Hibru 3:12 - Edo Bible (E Baibol Ẹdo) Version 1996

¹² Etẹn mwẹ, wa mwẹ ẹwaẹn, ne a ghẹ ya miẹn arhiọnkpa vbe uwu uwa ne ọ mwẹ ekhọe dan, kevbe ne ẹ i yayi, sẹrriọ, ne ọ gha na fi iyeke gbe Osanobua ne ọ rrọọ.

Hibru 3:12 ပူးပေါင်းရင်းမြစ်များ

Gẹnẹsis 8:21

Uwinhinmwẹ ọnrẹn keghi yẹ Nọyaẹnmwa, ọ keghi tae wẹẹ, “Mẹ i ghi dọlegbe fi agbọn unu rhunmwuda uyinmwẹ emwa nagbọn, mẹ rẹnrẹn wẹ ke ẹghẹ ọvbokhan rẹn kpao, iro dan ọre ọ rre ekhọe ẹre, Mẹ i ghi dọlegbe fuẹn emwi hia, zẹ vbene I ruẹe ẹdẹnẹrẹ.

Job 21:14

“Emwa dan ghi tama Osanobua wẹ ne ọ sẹ iran rae. Iran i ho ne iran rẹn vbene ọ mwamwa ẹdagbọn iran hẹẹ.

Job 22:17

Avbe emwa ni he Osanobua ye otọ ọ re ena khin, iran na yayi wẹ ẹ i miẹn emwi ru iran re.

Psalm 18:21

Mẹ mu uhi e Nọyaẹnmwa sẹ nẹ, I ma fi iyeke gbe Osanobua mwẹ.

Itan 1:32

Emwa ne ẹ i mwẹ ẹwaẹn wulo rhunmwuda iran he ẹwaẹn yotọ. Ai tie emwi emwi ọghe iran ne akpa ọ re ọ ra fuẹn iran an.

Aizaia 59:13

Ma sẹmwẹ ru ẹ, ma he uwẹ yotọ, ma ma ghi lele uwẹ, ma wọ avbe ẹrrẹe uhunmwu ma keghi fi iyeke gbe uwẹ. Ohoghe iro ne ima zẹ khin, ẹmwẹ ne ima ta i re ẹmwata.

Jerimaia 11:8

Sokpan, iran ma danmwehọ ra ne iran ya ẹẹ ru emwi. Sokpan, dọmwadẹ ọghọe keghi wa gha ze vbe udu khian, iran na gha ru emwi dan, vbene iran ka ru de ẹdẹ. I tama iran ne iran gha ya ile nii ru emwi, sokpan, iran hee. Rhunmwuda ọnii, I keghi rri iran oya hia ne a ya unu kan vbe uwu ẹre.”

Jerimaia 16:12

Sokpan wa ọ re ọ wa vbe rhia sẹẹ avbe erha uwa odede. Wa hia ọ re ọ wa ze vbe udu, wa kevbe mwẹ ekhọe dan, wa i vbe hẹnmwẹ mẹ.

Jerimaia 17:5

E Nọyaẹnmwa khare wẹẹ, “Mẹ gha bu abe gbe ọmwa ne ọ fi iyeke gbe mwẹ, ọ na ya mu ẹtin yan ọmwa, yan ẹtin ọmwa ne ọ vbe wu.

Jerimaia 17:9

Gha ọ gha sẹtin rẹn otọ vbene ekhọe ọmwa nagbọn ye hẹ? Emwi ọvbehe ne ọ rẹrẹ ọmwa vbe ne irẹn ye i rrọ ọ khuọnmwi gberra ne ọ gie sinmwi nẹ.

Jerimaia 18:12

Iran gha wanniẹn wẹẹ, ‘Ẹn o, vbọzẹ? Ma gha wa ze vbe udu, a ghi vbe gha ru emwi dan khian zẹ vbene ima ho ne ima gha ru.’ ”

Jerimaia 2:13

rhunmwuda orukhọ eva ọ re emwa mwẹ ru: iran fi iyeke gbe mwẹ, mẹ ne uhunmwu ẹzẹ amẹ ne ọ furre, iran keghi ya gha fian ivbi uhae, uhae ni halọe, ne ẹ i vbe sẹtin rrọ amẹ hiehiere.

Jerimaia 3:17

Ọ gha sẹ ẹghẹ nii, a ghi do gha tie Jerusalẹm ‘Ẹkete Nọyaẹnmwa;’ uhunmwu ẹvbo hia gha vbe sikoko ye evba ne iran do ga mwẹ. Ẹ i re emwi ne ekhọe iran ne ọ wo nii kevbe ọghe dan nii tama iran ọ re iran ghẹ ghi gha ru.

Jerimaia 7:24

Sokpan, iran ma họn, iran ma kue vbe zẹ yọ, sokpan, emwi ne ekhọe izevbudu kevbe ekhọe dan ne iran mwẹ tama iran, ọ re iran ru.

Ezikiẹl 14:5

Avbe ẹbọ nii ni ye ivbi Izrẹl fi iyeke gbe mwẹ, sokpan, I yayi wẹ ewanniẹn ne I gha rhie ne iran gha ya iran dọlegbe bu mwẹ rre.

Hozia 1:2

Ẹghẹ ne Nọyaẹnmwa na gie Hozia uhunmwu gie ivbi Izrẹl vbe okaro, ọ tama Hozia wẹẹ, “Ya rhie okhuo; amwọn gha wa gha ghẹẹ, te emọ ne u ra biẹlẹ ra wa vbe yevbe irẹn. Erriọ wa vbe nọ, emwa mwẹ sẹ mwẹ rae, iran ma ghi guobọ mwẹ.”

Matiu 16:16

Saimọn Pita wanniẹn wẹẹ, “Wẹ ọrọre Mẹzaia, ovbi Osanobua ne ọ rrọọ.”

Matiu 24:4

Jesu wanniẹn tama iran wẹẹ, “Wa ghi yegbe ne ọmwaikọmwa ghẹ mu uwa rẹrẹ.

Iyẹn ne ọ Maan Ọghe Mak 13:23

Wa gha ba egbe. I ta emwi hia ma uwa ye otọ nẹ.

Iyẹn ne ọ Maan Ọghe Mak 13:33

Wa gha ba egbe, wa khẹ ye egbe, rhunmwuda wa ma rẹn ẹdẹ ne ọ gha khin.

Iyẹn ne ọ Maan Ọghe Mak 13:9

“Wa tobọ uwa, wa ghi khẹ ye egbe. Rhunmwuda emwa gha dekun uwa gha munọ ye iko ẹzọ. Iran gha gbele uwa vbe Ọgua ediọn. Wa gha mudia vbe odaro avbe ọba kevbe ekhaẹmwẹ rhunmwuda mwẹ, ne uwa kpe orhu Iyẹn Ne ọ maa ma iran.

Iyẹn ne ọ Maan Ọghe Luk 21:8

Jesu wanniẹn wẹẹ, “Wa gha ba egbe, wa ghẹ gie ọmwarhọkpa do uwa ọgboi rua. Rhunmwuda emwa ni bun ọre ọ gha rre vbe eni mwẹ do kha wẹẹ, ‘Mẹ nọ’ kevbe wẹ ‘Ẹghẹ sẹ nẹ!’ Sokpan wa ghẹ lele iran.

Ebe ne Pọl gbẹẹn gie emwa Rom 11:21

Osanobua ma sẹ avbe Ju ni ye vbe abọnabọ rae, wẹ ma yayi ighẹ ọ gha sẹ uwẹ ra?

I Kọrinti 10:12

Ọmwa ne ọ ro ighẹ rẹn mudia nẹ, ọ mwẹ ẹwaẹn ne ọ ghẹ ya de.

Kọlose 2:8

Wa ghẹ gie ọmwaikọmwa ya ẹwaẹn akuọkan ne agbọn ya rẹrẹ ọmwa mu uwa oghunmwu, iruẹmwi la obọ dinna obọ, ọghe emwa, ọre ọ ke rre, kevbe obọ avbe eniwanrẹn asọn ni da kha vbe avbe ideghedeghe agbọn vbe ẹrinmwi, ighẹ ẹ i re obọ Kristi.

I Tẹsalonaika 1:9

Iran na hia wa ta ẹe khian, ighẹ ẹmwẹ vbe ne uwa rhan obọ miẹn ima hẹ vbe ima do miẹn uwa, kevbe vbene uwa ghi fi iyeke gbe ẹbọ hẹ do gha ga Osanobua ne ọre Osanobua ẹmwata ne ọ rrọọ.

Hibru 10:31

Ọkpan udu nọ, deghẹ a defi Osanobua nọ rrọọ obọ!

Hibru 10:38

Sokpan emwa ẹmwata mwẹ gha yayi, iran gha vbe fe. sokpan deghẹ ọmwaikọmwa vbe uwu iran werriegbe, ẹko mwẹ i ra rhiẹnrhiẹn ghe ẹre.”

Hibru 12:15

Wa khẹ ye egbe, ne ọmwaikọmwa ghẹ ya fi iyeke gbe ẹsọhẹ Osanobua. Wa mwẹ ẹwaẹn, ne ọmwaikọmwa ghẹ ya khian utẹzi ne ọ gha wan nẹ, ọ ghi ye obi ẹre gha kpokpo emwa ni bun.

Hibru 12:22

Sokpan, uhunmwu Oke Zaiọn ọre uwa gha dee kevbe ẹvbo Osanobua, Jerusalẹm ne ọ rre ẹrinmwi, ke ẹe kevbe odibo Osa ẹre ne ẹgbenuri.

Hibru 12:25

Rhunmwuda ọnii nian, wa ghi mwẹ ẹwaẹn wa ghẹ rhie obọ khiọ ehọ ne uwa ghẹ miẹn ehe na họn ẹmwẹ ọmwa ne ọ guan. Iran nọ ma danmwehọ ọmwa ne ọ kpe orhu iyẹn ne ọ huanrẹn vbe agbọn na, ma miẹn uhunmwu. Vbe ọmwa ghi ra na miẹn uhunmwu hẹ khekherriọ deghẹ ọ wẹ rẹn i danmwehọ ọmwa ne ọ guan ke ẹrinmwi rre?

Hibru 3:1

Etẹn mwẹ vbe uwu Kristi, emwa ne Osanobua vbe tie. Wa ghe Jesu ne Osanobua gie ne ọ do gha re Ogie Ohẹn ọghe iyayi mwa.

Hibru 3:10

Rhunmwuda ọnii, ọre ohu emwi ni na mu mwẹ. I keghi kha wẹ, ‘Ẹghẹ hia iran ya ba odẹ ku vbe iro ne iran zẹ. Iran ma he ye rẹn uyinmwẹ mwẹ.’

Hibru 3:19

Ma miẹn ọẹn nian wẹ iran ma sẹtin la owa rhunmwuda iran ma yayi.

Hibru 9:14

Ugbẹn vbe a ghi miẹn wẹ ẹmwata ọna khin, Inuinu ọre ne esagiẹn Kristi gha ru ya kpọlọ sẹẹ! Ọ la ekpa Orhiọn etẹbitẹ nii ya egbe ẹre zọ ese ne ọ gbae ghe Osanobua. Esagiẹn ọnrẹn ọre ọ gha khuẹ ekhọe orhiọn mwa huan hin obọ iwinna ọrhiae rre, ne ima miẹn ehe na gha ga Osanobua ne ọ rrọọ.