Hibru 5:7 - Edo Bible (E Baibol Ẹdo) Version 1996

⁷ Vbe ẹghẹ ne Jesu na gha rre agbọn na, utumwẹ nọkhua kevbe ameve ọre ọ ya gha nọ emwi vbe obọ Osanobua ne ọ gha sẹtin fan irẹn ye otọ vbe obọ uwu. Rhunmwuda ighẹ ọ mu egbe rri otọ ọ keghi vbe mu aro yọ. Osanobua keghi họn erhunmwu ẹnrẹn.

Hibru 5:7 ပူးပေါင်းရင်းမြစ်များ

Psalm 22:24

Rẹn i mianmian ivbiogue, ra ne ọ fi aro a vbe iran rri oya, ẹi vbe fi iyeke gbe iran, sokpan, iran gha nọ iyobọ, ọ ghi khuẹnniẹn.”

Psalm 69:1

Osanobua, miẹn mwẹ fan amẹ ne ọ vuọn sẹ mwẹ ẹyaẹn nẹ.

Psalm 88:1

E Nọyaẹnmwa Osanobua ọmiọnmwafan mwẹ te I wa tu ne ebi ro, ọ ghi sẹ asọn, I keghi bu ruẹ gha dee.

Aizaia 49:8

E Nọyaẹnmwa keghi tama emwa rẹn wẹẹ, “Ẹghẹ gha sẹ ne a gha ya miẹn uwa fan, I gha ru uwa ẹse, I ghi vbe rhie ewanniẹn ye utumwẹ ne uwa tu ya nọ iyobọ. I gha gbearoghe uwa, I ghi vbe degue uwa, obọ uwa ọ re I gha la gu emwa hia ta ile, I gha gie uwa ya dọlegbe tota ye otọ uwa ne ọ he dihoi rua na.

Aizaia 53:11

Ọ gha ghi rrii oya nẹ vbe ẹdẹ agbọn rẹn, ọ gha vbe dọlegbe miẹn ọyẹnmwẹ ọ gha rẹn wẹ rẹn ma rrioya kua kẹkan. ọguọmwadia mwẹ ne ekhọe esi ne ẹko mwẹ rhiẹnrhiẹn ghe. Gha ye egbe miẹn oya emwa nibun, rhunmwuda ẹre, mẹ gha yabọ iran.

Aizaia 53:3

Ma zan rẹn a keghi vbe he ẹe yotọ. Ọ ziengbe oya kevbe obalọ, a ma miẹn orhiọnkpa ne ọ vbe tọn aro mu ghe ẹre ma keghi wa yangbe ẹe vbene a gha kha ighẹ ẹ i re emwi rhọkpa.

Levitikọs 2:2

Ọ ghi mu ẹẹn bu ohẹn Errọn gha dee. Ohẹn ne ọ ru ugamwẹ ghi zẹ uguobọ ọkpa irhuarhua nii, ọ ghi giẹn ọnrẹn uan vbe aka ne a ya rhie ma wẹ te a ya ẹe zọ ese ghe Nọyaẹnmwa. Uwinhinmwẹ emwi ihaoko evbare vbenian yẹ Nọyaẹnmwa.

Matiu 27:46

Ọ ghi sẹ odẹ ihe ẹgogo eha, Jesu keghi datu, “El, El, lema sabaktani?” Ne a zẹ edu ẹre wẹẹ, “Osanobua mwẹ Osanobua mwẹ, vbọzẹ ne u na he mwẹ ye otọ?”

Matiu 27:50

Jesu keghi dọlegbe ya urhu ne ọla datu, ọ keghi hẹwẹ fo.

Iyẹn ne ọ Maan Ọghe Mak 15:34

Ọ ghi sẹ ihe ẹgogo eha, Jesu keghi ya urhu ne ọ la datu wẹẹ, “Ẹloi, Ẹloi, lema sabachthani?” Emwi ne a ya ọnii kha ọrọre “Osanobua mwẹ, Osanobua mwẹ, vbe ọ zẹ ne u na he mwẹ ye otọ?”

Iyẹn ne ọ Maan Ọghe Mak 15:37

Jesu keghi kakabọ datu, ọ na hẹwẹ fo.

Iyẹn ne ọ Maan Ọghe Luk 23:46

Jesu keghi ya urhu ne ọ la datu wẹẹ, “Evbavba, obọ ruẹ ọre I rhie orhiọn mwẹ yi!” Ọ ghi tae vberriọ nẹ, ọ keghi kpan udu.

Iyẹn ne ọ Maan Ọghe Jọn 1:14

Nene Ẹmwẹ ne a guan keghi khian ọmwa ne agbọn, ọ keghi do gu ima gha rrọọ. Ma miẹn uyi ẹre, ọ vuọn ne ẹsọhẹ kevbe ẹmwata. Ọ na kegha re uyi ne a rhie nẹẹn zẹ vbe ukpọmọkpa kẹkan ne Evbavba mwẹ.

Iyẹn ne ọ Maan Ọghe Jọn 11:35

Jesu viẹe

Iyẹn ne ọ Maan Ọghe Jọn 11:42

I rẹnrẹn ighe u danmwehọ mwẹ vbe ẹghẹ hia, sokpan rhunmwuda iran ni rre emwa na nian, ọ re I gu kha vberriọ ne iran miẹn ehe na rẹn ighe wẹ ọre ọ gie mwẹ.”

Iyẹn ne ọ Maan Ọghe Jọn 17:1

Ugbẹn vbe Jesu ghi ta avbe ẹmwẹ na fo nẹ, ọ keghi tọn aro mu ghe odukhunmwu, ọ wẹẹ, “Evbavba, ẹghẹ na kha nii sẹ nẹ nian. Rhie uyi ne Ovbi uẹ ne Ọmọ vbe rhie uyi nuẹn.

Ebe ne Pọl gbẹẹn gie emwa Rom 8:3

Emwi ne Uhi ma sẹtin ru, rhunmwuda ne ọmwa ma na wo vbe egbe vbe a yiẹe, Osanobua ru ẹe nẹ. Rẹn keghi bu ohiẹn gbe orukhọ ne ọ rre egbe ọmwa zẹ vbe ne a yiẹe, vbe ne ọ na gie Ovbi ẹre ne ọ mu akpa egbe ọmwa ne ọ mwẹ orukhọ yọ gha dee, ne ọ miẹn ehe na do gbe ukhu orukhọ ua.

Galatia 4:4

Sokpan, ugbẹn vbe ọ ghi do sẹ ẹghẹ ne ọ kee yọ sẹẹ, Osanobua keghi gie ovbi ẹre tobọ ẹre gha dee. Rẹn keghi rre zẹ vbe ọmwa ne iye ẹe re ọmwa ne agbọn na, ọ na vbe gha rre ototọ Uhi avbe Ju.

I Timoti 3:16

Ọmwa ne ọ gha sẹtin muan rẹn ẹ i rrọọ ighẹ ẹmwẹ oro nọkhua ọghe iyayi mwa: Rẹn rhie egbe ma zẹ vbe ọmwa kẹkan, a miẹn ọẹn vbe ọghe Orhiọn wẹ ọmwata nọ, avbe odibo Osa vbe miẹn ọẹn. A kpe orhu ẹre vbe avbe uhunmwu ẹvbo, a ya ẹe yi vbe otọ agbọn hia, a keghi tọn ẹn mu gha rrie ẹrinmwi.

Hibru 10:10

Rhunmwuda wẹ Kristi ru zẹ vbene Osanobua ho ne ọ ru, ma keghi khian ne a khuẹ hin orukhọ ima ne, rhunmwuda ese ne ọ ya egbe ẹre zọ uhukpa ne ọ fo vbe otọ.

Hibru 10:5

Ọna ọre ọ si ẹe ne a na miẹn wẹ ugbẹn vbe Kristi ghi ra gha die agbọn, ọ keghi kha wẹẹ, “Wẹ i gualọ ese ra emwi imuohan aranmwẹ, sokpan, wẹ ru egbe ọkpa ye otọ mẹ nẹ.

Hibru 11:7

Iyayi ọre ọ ya Noa họn ẹmwẹ ne Osanobua tama rẹn ye otọ, vbe ekpa emwi ne ọ gha he sunu vbe ẹghẹ ne ọ dee, ne irẹn ma he dẹghe. Rẹn keghi ru vbene Osanobua kha re, ọ keghi kan okọ ne irẹn kevbe ẹgbẹe ọre na miẹn uhunmwu. Odẹ vbe nian, rẹn bu abe gbe agbọn, ọ keghi ya iyayi khian ọmwa. ẹmwata vbe obọ Osanobua.

Hibru 12:28

Rhunmwuda ọnii nian, wa gie ima kpọnmwẹ ye ọna wẹ, arriọba ne a i sẹtin mu rueghe ọre ọ sẹ ima obọ. Wa gie ima kpọnmwẹ Osanobua ne a vbe gae vbe ọghọ kevbe ute, zẹ vbe ne ọ gha yẹ ọre.

Hibru 13:20

Osanobua huẹn Nọyaẹnmwa Jesu Kristi kpao vbe idin nẹ, ọmwa ne ọ re Ọsuohuan Nọkhua ọghe avbe ohuan, rhunmwuda uwu ẹre ne a ya yi ile etẹbitẹ nii okhi.

Hibru 2:14

Vbene a na miẹn wẹ zẹ vbene ọ ta ẹe wẹ emwa ifun egbe kevbe esagiẹn iran khin, ighẹ avbe emọ nii, Jesu Kristi tobọ ẹre keghi vbe do gha ye vbene iran ye, vbe ekpa ne ọ na ghae vbe emwi emwa kẹkan ọghe iran. Emwi ne ọ ya ẹe ru ẹe ọrọre ne ọ sẹtin la ekpa uwu ne irẹn wu miẹn Esu uhunmwu, ọmwa ne ọre ne ọ khaemwisẹ yan uwu.

I Jọn 4:3

Ọmwa ne ọ rhirhi kha ighẹ ohoghe ọna khin vbe ekpa ọghe Jesu, ẹ i mwẹ orhiọn ne ọ ke obọ Osanobua rre, Orhiọn nii, obọ Oghian Jesu ọre ọ ke rre, wa ka họn nẹ wẹ, ọ gha rre, wanwanna nian, ọ rre emwa na nẹ vbe agbọn na.

II Jọn 1:7

Avbe ọrẹrẹ ọmwa ni bun vẹ ku agbọn hia, emwa ni ma tae wẹ Jesu Kristi gele khian ọmwa ne ọ sẹtin wu. Egbe ọmwa vberriọ, ọrẹrẹ ọmwa nọ. Rẹn ọrọre oghian Kristi.