Hibru 6:12 - Edo Bible (E Baibol Ẹdo) Version 1996

¹² Ma i ho ne uwa gha si oroho, sokpan ne uwa gha ye vbe emwa ni yayi ni vbe mwẹ iziengbe, ne emwi ne Osanobua ve sẹtin sẹ uwa obọ.

Hibru 6:12 ပူးပေါင်းရင်းမြစ်များ

Itan 12:24

Te iwinna ne a mu aro yi rhie ẹtin ne ọmwa, sokpan, te oroho si ọmwa la iyoha.

Itan 13:4

Vbene emwi a ya khọn ọmwa oroho sẹ, ẹ i sẹ ọre obọ. Ọmwa ne ọ mu aro ye iwinna, emwi ne ọ rhirhi a gha ho hia, ọ re ọ sẹ ọre obọ.

Itan 15:19

U gha re ọmwa ne ọ si oroho, ọlọghọmwa ọ re u ra gha miẹn vbe ehe hia; sokpan, adeghẹ ọmwa esi ọ re u khin, u i vbe miẹn orueghe rhọkpa.

Itan 18:9

Ọmwa oroho kevbe ọka ẹrhia, okpa ọ re iran eveva khin.

Itan 2:20

Rhunmwuda ọnii u ghi gha ya egbe ta emwa esi ne u gha yin uyinmwẹ esi.

Itan 26:14

Ọmwa oroho gha werriẹ yo wẹrriẹ rre vbe ukpo ẹre zẹ vbene ẹkhu de yo de rre vbe olode ne a gbae ginna.

Itan 28:10

U gha rẹrẹ ọmwa esi fi orukhọ, ifi ne uwẹ tobọ khuẹn gha mu ẹẹn. A ghi san ọmwa ne ọ ma rukhọ ẹsẹse.

Ihuan Ne Ọ Sọọ Ihuan Hia 1:8

Wẹ ma rẹn ehe ne ọ khin ra okhuo ne ọ mose sẹ ikhuo hia? Gha khian ya lele avbe ohuan nii gualọ ehe ne avbe ẹwe ruẹ, gha na rria vbe ọkpẹn owa ukpọn avbe ọsuohuan.

Jerimaia 6:16

E Nọyaẹnmwa tama emwa rẹn wẹẹ, “Wa mudia ye ada ne uwa rhie aro yotọ. Wa nọ ehe ne avbe odẹ nẹdẹ ye kevbe avbe odẹ ni maa sẹẹ nii. Wa gha la ẹe, wa gha vbe gha rre ọfumwegbe.” Sokpan, iran khare wẹẹ, “Ẹn o, ma i ru vberriọ.

Matiu 22:32

‘Mẹ ọrọre Osanobua Ebraham, Osanobua Aizik kevbe Osanobua Jekọb!’ Ọ ni rhie maa wẹẹ Osanobua ọghe iran ni ma he wu nọ, ẹ i re ọghe ni wulo.”

Matiu 25:26

Arowa ẹre keghi wanniẹn tama rẹn wẹẹ, ‘Wẹ ne ọguọmwadia dan, ne emitan, ugbẹn vbe u ghi rẹn ighẹ I rhọ emwiokọ vbe ehe ne I ma kọ yi, I vbe si koko vbe ehe ne I ma zagha emwiokọ kui.

Iyẹn ne ọ Maan Ọghe Luk 16:22

Ovbiogue nii ghi wu, avbe odibosa keghi mu ẹn ya diake Ebraham vbe ẹrinmwi. Enọfe ni keghi vbe wu, a na re ẹre.

Iyẹn ne ọ Maan Ọghe Luk 8:15

Emwiokọ ni dele ye otọ ne ọ maa mudia ye iran ni họn ẹmwẹ ni, iran keghi ye ekhọe esi nọ họn ẹmwẹ dae yi, iran na gha ya ẹe khian rhinrin ọ te do mọ.

Ebe ne Pọl gbẹẹn gie emwa Rom 12:11

Wa kakabọ gha winna, wa ghẹ so oroho, wa gha ya ekhọe ne ọ vuọn ne oyọnyọn ga Nọyaẹnmwa.

Ebe ne Pọl gbẹẹn gie emwa Rom 2:7

Emwa eso rrọọ ni winna iwinna esi khian, iran ghi gha gualọ uyi, kevbe ọghọ, kevbe ẹfe etẹbitẹ, Osanobua gha rhie ẹfe etẹbitẹ ne iran.

Ebe ne Pọl gbẹẹn gie emwa Rom 4:12

Rẹn ọre ọ vbe re erha iran ni rhuẹre, ẹ i re rhunmwuda ne iran na rhuẹ, sokpan rhunmwuda iran rrọọ vbe uwu iyayi egbe ne Ebraham vbe gha ye vbe ọ te do rhuẹ.

I Tẹsalonaika 1:3

Rhunmwuda, ma yerre vbe odaro Osanobua kevbe Erha mwa, vbene uwa ye iyayi uwa ru emwi hẹẹ, vbene aho ẹmwẹ ọmwa uwa ye uwa winna ẹsẹse hẹẹ, kevbe ne idaehọ uwa vbe uwu Nọyaẹnmwa Jesu Kristi ye gbain hẹ.

II Tẹsalonaika 1:4

Ọnii ọre ọ si ẹe ne ima tobọ ima na ye uwa ghagha vbe esọsi Osanobua hia. Ma ghi gha ya ẹe ghan ighẹ vbene uwa ziengbe oya hẹ, ne uwa na vbe yayi vbe uwu a zẹ ọmwa kpokpo, kevbe oya ne uwa re ẹghẹ na.

Hibru 1:14

De emwi ne avbe odibo Osa khin yi khekherriọ? Avbe ẹrinmwi ni ga Osanobua, rẹn ghi vbe gha gie iran ne iran ya gha ye emwa ni gha miẹn imiẹnfan obọ.

Hibru 10:36

Te uwa gha mwẹ iziengbe, erriọ ọre uwa gha na sẹtin winna iwinna Osanobua, ne emwi ne ọ ve gha na sẹ uwa obọ.

Hibru 11:33

Iyayi ọre iran ya gu agbọn ẹvbo ni bun khọn, iran na vbe khọnmiotọ. Iran ru emwi ne ọ kere, emwi ne Osanobua ve keghi sẹ iran obọ. Iran gue avbe oduma unu.

Hibru 12:1

Zẹ vbe ọ ghe ima, ma mwẹ osẹe ọkhọngborrie ni lẹga mwa, rhunmwuda ọnii wa gie ima bannọ idobo hia kua, kevbe orukhọ ne ọ rhikhan obọ mu ọmwa, wa gie ima mu aro ye ẹmwẹ ulẹ ne ọ rre ima otọ.

Hibru 13:7

Wa ye avbe ọkaolotu uwa ni karo rre, iran ni kpe orhu Osanobua ma uwa. Wa roro ẹe, vbe ne iran ya yin hẹ, kevbe vbene iran ya wulo hẹ, ne uwa gha ye egbe ta iran vbe ẹmwẹ iyayi.

Hibru 5:11

Emwi wa rrọọ ne a gha guan yan ẹmwẹ na ẹsẹse, sokpan ọ wa lọghọ ne a rhan otọ ẹre ma uwa, rhunmwuda, wa i rherhe rẹn otọ emwi.

Hibru 6:15

Ebraham mwẹ iziengbe, rhunmwuda ọnii emwi ne Osanobua ve keghi sẹ ọre obọ.

Jems 1:3

Rhunmwuda, wa rẹnrẹn wẹ, iyayi uwa gha sẹtin ya egbe miẹn edanmwẹ vberriọ, emwi ne a la ẹe miẹn ọrọre ẹbo iziengbe.

II Pita 1:10

Rhunmwuda ọnii khekherriọ, wa ne etẹn mwẹ, wa kakabọ hia ne uwa ya vbene uwa miẹn ọẹn hẹ ighẹ utiemwẹ ne Osanobua tie uwa, kevbe ne ọ na hannọ uwa zẹ, khian ọghe etẹbitẹ: rhunmwuda, wa gha ruẹe vberriọ, ẹ i mwẹ wa ma mu sọe.

I Jọn 2:25

Ọnọna ọrọre emwi ne Kristi vbe kha ighẹ, rẹn gha rhie ne ima, ọnii nọ wẹẹ, arrọọ ne ẹ i mwẹ ọfo.

Arhie Maan 13:10

Ọmwa ne a kha nẹ ighẹ te a ra mu ẹre izẹghede, te a ra gele mu ẹre izẹghede, ne a wẹ a gha ya umozo gbe ua, te a ra gele ya umozo gbe ẹe ua. I ziengbe kevbe iyayi ọre ọ na nọ rẹn vbe obọ emwa Osanobua.”