Hibru 5:14 - Edo Bible (E Baibol Ẹdo) Version 1996

¹⁴ Evbare ne ọ wo vbe egbe, ọghe avbe eniwanrẹn nọ, iran ni ma unu iran ẹre, ne iran vbe gha ya ẹe rẹn alughaẹn ne ọ rre ẹkpo emwi ne ọ maa kevbe ne ẹ i maa.

Hibru 5:14 ပူးပေါင်းရင်းမြစ်များ

Gẹnẹsis 3:5

Te Osanobua tae vberriọ, rhunmwuda, ọ rẹnrẹn wẹ, wa gha rriọe wa gha do gha ye vbe Osanobua, wa ghi do gha rẹn emwi ne ọ maa ke nẹ i maa zẹ vbene irẹn ye.”

II Samuẹl 14:17

I keghi tama egbe mwẹ wẹ, eyan ne uwẹ yan rẹn gha degue mwẹ, enọwanrẹn, rhunmwuda te ọba ye vbe odibo Osanobua, ọ vbe rẹn emwi ne ọ maa, hin ne ẹ i maa rre. Te Nọyaẹnmwa ne Osanobua ruẹ gha yaba ruẹ!”

I Ọba 3:11

Ọ keghi tama rẹn wẹẹ, “Vbe ne a na miẹn wẹ ẹwaẹn ne u gha ya gha gbearoghe emwa ẹse ọ re u nọ rẹn, u ma nọ wẹ ne a guẹ tọ ra ne u fe ra ne eghian ruẹn wulo,

I Ọba 3:9

Rhunmwuda ọnii, rhie ẹwaẹn mẹ ne I ya gha gbearoghe emwa na vbe ne a na ta ẹmwata kevbe ne a na rẹn emwi ne ọ maa hin ne ẹ i maa rre. A deghẹ ẹ i re erriọ, vbe I a gha ya gbearoghe okpe emwa ruẹn na hẹ?”

Job 12:11

Sokpan, zẹ vbene evbare ne a danmwẹ rhiẹnrhiẹn aranmwẹ ruẹn, erriọ ọ re ẹmwẹ ne a họn vbe rhiẹnrhiẹn ehọ ruẹ.

Job 34:3

A gha danmwẹ evbare, ọ re a na rẹn ne ọ rhiẹnrhiẹn vbọ sokpan a i ya ehọ rẹn ẹmwẹ ẹwaẹn vbe a gha họn ẹn.

Job 6:30

Sokpan, wa ro wẹ ohoghe ẹre I ta. Wa ro ighẹ I i sẹtin rẹn emwi ne ọ maa hin e ne ẹ i maa rre.”

Psalm 119:103

A miẹn vbe igiodẹ ruẹ rhiẹnrhiẹn hẹ, ọ gele wa rhiẹnrhiẹn sẹẹ owọn.

Ihuan Ne Ọ Sọọ Ihuan Hia 1:3

Uwinhinmwẹ okpa rre egbe ruẹ, a gha so eni ruẹn, a ghi vbe yerre okhuo okpa ne ọ gha sẹtin we rẹn I ra ho ẹmwẹ ruẹn i rrọ.

Ihuan Ne Ọ Sọọ Ihuan Hia 2:3

Vbene otiẹn ye vbe ẹbu erhan vbe ẹgbo, erriọ ọ re enida mwẹ ye vbe ẹbu ikpia ọvbehe. Aghọnghọn rẹn yẹ mwẹ ne a tota yi ọmọ rẹn wa vbe rhiẹnrhiẹn mwẹ.

Aizaia 7:15

Ọ ghi te wan sẹ ne ọ ghi ya ẹwaẹn obọ ẹre zẹ emwi ru, emwa gha a wọn ewẹn ẹmila, iran ghi vbe gha rri owọn.

Matiu 5:48

Wa gha re emwa ne uyinmwẹ ọnrẹn gbae, zẹẹ vbene Erha uwa ne ọ rre ẹrinmwi vbe re ne uyinmwẹ ọnrẹn gbae.”

Ebe ne Pọl gbẹẹn gie emwa Rom 14:1

Wa gha miẹn iran yi ighẹ iran ne iyayi ẹre ma he wegbe vbe uwu uwa. Sokpan wa ghẹ guee gha gbe agbanmwẹ vbekpa vbene emwi ye hẹ vbe ekhọe ẹre.

I Kọrinti 2:6

Vbene ọ rhirhi gha ye hẹẹ, I vbe ye ẹmwẹ ne ọ dinmwi gu iran ni dido nẹ vbe ẹmwẹ emwi ni re ọghe orhiọn guan. Sokpan ẹ i re ẹwaẹn ẹmwẹ agbọn na, ra ọghe avbe ẹtin ni rre ọdakha vbe agbọn na, avbe ẹtin iran ra fafaa.

Ẹfisọs 1:18

I vbe rinmwian wẹ, ne a kie uwa ekhọe, ne uwa miẹn ehe na dẹghe nene uwanmwẹ, ne uwa miẹn ehe na rẹn idaehọ ne irẹn tie uwa yi, kevbe vbene ọ hin ukhuaẹn sẹ hẹ ighẹ afiangbe ọyunnuan ne irẹn ve emwa rẹn re.

Ẹfisọs 4:13

Erriọ, ma hia gha koko gha die a re ọkpa vbe uwu iyayi mwa, kevbe uwu vbene ima rẹn ovbi Osanobua, ma ghi do khian ikpia ni sẹ ihe okpia, ma te do sẹ uyomwẹ uvuọnmwẹ omwa vbe ne Kristi ye.

Filipai 3:15

Emwi na ẹre ọ kere ne ọ gha rre ima hia ekhọe, ma ni khian eniwanrẹn nẹ vbe ẹmwẹ emwi orhiọn. Vbene ọ rhirhi gha ye hẹ, a deghẹ emwi ọvbehe rre eso vbe uwu uwa ekhọe, Osanobua gha rhan otọ ehia ma uwa.

I Tẹsalonaika 5:21

Wa gha danmwẹ emwi hia ghe, wa ghi gba enọma vbọ mwẹ obọ.

I Timoti 4:7

Sokpan, u ghi gha lẹ ne umaranmwẹ ne ẹmwata Osanobua i ye nii, emwi ne ọ ma kei ne a gha ta. Tobọ gha ma egbe uẹ emwi ye uyinmwẹ vbe ọghe Osanobua.

Hibru 6:1

Rhunmwuda ọnii, wa gia na na sikẹ odaro, ne a ya guan yan avbe emwi ni dinmwi, ne a sẹ avbe ikpogho ẹmwẹ ikpo orhu Iyayi e Kristi rae nẹ. Ma i ghi ra vbe dọlegbe gha gbe ẹyotọ ọghe ne a sẹ iwinna ne ẹ i mwẹ esa rae ye otọ, ne a do ya Osanobua yi.

Jems 3:2

Ẹghẹ hia ma hia ya ba emwi ku ru. Ọmwa ne ẹ i ba ẹmwẹ ku ta, ọmwa ne ọ gbae nọ, ọ ghi vbe sẹtin gha ye egbe hia khian ẹse.