn ne ọ Maan Ọghe Luk 12:50

I mwẹ isamẹ ọkpa ne I gha yegbe miẹn. U miẹn vbe egbe mannọ mwẹ hẹẹ, ọ te do fo vbe otọ!

Iyẹn ne ọ Maan Ọghe Luk 14:14

a gha fiangbuẹ, rhunmwuda iran i sẹtin ha ruẹ use. Osanobua gha ha ruẹ osa vbe ẹghẹ ne a gha na huẹn avbe emwata kpaegbe vbe idin.”

Iyẹn ne ọ Maan Ọghe Luk 3:16

Rhunmwuda ọnii Jọn keghi tama iran hia wẹẹ, “Amẹ ọre imẹ ya samẹ ne uwa, sokpan, ọmwa ne ọ kpọlọ sẹ mwẹ ẹsẹse dee. Mẹ ma sẹ ne ọ gha ban ẹre ibata. Rẹn ọre ọ gha ye orhiọn Ne ọ huanrẹn kevbe erhẹn same ne uwa.

Iyẹn ne ọ Maan Ọghe Jọn 1:33

I ma te yevbe rẹn ọnrẹn, sokpan Osanobua ne ọ gie mwẹ ne I do gha ye amẹ same ne emwa ọre ọ tama mwẹ wẹẹ, ‘U gha miẹn vbe Orhiọn a tuorre, ọ na rhuẹ yan ọmwa ọkpa ọmwa nii ọre ọ khian gha ya Orhiọn Ne ọ huanrẹn same ne emwa.’

Iyẹn ne ọ Maan Ọghe Jọn 5:29

iran ghi ke unu idin iran ladian, a gha huẹn iran ni ru ẹse kpaegbe ne iran gha rrọọ, a gha huẹn iran ni ru emwi dan kpaegbe, a ghi bu abe gbe iran.

Iwinna 10:47

“Iran na miẹn Orhiọn Ne Ọ Huanrẹn zẹ vbene ima vbe miẹn. Ọmwa ọkpa rrọọ ne ọ gha wẹ ne a ghẹ ye amẹ sa amẹ ne iran ra?”

Iwinna 13:3

Iran keghi yo aguẹ, iran na na erhunmwu, iran ghi viọ obọ yan iran uhunmwu nẹ, iran na wẹ ne iran gha khian.

Iwinna 16:15

A keghi sa amẹ ne ẹn ke ẹe kevbe owa ẹre. Rẹn keghi tama ima wẹẹ, “Deghẹ wa gele ka mwẹ ye ọmwa ne ọ ya Nọyaẹnmwa yi vbe ẹmwata, wa do di owa mwẹ ya.” Rẹn keghi rherhe ima viọ gha khian.

Iwinna 16:33

Vbe asọn ni, eseghan nii keghi viọ iran, ọ na kpe iran ẹwẹn, a keghi vbe sa amẹ ne ẹn, ke ẹe kevbe ẹgbẹe ọre hia vbe ọwarọkpa nii.

Iwinna 17:18

Avbe ọmamwaemwi Epikurian kevbe Stoik eso keghi vbe guee gha muan ẹmwẹ. Eso vbọ kegha kha wẹ, “De emwi ne ole unu na vbe miẹn gha ta yi?” Eso vbọ keghi vbe kha wẹ, “Ọ ye vbe ẹmwẹ ẹbọ ne ima mannọẹn ọre ọ ta.” Emwi ne ọ ye iran ta ẹmwẹ na ọrọre wẹ te Pọl gha kpe orhu Jesu kevbe arhiọkpaegbe.

Iwinna 2:38

Pita tama iran wẹẹ, “Dọmwadẹ ọghọe vbe uwu uwa zẹ obọ vbe orukhọ ne a ru ne a do sa amẹ ne uwa, vbe eni Jesu Kristi, ne a miẹn ehe na ya orukhọ uwa bọ uwa, wa gha vbe mwẹ Orhiọn Ne Ọ Huanrẹn ne Osanobua gha ya ru uwa ẹse.

Iwinna 2:41

Ni bun vbe uwu iran keghi ya ẹmwẹ ọnrẹn yi, a keghi sa amẹ ne iran, emwa ni do ya egbe ba iran vbe ẹdẹrriọ kegha re omwa arriaisẹn eha.

Iwinna 23:6

Ugbẹn vbe Pọl ghi miẹn wẹ eso vbe uwu emwa ni rre evba re Sadusi, eso vbọ keghi vbe re Farisi, ọ davan vbe adesẹ iko ni wẹẹ, “Etẹn mwẹ, e Farisi ọre I mẹ khin, ovbi Farisi ọre I khin. Emwi ne a gu bu ohiẹn mwẹ na ọrọre wẹ mẹ mwẹ idaehọ wẹ a gha huẹn avbe ni wulo kpaegbe.”

Iwinna 24:15

Idaehọ ne iran mwẹ vbe ehe ne Osanobua ye ọre imẹ vbe mwẹ wẹ emwa hia, ọ re ọmwa esi nọ ra ọmwa dan, a gha huẹn iran kpaegbe vbe orinmwi.

Iwinna 24:21

Sokpan ama wẹ emwi ọkpa ne I ya gha go vbe I mudia ye odaro iran wẹẹ, ‘Emwi ni uwa gun mwẹ gui ba ẹre na ọrọre rhunmwuda ne I na yayi ighẹ emwa ni wulo hia, a gha dọlegbe huẹn iran kpaegbe.’ ”

Iwinna 24:25

Sokpan Pọl ghi suẹn gha ta ẹmwẹ uyinmwẹ esi, a mu egbe ye ọghọ kevbe Ẹdẹ Ibuohiẹn, ohan kegha mu e Fẹlis, ọ na kha wẹẹ, “U sẹtin gha khian nẹ, I gha dọlegbe tie ruẹ vbe i a miẹn obọ.”

Iwinna 26:8

Vbe ọ zẹ yi ne uwa ne Ju ma na sẹtin yayi ighẹ Osanobua huẹn avbe orinmwi kpaegbe?

Iwinna 4:2

Ohu mu iran rhunmwuda ne avbe ukọ na ma avbe emwa ni emwi wẹ Jesu rhiọkpaegbe vbe idin, ọna keghi re emwi ne a ya ta ẹe rhuan wẹ, a gha ye huẹn emwa ni wulo nẹ hin idin rre.

Iwinna 6:6

Iran viọ iran gie avbe ukọ, iran keghi na erhunmwu ne iran, iran na viọ obọ yan iran uhunmwu.

Ebe ne Pọl gbẹẹn gie emwa Rom 2:16

Zẹ vbene Iyẹn Ne ọ maa ne I kpe orhu ẹre kha re, erriọ ọre ọ khian gha ye vbe Ẹdẹnẹdẹrriọ, ne Osanobua gha la obọ Jesu Kristi bu ohiẹn iro ẹkhokho ni rre ekhọe emwa hia.

I Kọrinti 10:2

A keghi sa amẹ ne iran hia vbe uwu okuku kevbe uwu okun zẹ vbe emwa ni lele Mosis khian.

I Kọrinti 12:13

Erriọ ọre ọ ye ne ima hia, e Ju kevbe ne ẹ i re Ju, eviẹn kevbe ne ẹ i re eviẹn, a sa amẹ ne ima ye uwu egbe ọkpa nii nẹ vbe ekpa Orhiọn ọkpa nii, a keghi vbe rhie Orhiọn ọkpa nii ne ima hia wọn vbọ.

II Kọrinti 5:10

Rhunmwuda, ẹ i mwẹ ma hia ma mudia ye odaro Kristi, ne ọ miẹn ehe na bu ohiẹn mwa. ne dọmwadẹ ọghọe miẹn ehe na miẹn emwi ne ọ khẹ kẹe rhie, zẹ vbene ọ ye obọ ru vbe ọ rre agbọn, deghẹ ne ọ maa nọ ra ne ẹ i maa.

Filipai 3:21

Rẹn ghi fi egbe ne mitan mitan ne ọ sẹtin wu ọghomwa na werriẹ, ọ ghi yae khian vbene egbe uyi ọghe irẹn ye, vbe ekpa ẹtin nii ne irẹn ya sẹtin viọ emwi hia ye ototọ asẹ ọghọe.

Kọlose 2:12

Rhunmwuda, ẹghẹ ne a na sa amẹ ne uwa, a keghi re orinmwi uwa ba Kristi, kevbe vbe uwu isamẹ nii, a kevbe huẹn uwa kpaegbe vbe orinmwi ba Kristi, vbe ekpa iyayi ne uwa mwẹ vbe uwu ẹtin nọ winna ọghe Osanobua ne ọ huẹn ọnrẹn kpao vbe orinmwi rre.

II Timoti 2:18

Iran la hin odẹ ẹmwata rre nẹ, te iran ya iro iyayi han emwa iyayi eso, vbene iran na ta ẹe khian wẹ arhiọkpaegbe mwa sunu gberra nẹ.

Hibru 11:35

Vbe ekpa iyayi, a keghi huẹn ivbi ikhuo ni te wulo nẹ kpaegbe viọ ne iran. Eso vbọ keghi he vbe a te ra fannọ iran kua, iran keghi wulo ye uwu ekuẹnkuẹn, ne a miẹn ehe na huẹn iran ye arrọọ ne ọ maa sẹ ọnii.

Hibru 9:10

Emwi ni rrọọ ma gberra evbare, evba da kevbe ulamwẹ ọkpe huan ughughan, ilele ọghe ore egbe kẹkan, ọre ena hia khin, ne a miẹn wẹ, ọ mwẹ esa ne ọ ye, ọ te do sẹ ẹghẹ ne Osanobua gha na fi emwi hia werriẹ ne ọ dọlọ iran yi.

II Pita 3:7

Sokpan agbọn kevbe ẹrinmwi ne ọ rrọọ banbanna, ẹmwẹ ọkpa ni ọghe Osanobua, ọre a ya da ẹe yi, ne a do ya erhẹn fuẹn ọnrẹn uan. Te a viọ iran hinrre khẹ ẹdẹ ne a gha gui ẹzọ avbe emwa dan ne a fuẹn iran uan.