Hibru 3:16 - Edo Bible (E Baibol Ẹdo) Version 1996

¹⁶ De emwa ni họn urhu Osanobua ne ọ na sọtẹ ọre yi? Ẹmwata, emwa hia ne Mosis hẹ ke Igipt ladian nọ.

Hibru 3:16 ပူးပေါင်းရင်းမြစ်များ

Psalm 78:17

Sokpan, iran keghi ye gha ru orukhọ ghe Osanobua iran keghi sọtẹ ghe Ne ọ yo sẹẹ Ehia vbe ato.

Psalm 78:40

Kugba kẹghẹrẹ ọ re iran ya gha sọtẹ ghe ẹre vbe uwu ato, kugba kẹghẹrẹ ọ re iran ya gha rhia ẹre ẹko rua.

Jerimaia 32:29

Iran ghi vbe mu erhẹn yọ. Iran gha giẹn ọnrẹn sotọ, deba avbe owa nii ne emwa na ya gha ye ohu mu mwẹ vbekpa ne iran na gha giẹn eturari ne Baal vbe okpo, kevbe ne iran na gha sa ayọn imuohan kua ne avbe ẹbọ.

Jerimaia 44:3

Rhunmwuda, emwa iran ru emwi dan ne iran na ya ohu mu mwẹ. Iran zọ ese ghe avbe ẹbọ ọvbehe; iran kevbe gha ghoo avbe ẹbọ ne iran tobọ iran, ra uwa, ra avbe erha uwa odede ma gho ẹdẹ.

Jerimaia 44:8

“Vbọzẹ ne uwa na ya ẹmwẹ ẹbọ ne uwa gho ya ohu mu mwẹ yi, kevbe ne uwa na zọ ese ghe avbe ẹbọ ọvbehe vbe Igipt vbe emwa na, ehe ne uwa do yin? Te uwa ru ọna ra ne uwa wa ya fuẹn egbe uwa a, ne avbe uhunmwu ẹvbo ni rre otọ agbọn gha ya uwa gbe ogie ne a vbe gha ya uwa tie ihẹn?

Nọmbas 14:11

E Nọyaẹnmwa keghi tama e Mosis wẹẹ, “Vbe avbe emwa na gha he mwẹ kpẹe sẹ hẹ? Vbe iran gha he ne iran mu ẹtin yan mwẹ kpẹe sẹ hẹ, egbe ne I ya winna iwinna ọyunnuan ni bun vberriọ ye iran aro.

Nọmbas 14:2

Iran kegha gui ẹzọ e Mosis kevbe Errọn wẹẹ, “Ma te wa wulo vbe Igipt ra vbe uwu ẹgbo na ọre ọ maa sẹ.

Nọmbas 14:24

Sokpan, vbene a na miẹn wẹ Kelẹb ọguọmwadia mwẹ ighẹ uyimwẹ ọghọe lughaẹn, ọ keghi mudia ke mwẹ gbain, I gha rhie ẹre sẹ otọe ne irẹn ya ghe, otọe nii gha khian ọghe ivbi ẹre.

Nọmbas 14:30

I te yan wẹ I gha gie uwa yin otọe ni, sokpan, nian ọkpa vbe uwu uwa ne ọ gha yin ẹnrẹn ẹ ghi rrọọ gberra Kelẹb kevbe Jọsua.

Nọmbas 14:38

Vbe uwu iran ne ọrhẹ iweva nii, eva kẹkan ne ọ mi uhunmwu vbọ kegha re Kelẹb kevbe Jọsua.

Nọmbas 14:4

Iran na rhunmwuda onii zẹ ọe vbe iro ma egbe iran wẹẹ, “Wa gie ima zẹ ọkaolotu ne a dọlegbe gha rrie Igipt.”

Nọmbas 26:65

E Nọyaẹnmwa tae nẹ wẹ te iran hia ra wulo ye otọ ẹgbo erriọ ọ gele gha ye, sokpan ama wẹ Kelẹb ne ovbi Jefunẹ kevbe Jọsua ne ovbi Nọn.

Diuteronomi 1:38

Sokpan e Jọsua ne ovbi Nọn ne ọ yuẹ obọ gha sẹ ọe. U ghi rhie igiọdu ne Jọsua, ọ gha su ivbi Izrẹl ne iran ya yin otọe nii.’

Ebe ne Jud gbẹẹn 1:5

A gha rhe miẹn wẹ wa ka rẹn emwi na nẹ, I ho ne I ye ye uwa ẹre rre, vbene a miẹn wẹ Nọyaẹnmwa miẹn ivbi Izrẹl fan hin otọ Igipt rre hẹ, sokpan vbe okiekie, ọ keghi gbele iran ni ma yayi ni rrọọ ua.