Hibru 6:13 - Edo Bible (E Baibol Ẹdo) Version 1996

¹³ Ẹghẹ ne Osanobua na ve Ebraham emwi ọ keghi yan wẹ, rẹn gha ru vbene irẹn ve. Ugbẹn vbe a miẹn wẹ, ọmwa ne ọ kpọlọ sẹ irẹn i ghi rrọọ, ọ keghi ye eni egbe ẹre yan nene eyan.

Hibru 6:13 ပူးပေါင်းရင်းမြစ်များ

I Krọnikol 16:16

Ile ne ọ gu Ebraham ta, emwi ne ọ ve Aizik re.

Ẹksọdọs 32:13

Ye avbe eguọmwadia ruẹ; rre, avbe Ebraham, Aizik kevbe Jekọb kevbe vbene u yan ma iran vbe eni ruẹn, ne u na khama iran wẹẹ, ‘I gha viọ emọ uniẹn ivbi uẹ ni yevbe orhọnmwẹ nii rre iso nuẹn. Otọe ne I ve na, I gha vbe muẹn ne avbe ivbi uẹ, ọ ghi gha re ọghe iran ẹdẹdẹmwẹdẹ.’ ”

Aizaia 45:23

Ẹmwata ọ re eyan ne I yanrẹn khin ai vbe fi ẹe werriẹ. Emwi ne I khin hia fẹẹrẹ ọ re I ya yan: Emwa hia gha rre do diguẹ vbe odaro mwẹ iran ghi yan wẹ iran gha rhie egbe mu mwẹ.

Jerimaia 22:5

“Sokpan, a deghẹ wa ma ghi rhie ẹmwẹ ne I tae, I wa vẹn ihẹn ya tae ma uwa wẹ, ẹguae na gha khian itowa. Mẹ ne Nọyaẹnmwa ọ re ọ taa ẹe.

Jerimaia 44:26

Sokpan, wa danmwehọ nian, eyan ne imẹ ne Nọyaẹnmwa, ya eni mwẹ nọkhua yan ma uwa ne ivbi Izrẹl ni rre Igipt wẹẹ, ‘Mẹ i ghi ra dọlegbe gie ọmwaikọmwa vbe uwu uwa ya eni mwẹ yan emwi wẹ I ya eni e Nọyaẹnmwa ne Udazi ne ọ rrọọ vinhẹn.’

Jerimaia 49:13

“Mẹ tobọmwẹ vẹn ihẹn ne wẹ e Bozra gha khian ne ọ mianmwẹ ughe, ọ ghi vbe khian ato, emwa gha yae gha gbogiẹ, a ghi ya ẹe gha tie ihẹn. Avbe igue ni lẹga ẹre hia gha khian itowa ẹdẹdẹmwẹdẹ. Mẹ ne Nọyaẹnmwa ọ re ọ taa ẹe.”

Ezikiẹl 32:13

I gha lọkọ avbe ẹmila ruẹ ye dọmwadẹ uhae. A i ghi ra miẹn avbe ẹmila ra aranmwẹ ni gha tughu avbe amẹ nii ọvbehe.

Maika 7:20

Wẹ gha rhie ẹmwẹ ọmwa rre ọmwa ekhọe kevbe aho ẹmwẹ ọmwa ne ẹ i beghe ma emwa ruẹn, ivbi uniẹn Ebraham kevbe Jekọb, zẹ vbene u yan ma avbe erha mwa odede ẹkporriọ.

Iyẹn ne ọ Maan Ọghe Luk 1:73

Ọ yan ma Ebraham ne erha mwa odede.

Galatia 3:15

Etẹn, I ra ya emwi na miẹn ẹdẹgbegbe ru igiemwi ma uwa. Arhin eva gha gba mwamwa emwi ọkpa, iran na gba rhie obọ ye ebe nẹ, ọmwa ne ọ gha sẹtin khiẹn ruan ra ne ọ rhie te ẹe, ẹ i rrọọ.

Galatia 3:18

A deghẹ, ekpa nene Uhi ọre Osanobua gu rhie emwi ne ọmwa, ẹghẹ nii, ẹ i ghi re rhunmwuda emwi ne ọ ve. Vbene ọ rhirhi gha ye hẹ, Osanobua rhie ẹre ne Ebraham rhunmwuda ighẹ te ọ ve ẹe ẹre re.

Diuteronomi 1:8

Ena ọrọre, otọ ne imẹ ne Nọyaẹnmwa yan rẹn wẹ I gha mu ne avbe erha uwa odede Ebraham, Aizik kevbe Jekọb, kevbe avbe ivbi iran, ọ re ena khin, wa gha khian ya yin ẹnrẹn.’ ”