Hibru 3:1 - Edo Bible (E Baibol Ẹdo) Version 1996

¹ Etẹn mwẹ vbe uwu Kristi, emwa ne Osanobua vbe tie. Wa ghe Jesu ne Osanobua gie ne ọ do gha re Ogie Ohẹn ọghe iyayi mwa.

Hibru 3:1 ပူးပေါင်းရင်းမြစ်များ

Psalm 110:4

E Nọyaẹnmwa vẹe ye urhu nẹ, ẹ i ra vbe fi ẹe werriẹ wẹẹ, “Ohẹn wẹ ra gha khin ẹdẹdẹmwẹdẹ vbe uniẹn ne a na rri ohẹn ọghe Mẹlkizẹdẹk.”

Aizaia 1:3

Avbe ẹmila rẹn emwa ni yan iran, avbe ekẹtẹkẹtẹ vbe rẹn ehe ne nọyan iran na rhie evbare ne iran. Sokpan, Izrẹl ne emwa mwẹ ma rẹn sẹ vberriọ. Iran ma zẹdẹ rẹn otọe ẹre hiehiere.”

Aizaia 41:20

Emwa gha miẹn ọna, iran ghi do rẹn wẹ mẹ ne Nọyaẹnmwa ọ re ọ ru emwi na, ọ ghi do vẹ ne iran rẹn wẹ, Osanobua nọhuanrẹn ọghe Izrẹl ọre ọ ru ẹe.”

Aizaia 5:12

Wa ghi viọ akpata, ẹrogbo kevbe okpe kevbe ayọn ye ehe ne uwa na gbe ẹbu rri evbare, sokpan wa ma rẹn otọe emwi ne Nọyaẹnmwa ru,

Ezikiẹl 12:3

“Banbanna nian, ovbi ọmwa kun emwi zẹ vbe ne ọmwa ne ọ lẹ la ẹvbo ẹrrẹe gha wa ru zẹẹ, ne u deyan okhian vbe ẹdẹ te mu. Gie emwa hia bẹghe ruẹ vbe u a ra kpao ne u gha rrie ehe ọvbehe. Ughaghe, avbe etẹ nii gha bẹghe ruẹ.

Ezikiẹl 18:28

Ọ do ghe uyinmwẹ ne irẹn yin, ọ keghi dobọ emwi dan ne a ru yi, vbe ne a i na gbe awẹawẹ, ẹ i wu, ọ gha diagbọnya.

Hagai 1:5

Wa ma miẹn emwi ne ọ ru uwa nian?

Hagai 2:15

E Nọyaẹnmwa khare wẹẹ, “Wa ma miẹn emwi ne ọ sunu vbe egbe uwa na? Vbe uwa te suẹn gha dọlọ Ọgua Osa bọ,

Iyẹn ne ọ Maan Ọghe Jọn 17:3

Ọna ọrọre nene arrọọ ne ẹ i fo wẹ ne emwa ne agbọn rẹn ruẹn zẹ vbe Osanobua ọkpa ne ọ re ọghe ẹmwata kevbe ne iran rẹn Jesu Kristi, ọmwa ne uwẹ gie.

Iyẹn ne ọ Maan Ọghe Jọn 20:21

Jesu keghi vbe dọlegbe tama iran wẹẹ, “Ọfumwegbe gu uwa rrọọ. zẹ vbene Evbavba gie mwẹ, erriọ mẹ vbe gie uwa.”

Iyẹn ne ọ Maan Ọghe Jọn 20:27

Ọ keghi khama Tọmọs wẹẹ, “Rhie ukpẹ ihiẹn obọ ruẹ ye emwa, ghe obọ mwẹ, niẹn obọ ruẹ rre ne u ya ẹe kan efẹn mwẹ. Ghẹ i ghi bọ iro eva, yayi!”

Iwinna 1:15

Vbe iyeke ikpẹdẹ eso, iran ni yayi keghi si koko ye ehe ọkpa, ehia keghi gha re iyehan (120), Pita keghi kpaegbe, ọ na gha guan, ọ wẹẹ,

Ebe ne Pọl gbẹẹn gie emwa Rom 11:17

A ghi giagia ahọ eso kua vbe erhan ohọ ne a kọe, a keghi do mu abọ erhan ohọ ni rre oha mama yọ. Wa ne ẹ i re Ju, te uwa yevbe erhan ohọ ni rre oha nii, wanwan nian, agbọn ẹfe kevbe ne ọ mwẹ ẹtin ne ọre ọghe avbe Ju, sẹ uwa obọ.

Ebe ne Pọl gbẹẹn gie emwa Rom 15:27

Iran ọre ọ tobọ iran kha ighẹ iran ra ruẹe, sokpan ne a ta ẹmwata, te ọ bi ye iran egbe ne iran ye avbe ivbiogue nii obọ. Rhunmwuda avbe Ju ghae afiangbe ọghe orhiọn iran sẹ iran ne ẹ i re Ju obọ. Rhunmwuda ọnii, te ọ vbe kei ne iran ne ẹ i re Ju vbe ya emwi afiangbe ne ọ re ọghe egbe ne iran mwẹ, ga avbe Ju.

Ebe ne Pọl gbẹẹn gie emwa Rom 15:8

Ne I tama uwa wẹ Kristi khian ọguọmwadia iran ne Ju ne ọ miẹn ehe na rhie maa wẹ Osanobua i hiẹ ọmwa, ne ẹmwẹ ne ọ tama avbe erha mwa odede miẹn ehe na sẹ.

Ebe ne Pọl gbẹẹn gie emwa Rom 9:24

Rhunmwuda ma na ọrọre emwa ne irẹn tie ẹre ẹ i re vbe uwu avbe Ju ọkpa sokpan kevbe uwu iran ne ẹ i re Ju bare.

I Kọrinti 1:2

gie esọsi Osanobua ne ọ rre Kọrinti, gie emwa ne a tie re ne iran do gha re emwa ni huanrẹn Osanobua, emwa ni khian ọghọe rhunmwuda ighẹ iran ya egbe ba Kristi Jesu, deba emwa hia ni ghi na erhunmwu ghe Nọyaẹnmwa Jesu Kristi nẹ, zẹ vbe Nọyan iran kevbe ima.

I Kọrinti 10:17

Rhunmwuda ighẹ ebrẹd ọkpa nọ, ma hia gha rhe gha bun, egbe ọkpa ma khin, rhunmwuda ebrẹd ọkpa ma na re.

I Kọrinti 9:23

Rhunmwuda iyẹn ne ọ maa ọre I na ru avbe emwi na hia, ne a miẹn ehe na ghae sẹ mwẹ obọ vbe afiangbe ne ọ rrọọ.

II Kọrinti 1:7

Ẹghẹ ọkpa i rrọ ne ima ya gbe awẹawẹ ye ẹtin ne ima mu yan uwa, ma rẹnrẹn wẹ, zẹ vbene uwa vbe ghae vbe oya ne ima re, erriọ wa vbe ghae vbe iyobọ ne ọ sẹ ima obọ.

II Kọrinti 9:13

Kevbe rhunmwuda emwi ne ọ ghi la ekpa iwinna uwa na vẹ ne agbọn rẹn, emwa ni bun ghi rhie uyi ne Osanobua ye ẹmwẹ iyẹn ne ọ maa ọghe Kristi ne ọ rre uwa ekhọe, kevbe ne uwa vbe yayi, kevbe obọ ẹse ne ọ tọlọ uwa ghe iran, kevbe emwa ọvbehe.

Ẹfisọs 3:6

Nene oro ọ na khin wẹẹ, rhunmwuda iyẹn ne ọ maa, iran ne ẹ i re Ju, vbe gu iran ne Ju ghae vbe afiangbe Osanobua ina egbe ọkpa nii ọre iran hia khin, iran vbe mwẹ oghae vbe emwi ne Osanobua la ekpa Kristi Jesu ve.

Ẹfisọs 4:1

Rhunmwuda ọnii, I mobọ yatua uwa, mẹ ne ọre oleghan rhunmwuda ighẹ I ga Nọyaẹnmwa, wa gha ru emwi zẹ vbene ọ sikẹ ukpo ne Osanobua mwa ne uwa, vbe ẹghẹ ne ọ na tie uwa.

Ẹfisọs 4:4

Egbe ọkpa ọre ọ rrọọ kevbe Orhiọn ọkpa, zẹ vbe ne a vbe miẹn wẹ, idaehọ ọkpa ọre ọ rrọọ ne Osanobua tie uwa yi.

Filipai 3:14

Rhunmwuda ọnii, I ghi wa rhulẹ ọwara gha rrie ehe ne a mwa yọ, ne a miẹn ehe na gba ẹkan yọ mwẹ ohọ, ọnii nọ wẹ, utiemwẹ ne Osanobua la ekpa Kristi Jesu tie ọmwa ye agbọn ne ọ rre odukhunmwu.

Kọlose 1:12

Wa vbe ye oghọghọ gha rhie ekpọnmwẹ ne Evbavba, ne ọ ye uwa khian ne ọ kere ne ọ gha mwẹ oghae vbe uwu avbe emwi ne Osanobua viọ hinrre khẹ emwa vbe arriọba uwanmwẹ.

Kọlose 1:22

Sokpan banbanna nian, rhunmwuda uwu ikinnegbe ne Ovbi ẹre wu, Osanobua ya uwa khian esiọre nẹ, ne ọ miẹn ehe na viọ uwa gha die odaro egbe ẹre, vbe ne ọ huanrẹn, ne ẹ i mwẹ iruẹn kevbe ne ẹ i mwẹ abe.

Kọlose 3:12

Emwa Osanobua ọre uwa khin, ọ ho ẹmwẹ uwa, ọ keghi vbe hannọ uwa zẹ ne ọ ya ru ọghọe, rhunmwuda ọnii, wa gha mwẹ ekhọe agiẹngiẹn, itohan imuegberriotọ, ọmẹhẹ, ufumwẹ kevbe iziengbe.

I Tẹsalonaika 2:12

Ma rhie ẹtin ye uwa iwu, ma fu uwa ẹko rre, ma kegha kan rẹn ye uwa ehọ wẹ, ne uwa gha yin vbene ọ gha yẹ Osanobua, ọmwa ne ọ tie uwa ne uwa do gu irẹn ghae, vbe Arriọba kevbe uyi ẹre.

I Tẹsalonaika 5:27

I ye asẹ ọghe Nọyaẹnmwa yan ta ẹe ma uwa ne uwa tie ebe na ma avbe etẹn hia.

II Tẹsalonaika 1:11

Ọna ọ si ẹe ne ima na na erhunmwu ne uwa vbe ẹghẹ hia. Ma ghi rinmwian wẹ ne Nọyaẹnmwa gie uwa gha re emwa ni ke ye uyinmwẹ ne ọ tie uwa yi, ne uwa do gha yin. Te irẹn gha ye ẹtin ẹnrẹn mu emwi ne uwa ho hia ni maa sẹ, ne ọ ru ẹe fo ighẹ iwinna iyayi uwa.

II Tẹsalonaika 2:14

Iyẹn Ne ọ maa ne ima kpe orhu ẹre ma uwa, ọre Osanobua ya tie uwa ye ọna, ọ keghi tie uwa do rhie oghae uwa vbe uyi Nọyaẹnmwa Jesu Kristi.

I Timoti 6:12

Ye ẹtin ruẹn hia rhulẹ vbe ulẹ iyayi na, ne u ya obọ ruẹ khọn mu ẹfe etẹbitẹ, rhunmwuda, arrọọ vberriọ ọre Osanobua tie ruẹ yi, vbe ẹghẹ ne u na tobọ ruẹ ye unu miẹn kue, vbe sirra osẹe ni bun.

I Timoti 6:2

Eviẹn ọmwa ne arowa ẹre re ọmwa ne ọ yayi, wẹ ne iran ghẹ miẹn iran fo rhunmwuda ighẹ etẹn iran khin, sokpan te ọ kere ne iran gha ga iran sẹ ayọ, rhunmwuda emwa ne ọ rri ere iwinna ne iran winna keghi vbe re emwa ni yayi ne iran ho ẹmwẹ ọnrẹn. U ghi ye emwi na kpe orhu, u ghi vbe ya ẹe gha ma emwa emwi.

II Timoti 1:9

Ọ miẹn ima fan, ọ kevbe tie mwa ne a do gha re emwa irẹn, ẹ i re rhunmwuda emwi ne ima ru, sokpan vbe ọghe ekhọe obọ ẹre kevbe ẹsọhẹ. Ọ rhie ẹsọhẹ na ne ima nẹ, vbe uwu Kristi Jesu, ẹghẹ te do suẹn.

II Timoti 2:7

U ghi roro ẹmwẹ ne I ta na, rhunmwuda, Nọyaẹnmwa gha gu ẹe rẹn emwi ne a ya emwi hia kha.

Hibru 10:19

Rhunmwuda ọnii, etẹn mwẹ, vbe ekpa uwu ne Jesu wu, a fan obọ ẹre ne ima nẹ nian, ne ima wa gha la uwu Ehe Ne ọ Huan Sẹẹ Ehia nii.

Hibru 10:21

Ma mwẹ ohẹn nọkhua ne ọ gbearoghe owa Osanobua.

Hibru 10:23

Wa gie ima da idaehọ ne ima miẹn kue yi mwẹ gbain, rhunmwuda, ma gha sẹtin mu ẹtin yan Osanobua wẹ ọ gha ru vbene ọ khare.

Hibru 13:22

I rinmwian uwa etẹn mwẹ, ne uwa ye i ziengbe danmwehọ ikporhu igiẹdu na, rhunmwuda ebe ne I gbẹn gie uwa na ma tan gbe.

Hibru 2:11

Ọ khuẹ emwa huan hin orukhọ iran rre, irẹn kevbe emwa ni irẹn khuẹ huan, erha ọkpa iran mwẹ. Ọnii ọ si ẹe ne ekhue i na mu Jesu vbe ọ gha tie iran etiọnrẹn.

Hibru 2:17

Ọnii rhie maa wẹ, te irẹn gha do ya egbe khian vbene avbe etiọnrẹn ye vbe odẹ hia, ne ọ miẹn ehe na gha re Ogie Ohẹn iran ne ekhọe esi ni mwẹ itohan vbe uwu ugamwẹ ne ọ ga Osanobua, ne a miẹn ehe na ye orukhọ avbe emwa ni bọ iran.

Hibru 3:12

Etẹn mwẹ, wa mwẹ ẹwaẹn, ne a ghẹ ya miẹn arhiọnkpa vbe uwu uwa ne ọ mwẹ ekhọe dan, kevbe ne ẹ i yayi, sẹrriọ, ne ọ gha na fi iyeke gbe Osanobua ne ọ rrọọ.

Hibru 3:14

Rhunmwuda, otu Kristi ma hia ye, deghẹ ma mu uhunmwu kọ ẹe gbangbaangban, ya sẹ ufomwẹ, ighẹ a mu ẹtin yan ne ima gha mwẹ vbe omuhẹn.

Hibru 6:20

Jesu ka ke odaro nẹ, gha rrie evba nii, ne ima. Rẹn keghi vbe khian ogie ohẹn etẹbitẹ lele uviẹn ọghe Mẹlkizẹdẹk.

Hibru 7:26

Rhunmwuda ọnii nian, Jesu ọrọre Ogie Ohẹn ne ọ sẹe ne a gha ye enegbe mwa yan! Ọmwa ne ọ huanrẹn nọ, rẹn i mwẹ a baku ru ra orukhọ vbe obọ ẹre, a wannọ ẹn ye efẹn ọkpa hin ehe ne emwa orukhọ ye rre, a keghi vbe tọn ẹn mu yo sẹ a vbe ẹrinmwi.

Hibru 7:28

Emwa ne ọ ma khia na, ọre Uhi e Mosis zẹlẹ ye ukpo igie ohẹn, sokpan ẹmwẹ eyan Osanobua, ne ọ ghi do kiekie rre khẹ nene Uhi, keghi zẹ Ovbi Osanobua ọmwa ne a ya khian ne ọ gba na fo nẹ rhinrin ẹdẹ.

Hibru 9:11

Sokpan Kristi rre nẹ, zẹ vbe Ogie Ohẹn ọghe avbe emwi ni maa ni rre emwa na nẹ, Ọgua ukpọn ne irẹn na ga, keghi re ne ọ kpọlọ sẹẹ, kevbe ne ọ vbe gba na sẹẹ, ẹ i re emwa ne agbọn ọre ọ ru ẹe, ọnii nọ wẹ, ẹ i re ọkpa vbe uwu emwi ni rre agbọn ne a yi na.

Hibru 9:15

Rhunmwuda ọnii, ọre a na miẹn wẹ, Kristi ọre ọ mwamwa ile ọghọgbọn, ne afiangbe etẹbitẹ ne Osanobua ve, miẹn ehe na sẹ iran obọ ighẹ avbe emwa ne Osanobua tie re. Te ọna ghi gia ru nian, rhunmwuda, ọmwa ọkpa wu, ne ọ fannọ emwa hin orukhọ ne iran ru ẹghẹ ne iran na gha rre ototọ ile ne okaro rre.

I Pita 2:9

Sokpan, wa ọrọre emwa ne a hannọ zẹ, avbe ohẹn Osanobua, agbọn ẹvbo ne ọ huanrẹn, emwa Osanobua tobọ ẹre, emwa ne a hannọ zẹ, ne iran mu iwinna ọyunnuan Osanobua go, ọmwa ne ọ tie uwa ke uwu ebiebi ladian gha rrie uwu uwanmwẹ ọyunnuan.

I Pita 3:5

Rhunmwuda avbe ikhuo ni ya ekhọe ga nẹdẹ, ni vbe mu idaehọ iran yan Osanobua, vberriọ ọre iran ya gha te egbe iran, te iran gbe uhunmwu ke otọ ne avbe ọdafẹn iran.

I Pita 5:1

I mu egbe rri otọ rinmwian avbe ediọn esọsi ni rre uwu uwa, mẹ tobọ mwẹ ne ọ vbe re ediọn, aro mwẹ sẹ oya ne Kristi re, ọ gha vbe sẹ mwẹ obọ vbe uwu uyi ne a gha rhie maa, I mu egbe rri otọ rinmwian uwa.

I Pita 5:10

Sokpan, u ghẹ ghi rri oya la ẹghẹ eso vberriọ nẹ, Osanobua ẹsọhẹ hia, ọmwa ne ọ tie ruẹ ne u do ghae vbe uyi etẹbitẹ ọghọe, vbe uwu a yegbe ba Kristi, gha tobọ ẹre ya uwẹ khian ne ọ gbae, ọ ghi rhie a mudia gbain nuẹn, ẹtin kevbe ẹyotọ ne ọ de ziẹn.

I Jọn 1:3

Emwi ne aro mwa sẹe, kevbe ne ehọ mwa họẹn, ọre ima vbe tama uwa ne uwa miẹn ehe na ya egbe ba mwa vbe uwu ne ima na gu Evbavba mu obọ kevbe Ovbi ẹre ighẹ Jesu Kristi.

Ebe ne Jud gbẹẹn 1:1

E Jud ne ọguọmwadia Jesu Kristi kevbe ọtẹn Jems ne okpia, ọre ọ gbẹn ebe na gie emwa hia ne Osanobua tie re, emwa ni rrọọ vbe uwu aho ẹmwẹ ọmwa ọghe Osanobua ne erha kevbe iran ne Jesu Kristi gbe aro ghe.

Arhie Maan 17:14

Iran gha gu Oteghe Ohuan nii gbinna, sokpan Oteghe Ohuan nii ke ẹe kevbe emwa rẹn ne a tie re, kevbe ne a hannọ zẹ, iran ni ya ẹko ata lele ẹe khian, gha khọn iran muotọ, rhunmwuda rẹn ọrọre Nọyan eniyaẹnmwa kevbe Ọba iran ne ọba.”

Arhie Maan 18:20

Wa ne ẹrinmwi, wa gha ghọghọ ye ne okhuo na na fuan! Wa ne emwa Osanobua, wa gha ghọghọ, kevbe avbe ukọ kevbe avbe akhasẹ. Rhunmwuda emwi ne okhuo na ru uwa ẹre, ẹre Osanobua rria ẹre ikhi yi na.