Hibru 6:17 - Edo Bible (E Baibol Ẹdo) Version 1996

¹⁷ Osanobua keghi ho ne ọ rhie maa emwa ne emwi ne irẹn ve gha sẹ ọre obọ hia wẹ, rẹn i ra fi ekhọe werriẹ: rhunmwuda ọnii, ọ na rhie eyan na te emwi ne ọ ve.

Hibru 6:17 ပူးပေါင်းရင်းမြစ်များ

Gẹnẹsis 26:28

Iran keghi wanniẹn wẹẹ, “Banbanna nian, ma rẹnrẹn wẹẹ e Nọyaẹnmwa guẹ rrọọ, te ima rre na ne a do ru emwamwa ẹmwata ne egbe. Ma ho ne uwẹ yan wẹẹ,

Psalm 110:4

E Nọyaẹnmwa vẹe ye urhu nẹ, ẹ i ra vbe fi ẹe werriẹ wẹẹ, “Ohẹn wẹ ra gha khin ẹdẹdẹmwẹdẹ vbe uniẹn ne a na rri ohẹn ọghe Mẹlkizẹdẹk.”

Psalm 33:11

Sokpan, emwamwa irẹn rrọ ẹdẹdẹmwẹdẹ, iziro ọghọe rrọ etẹbitẹghori.

Psalm 36:8

Evbare ọrhẹnrhẹn ne u hẹ ma ọ re ima re; u kevbe gie ima vbe gha wọn vbe ẹzẹ iruemwiẹse ruẹ.

Ẹksọdọs 22:11

ihẹn vbe owa ugamwẹ ọre a ghi ya rẹn a deghẹ te ọ ma do emwi ọmwa nọkpa nii rhie. a deghẹ ẹki oyi irrọọ, e nọyan rẹn ghi sẹ ẹmwẹ emwi ne ọ wiri rae vberriọ vbe ne ọmwa nii i na vbe ha ẹre osa.

Itan 19:21

Emwa sẹtin mwamwa emwi gbe erhan gbe irri, sokpan, ne ọ yẹ e Nọyaẹnmwa ọ re a ra ru.

Ihuan Ne Ọ Sọọ Ihuan Hia 5:1

I la uwu ogba nẹ, ikpẹ amiẹnmiẹn kevbe ọha mwẹ. I gha si avbe ọmọ erhan ni winhin kevbe oziya mwẹ koko I gha rri owọn kevbe ipapa owọn mwẹ I gha wọn ayọn kevbe ewẹn mwẹ. Wa gha re avbe enida, wa gha da rhinrin ayọn ahoẹmwọmwa ke do gha gbe uwa.

Aizaia 14:24

E Nọyaẹnmwa ne Oghodua vẹn ihẹn nẹ wẹẹ, “Te emwi ne I mwamwaẹn gha sunu. Emwi ne I kha nẹ wẹ a gha ru ẹe, te a ra ru ẹe.

Aizaia 46:10

Vbe omuhẹn, ọ re I na taa emwi ne ọ gha kiekie ẹre, vbe ẹghẹ ne ọ kpẹe fua, I taa emwi ne ọ gha sunu yotọ nẹ. I khare wẹ, emwi ne I mwamwaẹn ne I ru, te ọ gba te I ru emwi hia ni rrọ mwẹ ekhọe ne I ru.

Aizaia 55:11

Erriọ ọ re ẹmwẹ ne I tae ra vbe gha ye ẹ i mwẹ ọ ma ru emwi ne I wẹ ne ọ ru. Ọ gha ru emwi hia ne I gie ẹe ne ọ ya ru.

Aizaia 55:7

Gie emwa dan fi uyinmwẹ iran werriẹ, ne iran vbe fi iziro ekhọe iran werriẹ wa gie iran bu e Nọyaẹnmwa ne Osanobua ima gha dee, ọ mwẹ itohan, ọ vbe zẹgiẹgiẹ yabọ.

Malakai 3:6

Mẹ ọrọre Nọyaẹnmwa, mẹ i vbe fiwerriẹ. Rhunmwuda ọnii wa ma he wa wirua fo, wa ne ivbi uniẹn e Jekọb.

Iyẹn ne ọ Maan Ọghe Jọn 10:10

Oyi gha rre, te ọ do rha, te ọ do gbe ua kevbe ne ọ do murhia. Sokpan mẹ rrọ ne iran miẹn ehe na gha rre agbọn, ne iran gha rrọọ vbe ne emwi hia na gba ne iran.

Ebe ne Pọl gbẹẹn gie emwa Rom 11:29

Rhunmwuda Osanobua i fi ekhọe werriẹ vbekpa ọmwa ne irẹn hannọ zẹ kevbe ne ọ fiangbe.

Ebe ne Pọl gbẹẹn gie emwa Rom 8:17

Vbene ima ghi na rre ivbi ẹre, afiangbe ẹre ne ọ rhie khẹ emwa rẹn, gha khian ọghomwa, ma ghi vbe gu Kristi gha mwẹ oghae vbe avbe emwi ne ọ hẹ khẹ ọre, rhunmwuda deghẹ ma ghae vbe oya Kristi, ma gha vbe ghae vbe uyi ẹre.

Galatia 3:29

Deghẹ wa re ọghe Kristi, ẹkpo nii, wa ghi vbe gha re ivbi Ebraham, emwi ne Osanobua ve gha vbe sẹ uwa obọ.

Ẹfisọs 1:11

Rhunmwuda, vbene Osanobua we emwi gha ye ọre ọ ye, Osanobua keghi zẹ mwa wẹ ne ima gha re emwa irẹn, vbe uwu a ya egbe ba Kristi, rhunmwuda, emwamwa ne irẹn mwamwa ẹn zẹ vbene ọ ta ẹe ke omuhẹn gha dee.

Hibru 11:7

Iyayi ọre ọ ya Noa họn ẹmwẹ ne Osanobua tama rẹn ye otọ, vbe ekpa emwi ne ọ gha he sunu vbe ẹghẹ ne ọ dee, ne irẹn ma he dẹghe. Rẹn keghi ru vbene Osanobua kha re, ọ keghi kan okọ ne irẹn kevbe ẹgbẹe ọre na miẹn uhunmwu. Odẹ vbe nian, rẹn bu abe gbe agbọn, ọ keghi ya iyayi khian ọmwa. ẹmwata vbe obọ Osanobua.

Hibru 11:9

Vbe ekpa iyayi, rẹn keghi yin ẹvbo nii ne Osanobua ve ẹre re, vbene a miẹn wẹ orhunmwuyẹn rẹn khin. Rẹn keghi yin okhogbo ukpọn, irẹn kevbe Aizik kevbe Jekọb ne Osanobua vbe ve ẹre emwi vberriọ.

Hibru 6:12

Ma i ho ne uwa gha si oroho, sokpan ne uwa gha ye vbe emwa ni yayi ni vbe mwẹ iziengbe, ne emwi ne Osanobua ve sẹtin sẹ uwa obọ.

Hibru 6:16

Ọmwa gha yan, ọ ghi ya eni ọmwa ne ọ kpọlọ sẹ irẹn yan. Eyan ọre ọ ta ọfo ye imuaẹmwẹ hia, ne emwa gu egbe muan.

Hibru 6:18

Rhunmwuda ọnii khekherriọ, emwi eva na ọre ọ rrọọ ne ẹ i sẹtin fiwerriẹ, kevbe vbe ekpa ne Osanobua i na sẹtin ta ohoghe. Rhunmwuda ọnii, te ọna rhie igiẹdu ne ima ni lẹ fe ye ehe ne ọ ye nẹ, ne ima da ẹe yi gbain ighẹ idaehọ ne a rhie ima aro yi.

Jems 1:17

Emwi ne ọ gbae, ne ọ maa, ne a ya we ọmwa hia, ke ẹrinmwi rre nọ. Obọ Osanobua ne Ayi ne ọ yi uwanmwẹ ẹrinmwi, ọ re ọ ke rre. Rẹn i fi werriẹ, ra ne ọ vbe la ekpa a fiwerriẹ si ebiebi.

Jems 2:5

Wa danmwehọ etẹn mwẹ ni ghan. Avbe ivbiogue ni rre agbọn na, ọre Osanobua zẹe wẹ, iran mwẹ iyayi ẹsẹse kevbe wẹ, iran ọ ra yan arriọba ne irẹn ve iran ni ho ẹmwẹ ọnrẹn re.

I Pita 1:3

Wa gie ima rhie ekpọnmwẹ ne Osanobua ne Erha kevbe Nọyaẹnmwa Jesu Kristi! Rhunmwuda itohan rẹn nọkhua, ọ keghi rhie arrọ ọghe ọgbọn ne ima, vbe ekpa ne ọ na huẹn Jesu Kristi kpao vbe orinmwi. Ọ na rhie idaehọ ne ọ ma wu vuọn ima.

I Pita 3:7

Kevbe uwa ne avbe ọdọ, vbe obọ ne uwa ya mu avbe amwẹ uwa, wa ghi gha ye rre wẹ, emwa ni ma wo vbe egbe iran khin, wa ghi gha mu iran tetete, rhunmwuda iran tobọ iran gha vbe deba uwa ghae vbe arrọọ ne Osanobua ra ghae ne emwa. Wa ghi gha ru vberriọ ne emwi rhọkpa ghẹ mu idobo ye uwa erhunmwu ne uwa na.