Hibru 5:4 - Edo Bible (E Baibol Ẹdo) Version 1996

⁴ Orhunmwu ọkpa ne ọ tobọ ẹre mu ọghọ akpa ogie ohẹn yọ egbe ẹre, ẹ i rrọọ. Osanobua ọre ọ zẹ ọmwa ne a ya ma ogie ohẹn, zẹ vbene a zẹ Errọn.

Hibru 5:4 ပူးပေါင်းရင်းမြစ်များ

I Krọnikol 23:13

Ovbi ẹre ne ọdiọn ighẹ Amram ọrọre erha Errọn kevbe Mosis. (A keghi viọ Errọn kevbe uniẹn ọnrẹn ye obọkpa ne iran gha gbearoghe avbe emwi ni huanrẹn ẹdẹdẹmwẹdẹ, ne iran gha giẹn eturari, vbe ugamwẹ e Nọyaẹnmwa, ne iran gha ga ẹe, kevbe ne iran vbe gha ya eni e Nọyaẹnmwa fiangbe emwa ni.

II Krọnikol 26:18

Ne iran ya da ẹre obọ ẹre yi. Iran tama rẹn wẹẹ, “Uzaia, u i mwẹ asẹ ne u ya giẹn eturari ghe Nọyaẹnmwa. Avbe ohẹn ni re uniẹn Errọn, emwa ne avbe ma re ohẹn yọ, ọ re ọ ru ẹe. Kpa vbe ehe ne ọ huanrẹn na rre, u sẹmwẹ e Nọyaẹnmwa Osanobua, ẹ i ghi fiangbuẹ ọvbehe.”

Ẹzra 7:5

ne ovbi Abisiua, ne ovbi e Finihaz, ne ovbi Eliaza, ne ovbi Errọn.

Ẹksọdọs 28:1

“Tama iran ne iran viọ ọtuẹn ighẹ Errọn kevbe avbe ivbi ẹre e Nadab, Abihu, Eliaza kevbe Itama ke uwu ẹbu emwa Izrẹl ladian gha dee ne iran do gha ga mwẹ zẹ vbe avbe ohẹn.

Levitikọs 8:2

“Rhie Errọn kevbe ivbi ẹre gha rrie onurho Owa Ukpọn Ile, u ghi vbe viọ avbe ẹwu ohẹn rre, ofigbọn ne a sa ye emwa uhunmwu, ovbi ẹkhuia ẹmila ne a ra ya zọ ese orukhọ, ogho eveva ke ẹe kevbe okhuae ebrẹd ne ọ ma hue.

Nọmbas 16:10

Ọ gie uwẹ kevbe ivbi e Livai nekpa hia gha mwẹ uyi na, banbanna nian, wa ho ne u wa vbe mu ukpo ohẹn ba ẹre!

Nọmbas 16:35

E Nọyaẹnmwa keghi gie erhẹn ne ọ giẹn iran an ighẹ iran ekigbe siyeha yan uri (250) ni viọ eturari ni rre.

Nọmbas 16:40

Ọna kegha re ne ivbi Izrẹl gha miẹn wan wẹ ọmwa ne ẹ i re ovbi uniẹn ọghe Errọn ne ọ ghẹ gha rrie aka do gha giẹn eturari vbe odaro e Nọyaẹnmwa, ne a ghẹ vbe fuẹn ọnrẹn uan zẹ vbe Kora kevbe irogho ẹre. A keghi ru emwi na hia zẹ vbene Nọyaẹnmwa gie Mosis ne ọ tama Eliaza.

Nọmbas 16:5

Iyeke ọnii, ọ keghi tama Kora kevbe ivbi otu ẹre hia wẹẹ, “Vbe owiẹ ẹdẹ na khuẹ, e Nọyaẹnmwa gha rhie ne ọ re ọghe ọe ma ima, ọ gha gie ọmwa nọ re ọghe ọe, ọmwa ne irẹn zẹe, sikẹ ọre vbe aka.

Nọmbas 18:7

Sokpan wẹ kevbe avbe ivbuẹ ọkpa ọre ọ gha winna iwinna ohẹn ne ọ dekan aka kevbe uwu ehe Ne ọ Huan Sẹẹ Ehia. Iwinna ne ọ bi yuẹ egbe ọre ena khin, rhunmwuda mẹ rhie ọhẹ ọghe ukpo ohẹn nuẹn nẹ. Ọmwa ne ọ ma kei, ne ọ sikẹ avbe emwi ne ọ huanrẹn, a ghi gbẹe rua.”

Nọmbas 3:3

A nọnọ ori ye iran uhunmwu, a kevbe ma iran ohẹn.

Iyẹn ne ọ Maan Ọghe Jọn 3:27

Jọn wanniẹn tama iran wẹẹ, “Ọmwa ọkpa ne ọ sẹtin gha mwẹ emwi rhọkpa i rrọọ vbe ẹ i re te Osanobua rhie nẹẹn.