Hibru 5:2 - Edo Bible (E Baibol Ẹdo) Version 1996

² Rhunmwuda ighẹ odẹ ni bun ọre irẹn ma na gba, rẹn tobọ ẹre ọ ghi gha ye obọ nekhuẹrhẹ mu iran ni ma rẹn ne a ye, kevbe ni ha emwi ku ru.

Hibru 5:2 ပူးပေါင်းရင်းမြစ်များ

Ẹksọdọs 32:8

Iran wa lahin odẹ ne I yi ẹre iyi ne iran gha lele. Iran ya igoru ne a ranran ẹn ma ẹkhuia ne egbe iran, iran gha ga ẹe, iran gha vbe zẹ ese ghe ẹre. Iran keghi kha wẹẹ, ‘Ọnii ọrọre Osanobua iran ne ọ viọ iran ke otọ Igipt ladian.’ ”

Aizaia 29:24

Avbe iran ni kọẹn gha ruẹ vbene iran gha ya gha rẹn otọ ẹmwẹ hẹ. Iran ni wa gui ẹzọ uwunu vbe ẹghẹ hia gha vbe ghọghọ adeghẹ iran miẹn ọmwa ne ọ ma iran emwi.”

Aizaia 30:11

Biegbe vbe odẹ ne u ghẹ degue ima odẹ. Ma i ho ne ima ghi họn vbekpa ọghe Osanobua nọhuanrẹn Izrẹl ruẹ na.”

Iyẹn ne ọ Maan Ọghe Luk 22:32

Sokpan mẹ na erhunmwu nuẹn nẹ Saimọn ne iyayi ruẹ ghẹ i fira, u gha ghi hinmwian bu mwẹ rre nẹ, u ghi rhie ẹtin ye avbe etuẹn iwu.”

II Kọrinti 11:30

I gha wẹ ne I gele rhuọ, avbe emwi ne ọ rhie maa vbe ne I vburriẹ sẹ hẹ, ọre I gha ya rhuọ.

II Kọrinti 12:5

Rhunmwuda ọnii, I gha ye ọmwa vberriọ rhuọ, sokpan, mẹ i ra ya egbe mwẹ rhuọ sokpan a ma wẹ a vbe emwi ni rhie maa vbene I vburriẹ hẹ.

Galatia 4:13

Wa gha yerre emwi ne ọ ya mwẹ kpe orhu iyẹn ne ọ ma uwa vbe ẹghẹ okaro wẹ, te egbe ma rran mwẹ.

Ẹfisọs 4:18

Ekhọe iran keghi vbe rre uwu ebiebi. Iran i mwẹ oghae vbe ẹdẹ agbọn ne Osanobua ya ru ọmwa ẹse, rhunmwuda iran ma zẹdẹ rẹn ne a ye, iran keghi vbe ze vbe udu.

I Timoti 1:13

Egbe ne a rhe ya miẹn wẹ, vbe ẹghẹ ne ọ gberra, te I gha ye ukpẹ sakan ẹn, I zẹ ọe kpokpo, I na vbe gha filo unu gi ẹe. Sokpan Osanobua tohan mwẹ, rhunmwuda wẹ, ne i ma na yayi ni, I ma rẹn emwi ne I gha ru.

Hibru 12:13

Wa gha la odẹ ne ọ diae khian, ne owẹ arọe nii ghẹ wa khian ne ẹ i ghi mwẹ vbe ọ gie a ya ru sokpan, ne ọ khian ne a mu ẹre egbe rran.

Hibru 2:17

Ọnii rhie maa wẹ, te irẹn gha do ya egbe khian vbene avbe etiọnrẹn ye vbe odẹ hia, ne ọ miẹn ehe na gha re Ogie Ohẹn iran ne ekhọe esi ni mwẹ itohan vbe uwu ugamwẹ ne ọ ga Osanobua, ne a miẹn ehe na ye orukhọ avbe emwa ni bọ iran.

Hibru 2:18

Banbanna nian, te irẹn ghi sẹtin ya emwa ni miẹn edanmwẹ obọ, rhunmwuda rẹn tobọ ẹre, a danmwẹ ọẹn ghe, ọ vbe rri oya. iẹnfan obọ.

Hibru 4:15

Ogie Ohẹn ọghomwa, ẹ i re ne ẹnina ọmwa i sẹtin la ẹre ekhọe vbe ẹmwẹ evburriẹ mwa. Sokpan Ogie Ohẹn ọghomwa keghi re ne avbe la odẹ hia danmwẹ ghe zẹ vbene ima ye, sokpan ọ ma ru orukhọ.

Hibru 7:28

Emwa ne ọ ma khia na, ọre Uhi e Mosis zẹlẹ ye ukpo igie ohẹn, sokpan ẹmwẹ eyan Osanobua, ne ọ ghi do kiekie rre khẹ nene Uhi, keghi zẹ Ovbi Osanobua ọmwa ne a ya khian ne ọ gba na fo nẹ rhinrin ẹdẹ.

Hibru 9:7

Sokpan Ogie Ohẹn ọkpa ọre ọ la Ọgua ukpọn ne ọ ke uwu ẹre, uhukpa ọre ọ vbe ru vberriọ vbe ukpo. Ọ ghi mu esagiẹn mwẹ, ọnii ọre ọ ya zọ ese ne egbe ẹre, kevbe ye orukhọ ne emwa ni hia ru, vbe ne iran ma na rẹn.

Jems 5:19

Etẹn mwẹ a deghẹ ọkpa vbe uwu uwa bibi odẹ hin ẹmwata rre, ighẹ ọmwa ọkpa ọvbehe na dọlegbe rhie ẹre rre,

I Pita 2:25

Wa keghi te ye vbe avbe ohuan ni bibi odẹ, sokpan, banbanna nian, a viọ uwa bu Ọsuohuan kevbe Nọgharoghe orhiọn uwa gha dee nẹ.

Giọgis 2:17

Sokpan, iran ma zẹye avbe ọkaolotu na ẹre. Iran ma rhie ekhọe lele Nọyaẹnmwa, iran na ya gha gho avbe ẹbọ ọvbehe. Avbe erha iran te lele uhi e Nọyaẹnmwa, sokpan orre na ke wa dobọ ẹre yi vbe ọ ma ghi kpẹe.