Hibru 5:1 - Edo Bible (E Baibol Ẹdo) Version 1996

¹ Ogie Ohẹn ke ogie ohẹn, ọkpa vbe uwu emwa nii, ọre a na zẹ ọe ne ọ do gha ga Osanobua ne iran hia. Rẹn ghi gha yo imuohan, ọ ghi vbe gha zọ ese ye orukhọ.

Hibru 5:1 ပူးပေါင်းရင်းမြစ်များ

Levitikọs 8:2

“Rhie Errọn kevbe ivbi ẹre gha rrie onurho Owa Ukpọn Ile, u ghi vbe viọ avbe ẹwu ohẹn rre, ofigbọn ne a sa ye emwa uhunmwu, ovbi ẹkhuia ẹmila ne a ra ya zọ ese orukhọ, ogho eveva ke ẹe kevbe okhuae ebrẹd ne ọ ma hue.

Levitikọs 9:7

Rẹn ke ghi tama Errọn wẹẹ, “Gha rrie aka ne u ya ru izẹọhẹ ese orukhọ ke ese na giẹn uan, ne ọ kpe orukhọ ọghe uwa kevbe ọghe emwa nii kua. U ghi ru izẹọhẹ ne ọ gha kpe orukhọ emwa kua zẹ vbene Nọyaẹnmwa khare.”

Ebe ne Pọl gbẹẹn gie emwa Rom 15:17

Vbe ne I na yevbe rrọ ba Jesu. I sẹtin wa ya iwinna mwẹ ne I winna ne Osanobua gha rhuẹ.

I Kọrinti 15:3

Emwi ne imẹ miẹn rhie ọre I vbe na rhie sẹ uwa obọ, emwi ne ọ wa vbe re emwi kpataki ẹsẹse wẹ Kristi wu ba ẹmwẹ orukhọ mwa zẹ vbene a gbẹn ọẹn ye Ebe.

Hibru 10:11

Dọmwadẹ ohẹn avbe Ju, te ọ mudia winna iwinna rẹn ẹdẹgbegbe, ọ ghi vbe gha zọ ese ọkpa ni yan egbe yan egbe. Sokpan avbe izọese na i sẹtin kpe orukhọ kua.

Hibru 10:12

Sokpan Kristi keghi zọ ese ọkpa ye orukhọ, ese ne ọ ruẹre ẹdẹdẹmwẹdẹ, vbe iyeke ọnii ọ keghi tota vbe obọ erha ọmwa Osanobua.

Hibru 11:4

Iyayi ọre Ebel ya zọ ese ne ọ maa sẹ ọghe Ken ghe Osanobua. Rhunmwuda iyayi ẹre, ọre Osanobua na kae ye ọmwa ẹmwata, rhunmwuda Osanobua tobọ ẹre rhan ohọ miẹn emwi imuohan rẹn.

Hibru 2:17

Ọnii rhie maa wẹ, te irẹn gha do ya egbe khian vbene avbe etiọnrẹn ye vbe odẹ hia, ne ọ miẹn ehe na gha re Ogie Ohẹn iran ne ekhọe esi ni mwẹ itohan vbe uwu ugamwẹ ne ọ ga Osanobua, ne a miẹn ehe na ye orukhọ avbe emwa ni bọ iran.

Hibru 7:27

Rẹn i yevbe avbe igie ohẹn nekpa, ẹ i vbe ka zọ ese ye orukhọ obọ ẹre nẹ ẹdẹgbegbe, zẹ vbe emwi ne ẹ i mwẹ a ma ru, ọ keghi do zọ ye ọghe emwa nekpa. Ọ zẹ ese nẹ uhukpa nii, ne emwa hia, vbe ẹghẹ ne ọ na ye egbe ẹre zọ ese.

Hibru 8:3

Te a ma dọmwadẹ ogie ohẹn wẹ, ne ọ gha ya emwi mu ohan, kevbe ne ọ gha ya aranmwẹ zọ ese ghe Osanobua, rhunmwuda ọnii, te ogie ohẹn ọghomwa gha vbe mwẹ emwi ne ọ gha ya mu ohan.

Hibru 8:4

Akpawẹ agbọn na ọre ọ ye, ẹ i ghẹ gha re ohẹn hiehiere, rhunmwuda wẹ, avbe ohẹn rrọọ ni ye emwi mu ohan, zẹ vbe vbene Uhi avbe Ju mwamwa ẹn.

Hibru 9:9

Ọna keghi re ama emwi ne ya gie ẹghẹ na ye na. Ọ rhie maa wẹ, emwi imuohan kevbe avbe aranmwẹ ne a ya zọ ese ghe Osanobua, ẹ i sẹtin ye ekhọe emwa ni ga khian ne ọ gbae.