Hibru 4:9 - Edo Bible (E Baibol Ẹdo) Version 1996

⁹ Vbene ọ rhirhi gha ye hẹ, vbene ọ ghi ye na nian, ọrọre wẹ, ikẹtin ọkpa ye rrọọ ne emwa Osanobua ne ọ vbe khọ vbene Osanobua hẹwẹ vbe ikpẹdẹ ne ogihinrọn.

Hibru 4:9 ပူးပေါင်းရင်းမြစ်များ

Psalm 47:9

Iran ni khaemwisẹ avbe agbọn ẹvbo si koko deba emwa Osanobua Ebraham rẹn ọ re ọ mwẹ ẹtin sẹẹ avbe ivbiyokuo hia rẹn ọkpa ọ khaemwisẹ vbe ehe ne ọ yo sẹẹ ehia.

Ẹksọdọs 16:30

Rhunmwuda ọnii, emwa nii ma winna, vbe ikpẹdẹ ne ne ogihinrọn.

Aizaia 11:10

Ẹdẹ dee ne ọba ọgbọn ne ọ zọ ke uniẹn e Devid ladian, gha na gha re ama ne uhunmwu ẹvbo hia. Iran gha si koko vbe ẹvbo ọba ẹre, iran ghi gha rhie ọghọ ne ẹẹn.

Aizaia 57:2

Iran ni ye ẹdagbọn iran ru emwi esi, iran ghi miẹn ọfumwegbe kevbe ikẹtin vbe uwu.

Matiu 1:21

Rẹn gha vbe biẹ ọmọ okpia ọkpa. Wẹ ghi he ẹre Jesu, rhunmwuda rẹn ọre ọ gha fannọ emwa rẹn hin obọ orukhọ iran rre.”

Taitọs 2:14

Rẹn keghi rhie egbe ẹre ne ima, khian emwa ne ẹ i mwẹ iruẹn, ne ọ re ọghe irẹn ọkpa, kevbe ne ho ne iran gha ru emwi esi.

Hibru 11:25

Rẹn gu emwa Osanobua rri oya ọre ọ yẹ ọre sẹẹ, ne ọ gha ku obọ ye uwa vbe uwu orukhọ vbe ovbi ẹghẹ kherhe.

Hibru 3:11

Ohu mu mwẹ, ‘I keghi yan wẹ iran i ra la owa do gun mwẹ kẹtin.’ ”

Hibru 4:1

Banbanna nian, Osanobua tama ima ye otọ nẹ wẹ ma sẹtin la owa ne a ya gu ẹe kẹtin. Rhunmwuda ọnii wa gie ima gha mwẹ imuohan, ne a ghẹ miẹn wẹ, a miẹn orhiọnkpa vbe uwu uwa ne ọ ma sẹtin la uwu ikẹtin nii.

Hibru 4:10

Rhunmwuda, ọmwaikọmwa ne ọ la owa ya gu Osanobua hẹwẹ, gha zobọ vbe iwinna ne ọ winna, zẹ vbene Osanobua vbe zobọ vbe iwinna ọghọe.

Hibru 4:3

Ma ne ọ rhan obọ miẹn rẹn, ma gha lao owa ya gu Osanobua hẹ wẹ. Vbe ne irẹn ta ẹe zẹẹ wa nọ wẹẹ, “Ohu mu mwẹ, I keghi yan wẹ: ‘Iran i ra la owa do gun mwẹ kẹtin!’ ” Ọ ta ẹmwẹ na egbe ne a rhe ya miẹn wẹ, ọ winna iwinna rẹn fo nẹ vbe ẹghẹ ne ọ na yi agbọn na.

Hibru 4:8

Rhunmwuda, akpawẹ Jọsua viọ iran sẹ ihe ikẹtin ọghe Osanobua, Osanobua ghẹ ghi vbe do bu ẹdẹ ọvbehe vbe okiekie.

I Pita 2:10

Vbe ẹghẹ ọkpa yi, wa i te re emwa Osanobua, sokpan wanwan na nian, emwa rẹn wa ghi khin, wanwan na nian, wa miẹn itohan ẹnrẹn rhie nẹ.

Arhie Maan 14:13

Iyeke ọnii, I keghi họn urhu ọkpa ke ẹrinmwi rre wẹ, “Gbẹn emwi na ye otọ. Ọ maa ne iran ni wulo nẹ, iran ni gha wulo vbe uwu iwinna Nọyaẹnmwa ke eban kpao!” Orhiọn nii keghi wanniẹn wẹ, “Erriọ zẹẹ wa nọ. Iran gha ghọghọ ye ne iran na kẹtin vbe uwu iwinna ne ọ wo vbe egbe, rhunmwuda ere iwinna ne iran winnaẹn ọre iran rhie mwẹ obọ.”

Arhie Maan 21:4

Ọ gha khiẹn ameve hia hin aro iran rre. Uwu i ghi ra gha rrọọ ọvbehe, ra akhiẹ ra obalọ. A ho emwi nẹdẹ hia bẹkun nẹ.”