Hibru 3:8 - Edo Bible (E Baibol Ẹdo) Version 1996

⁸ Wa ghẹ ze vbe udu, vbe ne uwa ka ru ẹghẹ ne uwa na sọtẹ Osanobua, vbene uwa gha ye vbe uwu ato ẹkporriọ ne uwa na gha danmwẹ ọẹn ghe.”

Hibru 3:8 ပူးပေါင်းရင်းမြစ်များ

II Ọba 17:14

Sokpan, iran ma họn ẹmwẹ ne ọ tama iran, iran na vbe gha yin uyinmwẹ dan ne erha iran vbe yin ne iran ma na ya e Nọyaẹnmwa ne Osanobua iran yi.

II Krọnikol 30:8

Wa ghẹ ze vbe udu vbene iran ye, sokpan, wa họn ẹmwẹ ne Nọyaẹnmwa. Wa gha die Ọgua Osa ne ọ rre Jerusalẹm, ehe ne Nọyaẹnmwa ya khian ne ọ huanrẹn nẹ ẹdẹdẹmwẹdẹ, ne uwa do ga ẹe, ne ọ ghẹ ghi mu ohu ghe uwa.

II Krọnikol 36:13

E Zedekaia keghi sọtẹ e Nebukiadneza ne ọba ne ọ ka ya ẹe vẹn Osanobua nẹ wẹ rẹn gha ya ẹkoata gha ga ẹe. Ọ keghi wa ya izevbudu he ne ọ roiro fi ekhọe werriẹ, ne ọ bu e Nọyaẹnmwa ne Osanobua Izrẹl gha dee.

Nehimaia 9:16

Sokpan avbe erhamwa odede ke gha hio iran na vbe ze vbe udu, iran ke ghi he ne iran họn ẹmwẹ ne uẹn.

Job 9:4

Osanobua wan ẹsẹse, ọ vbe mwẹ ẹtin, ọmwa ne ọ gha sẹtin mu aro da ẹre irrọ.

Psalm 106:14

Iran keghi vuọn ne orriarria vbe uwu ato, iran na gha danmwẹ Osanobua ghe.

Psalm 78:18

Iran na wa yan ru ẹe ne iran danmwẹ Osanobua ghe, vbe ne iran na gha nọ evbare ne ọ khọn iran.

Psalm 78:56

Sokpan, iran sọtẹ Osanobua ne Udazi, iran kegha danmwẹ ọẹn ghe, iran ma ya uhi ẹre ru emwi.

Psalm 95:8

“Wa ghẹ ze vbe udu, vbene avbe erha uwa ru vbe Mẹriba vbe ẹghẹ nii vbe iran rre ato Messa.

Ẹksọdọs 17:7

A kegha tie evba nii, “Masa,” kevbe “Mẹriba,” rhunmwuda te ivbi Izrẹl gha gui, iran na vbe danmwẹ Nọyaẹnmwa ghe vbe iran khare wẹẹ, “Nọyaẹnmwa gu ima rrọọ ra ẹ i gu ima rrọọ?”

Ẹksọdọs 8:15

Ọba ghi miẹn wẹ emwi hia vbe maa nẹ, ọ na dọlegbe yin ehọ, ọ ma ghi vbe zẹ ye Mosis kevbe Errọn re zẹ vbene Nọyaẹnmwa kha re.

Itan 28:14

Gha họn ẹmwẹ ne Nọyaẹnmwa ẹghẹ hia, wẹ gha mwẹ ẹko rhiẹnrhiẹn mwẹ. Adeghẹ u zevbudu te u ra fuan.

Itan 29:1

Adeghẹ te u wa dọlegbe zevbudu yọ ẹghẹikẹghẹ ne a ya guẹ gui ne a dia ruẹ ye odẹ, ẹdẹ ọkpa, emwi gha degbe uẹ, u i ra vbe miẹn uhunmwu vbọ.

Jerimaia 7:26

Sevba ọmwa ne ọ zẹyọ ra ne ọ vbe danmwehọ I rrọọ, sokpan, wa keghi do ze vbe, udu wa keghi vbe sọtẹ sẹẹ avbe erha uwa odede.

Daniẹl 5:20

Sokpan, ugbẹn vbe ọ ghi do ze vbudu, ọ na gha hioo, ọ na do gha ru emwi dan, a keghi sii ẹe hin ẹkete ẹre rre, uyi ne ọ rre ọre egbe keghi wii.

Nọmbas 14:11

E Nọyaẹnmwa keghi tama e Mosis wẹẹ, “Vbe avbe emwa na gha he mwẹ kpẹe sẹ hẹ? Vbe iran gha he ne iran mu ẹtin yan mwẹ kpẹe sẹ hẹ, egbe ne I ya winna iwinna ọyunnuan ni bun vberriọ ye iran aro.

Matiu 13:15

Rhunmwuda ekhọe iran gbin nẹ, iran kan emwi khiẹ ehọ, iran mimi aro gbua. Ne iran ghẹ ya ye aro iran dẹghe, ne ọ ghẹ ya la iran ehọ, ne iran ghẹ ya rẹn otọ ẹre ne iran ghẹ ya fiwerriẹ ne imẹ do ya bọ iran erriọ Osanobua khare.’

Iwinna 19:9

Sokpan eso vbe uwu iran keghi ze utun vbe ehọ, iran ma yayi, iran kegha filo unu gie Odẹ ọghe Nọyaẹnmwa sirra emwa nii hia. Pọl keghi rhunmwuda ọnii sẹ iran rae, ọna viọ avbe erhuanegbe nii, ọ kegha ma emwa emwi ẹdẹgbegbe vbe owa iruẹmwi ọghe Tiranọs.

Iwinna 7:36

Ọ keghi su ivbi Izrẹl ladian vbe Igipt, ọ winna iwinna ama kevbe ọyunnuan vbe Igipt kevbe Okun Ne ọ baa kevbe uwu ato vbe ukpo iyeva.

I Kọrinti 10:9

Wa ghẹ gia danmwẹ e Nọyaẹnmwa ghee, vbene eso ru vbe uwu iran, ne ẹyẹn na gbele iran uan.

Diuteronomi 6:16

“Wa ghẹ danmwẹ Nọyaẹnmwa Osanobua rua ghe, zẹ vbene uwa ru vbe Masa.

I Samuẹl 6:6

Vbọzẹ ne uwa gha na ze vbe ẹkoko udu zẹ vbe ne ọba Igipt, kevbe emwa Igipt ye? Yerre vbene Osanobua zuọzuọ iran hẹ, iran te do gie ivbi Izrẹl kpa vbe Igipt rre.