Hibru 3:19 - Edo Bible (E Baibol Ẹdo) Version 1996

¹⁹ Ma miẹn ọẹn nian wẹ iran ma sẹtin la owa rhunmwuda iran ma yayi.

Hibru 3:19 ပူးပေါင်းရင်းမြစ်များ

Psalm 106:24

Ẹghẹ nii, iran keghi he otọ esi ni, rhunmwuda iran ma ya eyan Osanobua yi.

Iyẹn ne ọ Maan Ọghe Mak 16:16

Ọmwaikọmwa ne ọ yayi, a na vbe samẹ nẹ ẹn, ọ gha miẹn imiẹnfan. Ọmwaikọmwa ne ọ ma yayi, a gha bu abe gbẹe.

Iyẹn ne ọ Maan Ọghe Jọn 3:18

Ọmwaikọmwa ne ọ ya ọmọ yi, a i ghi bu ohiẹn ọnrẹn sokpan ọmwaikọmwa ne ọ ma ya ẹe yi, a bu ohiẹn ọnrẹn nẹ rhunmwuda ọ ma ya ukpọmọkpa ọghe Osanobua yi.

Iyẹn ne ọ Maan Ọghe Jọn 3:36

Ọmwaikọmwa ne ọ ya ọmọ yi mwẹ arrọọ ne ẹ i fo, ọmwa ne ọ ma ya ẹmwẹ Ọmọ ru emwi, ẹ i khian gha mwẹ arrọọ, sokpan izohu Osanobua gha rrọọ ẹre uhunmwu ẹdẹdẹmwẹdẹ.

Ebe ne Pọl gbẹẹn gie emwa Rom 11:23

Kevbe avbe Ju, a deghẹ iran rhie obọ hin ẹmwẹ a ma yayi iran rre, a ghi dọlegbe viọ iran ye ihe iran, rhunmwuda te Osanobua ye sẹtin viọ iran dọlegbe ye ihe.

Diuteronomi 1:32

Sokpan egbe ne I ya talọ ẹmwẹ na hia, wa ma ye mu ẹtin yan Nọyaẹnmwa.

II Tẹsalonaika 2:12

Emwi ne ọ ghi ke ẹre ikian ọrọre wẹ, iran hia ni ma ya ẹmwata yi sokpan iran kegha mwẹ ẹko ne ọ rhiẹnrhiẹn ye orukhọ, a gha bu abe gbe iran.

Hibru 3:12

Etẹn mwẹ, wa mwẹ ẹwaẹn, ne a ghẹ ya miẹn arhiọnkpa vbe uwu uwa ne ọ mwẹ ekhọe dan, kevbe ne ẹ i yayi, sẹrriọ, ne ọ gha na fi iyeke gbe Osanobua ne ọ rrọọ.

I Jọn 5:10

Rhunmwuda ọnii, ọmwaikọmwa ne ọ ya Ovbi Osanobua yi, mwẹ osẹe na vbe uwu ekhọe ẹre. Sokpan ọmwaikọmwa ne ọ ma ya Osanobua yi, ya ẹe khian ọhọn ohoghe nẹ, rhunmwuda osẹe ne Osanobua sẹe vbe ekpa Ovbi ẹre ọ ma yae yi.

Ebe ne Jud gbẹẹn 1:5

A gha rhe miẹn wẹ wa ka rẹn emwi na nẹ, I ho ne I ye ye uwa ẹre rre, vbene a miẹn wẹ Nọyaẹnmwa miẹn ivbi Izrẹl fan hin otọ Igipt rre hẹ, sokpan vbe okiekie, ọ keghi gbele iran ni ma yayi ni rrọọ ua.