Hibru 4:8 - Edo Bible (E Baibol Ẹdo) Version 1996

⁸ Rhunmwuda, akpawẹ Jọsua viọ iran sẹ ihe ikẹtin ọghe Osanobua, Osanobua ghẹ ghi vbe do bu ẹdẹ ọvbehe vbe okiekie.

Hibru 4:8 ပူးပေါင်းရင်းမြစ်များ

I Krọnikol 7:27

e Nọn, kevbe e Jọsua.

Psalm 105:44

Ọ mu otọe emwa ọvbehe ne iran ọ na vbe gie iran munọ ugbo iran.

Psalm 78:55

Ọ khulo iran ni yin ẹnrẹn ladian, vbe avbe emwa irẹn dee, ọ ghae otọe iran ne iran ne ẹwae Izrẹl ọ na vbe munọ owa iran ne emwa irẹn.

Iwinna 7:45

Ọ ghi kpẹe fua, avbe erha mwa odede keghi mu okhogbo ne a ya ukpọn bọ nii, ne avbe erha iran sẹ rae ye iran otọ, iran keghi da dae mwẹ vbe iran lele Jọsua gha khian, ya miẹn iran otọ, ighẹ avbe emwa ni ne Osanobua khulo kua hin odaro iran rre. Evba ọre ọ gha ye, ọ te do sẹ ẹghẹ Devid.

Diuteronomi 12:9

Rhunmwuda wa ma he la otọ ne Nọyaẹnmwa Osanobua ra mu ne uwa, ehe ne uwa gha na gha rrọọ vbe ọfumwegbe.

Diuteronomi 25:19

Rhunmwuda ọnii, ugbẹn vbe Nọyaẹnmwa Osanobua rua a ghi mu otọe nii ne uwa ọ na degue uwa hin obọ ẹbe ọghe eghian uwa hia ni yin lẹga uwa nẹ, wa ghẹ mwẹ wa ma gbele ivbi Amalẹk hia vbe ne a gha na miẹn wẹ a i ghi miẹn ọmwa ne ọ gha ye iran rre ẹdẹdẹmwẹdẹ. Wa ghẹ mianmian!”

Hibru 1:1

Vbe ẹghẹ ne ọ gberra, odẹ ughughan kevbe ẹghẹ ni bun ọre Osanobua ya gha gu avbe erha mwa odede guan, vbe ne ọ na gie avbe akhasẹ gie iran.

Hibru 4:9

Vbene ọ rhirhi gha ye hẹ, vbene ọ ghi ye na nian, ọrọre wẹ, ikẹtin ọkpa ye rrọọ ne emwa Osanobua ne ọ vbe khọ vbene Osanobua hẹwẹ vbe ikpẹdẹ ne ogihinrọn.

Jọsua 1:15

Iran ghẹ ghi vbe mu otọe nii ne Nọyaẹnmwa Osanobua mu ne iran nẹ, iran gbe ẹkun sotọ, wa ghi vbe gha dee do yin otọe ne Mosis ne ọguọmwadia e Nọyaẹnmwa mu ne uwa vbe emwa na vbe iyeke ẹzẹ Jọdan.”

Jọsua 11:23

E Jọsua keghi khọn otọe ni hia fẹẹrẹ zẹ vbene Nọyaẹnmwa tama e Mosis. Ọ keghi muẹn ne ivbi Izrẹl ne ọ gha re ọghe iran, a na do gha ẹre ako ako, ọkpọkpa ne ẹwae ọkpọkpa. Ẹre emwa nii na ghi hẹwẹ vbe okuo.

Jọsua 22:4

Banbanna nian, e Nọyaẹnmwa Osanobua rua rhie ọfumwegbe ne ivbi Izrẹl ne ihua uwa nẹ zẹ vbene ọ khare. Rhunmwuda ọnii, wa werriegbe gha rrie otọe uwa ne uwa mu ya khian ọwua, otọe ne ọ rre odẹ ahọ e Jọdan, ne Mosis ne ọguọmwadia e Nọyaẹnmwa mu ne uwa.

Jọsua 23:1

Ọ ghi kpẹe fua, vbe Nọyaẹnmwa ghi rhie ọfumwegbe ne ivbi Izrẹl nẹ vbe obọ avbe eghian iran ni lẹga iran, e Jọsua vbe khian ọ maẹn ghẹghẹghẹ.