Hibru 2:9 - Edo Bible (E Baibol Ẹdo) Version 1996

⁹ Sokpan ma miẹn Jesu! Vbe ovbi ẹghẹ kherhe, a keghi ru ẹe ne ọ ghẹ vba avbe odibo Osa, ne a miẹn ehe na miẹn wẹ, vbe ekpa ẹsọhẹ Osanobua, ne ọ wu ne emwa hia.

Hibru 2:9 ပူးပေါင်းရင်းမြစ်များ

Gẹnẹsis 3:15

I gha ruẹe ne uwẹ kevbe okhuo nii gha ya eghian so egbe, eghian egbe ẹdẹdẹmwẹdẹ ọre ivbi ẹre ke ivbi uwẹ ra gba gha khin; ivbi ẹre gha lọkọ uhunmwu uwẹ, wẹ ghi vbe gha sa iran ighinghianwẹ.”

Aizaia 11:1

Uniẹn ọghe Ọba Devid ye vbe erhan ne a tọn gbe otọ nẹ sokpan vbene ẹzi erhan vbe dọlegbe họn, erriọ ọ re ọba ọgbọn gha ke uniẹn e Devid zọ ladian.

Aizaia 7:14

Vbene ọ ghi ye na nian, e Nọyaẹnmwa gha tobọ ẹre rhie iyama nuẹn: okhuo ọvbokhan ọkpa ne ọ ma rẹn okpia gha hanmwa, ọ gha biẹ ọmọ okpia ọkpa, ọ ghi he ẹre ‘Imanuẹl.’

Matiu 16:28

Sokpan wa ye rre o, emwa eso rre emwa na nian, ne ẹ i ra wu ọ te ya miẹn Ovbi Ọmwa vbe ọ gha rre zẹ vbe Ọba.”

Matiu 6:28

“Vbọzẹ ne uwa na si osi ba ẹmwẹ ukpọn? Wa ghe vbene avbe obobo ni rre oha wan hẹẹ, iran i winna, iran i do ukpọn ne egbe iran.

Iyẹn ne ọ Maan Ọghe Mak 9:1

Ọ keghi rhie te ẹe wẹẹ, “Nẹ I tama uwa, emwa eso rre emwa na banbanna ni i ra wu ọ te do miẹn Arriọba Osanobua vbe ọ gha rre vbe ẹtin.”

Iyẹn ne ọ Maan Ọghe Luk 9:27

Ne I tama uwa nian wẹẹ emwa eso rre emwa, ne ẹ ra wu ọ te do miẹn Arriọba Osanobua.”

Iyẹn ne ọ Maan Ọghe Jọn 1:29

Ẹdẹ ghi gbe, Jọn keghi miẹn Jesu vbe ọ bu irẹn dee, ọ na kha wẹẹ, “Wa ghe oteghe ohuan Osanobua ne ọ viọ orukhọ agbọn gha rrie!

Iyẹn ne ọ Maan Ọghe Jọn 10:17

“Evbavba ho ẹmwẹ mwẹ, rhunmwuda, mẹ mu egbe vbe ẹghẹ hia ne I ya rhie orhiọn mwẹ ye otọ, ne I miẹn ehe na vbe dọlegbe rhie ẹre werriegbe.

Iyẹn ne ọ Maan Ọghe Jọn 12:32

A gha tọn mwẹ mu hin otọe rre nẹ, I gha silo emwa hia rri egbe mwẹ.”

Iyẹn ne ọ Maan Ọghe Jọn 3:16

Rhunmwuda Osanobua ho ẹmwẹ agbọn na sẹrriọ zẹẹ ọ na rhie Ovbi ẹre ukpọmọkpa ne ọmwa, ne ọmwaikọmwa ne ọ rhirhi ya ẹe yi ghẹ wirua, sokpan ne ọ gha mwẹ ẹfe ne ẹ i mwẹ ọfo.

Iyẹn ne ọ Maan Ọghe Jọn 8:51

Ẹmwata I tama uwa, ọmwa ne ọ rhie ẹmwẹ mwẹ ya ru emwi, ẹ i ra wu ẹdẹ.”

Iyẹn ne ọ Maan Ọghe Jọn 8:52

Avbe Ju wanniẹn tama rẹn wẹ, “Aro ima dae nian ighe u gele mwẹ orhiọn esu. Ebraham wu, avbe akhasẹ vbe wulo, wẹ ghi ra kha, u wẹẹ, ‘Ọmwa ne ọ ya ẹmwẹ mwẹ ru emwi, ẹ i wu ẹdẹ.’

Iwinna 2:33

A tọẹn mu gha rrie obọ erha ọmwa Osanobua, ne ọ ya miẹn ẹre Orhiọn Ne Ọ Huanrẹn ne Erha ẹe ve ẹre. Emwi ne uwa ghi bẹghe na nian, kevbe ne uwa vbe họn, emwi ne ọ ya ru ima ẹse nọ, ọ keghi hihiẹe yan ima.

Iwinna 3:13

Osanobua Ebraham, Aizik kevbe Jekọb, Osanobua avbe erha mwa odede, ọre ọ rhie uyi ne ọ gbae ne Ọguọmwadia ẹre Jesu, ọmwa ne uwa rhie yan iran ni khaemwisẹ obọ, wa keghi hẹẹ ye otọ vbe odaro Pailet, vbe Pailet te gha ho ne irẹn fan ẹn fua.

Ebe ne Pọl gbẹẹn gie emwa Rom 5:18

Zẹ vbene orukhọ ya emwa hia rri abe, erriọ vbe nọ, emwi ẹmwata ọkpa ne a ru keghi vbe fannọ emwa hia ye otọ, ọ keghi vbe rhie arrọọ ne iran.

Ebe ne Pọl gbẹẹn gie emwa Rom 5:8

Sokpan Osanobua rhie ma ima nẹ vbene irẹn kakabọ ho ẹmwẹ mwa sẹ hẹ ẹghẹ ne ima na gha re emwa orukhọ ọre Kristi na wu ne ima.

Ebe ne Pọl gbẹẹn gie emwa Rom 8:3

Emwi ne Uhi ma sẹtin ru, rhunmwuda ne ọmwa ma na wo vbe egbe vbe a yiẹe, Osanobua ru ẹe nẹ. Rẹn keghi bu ohiẹn gbe orukhọ ne ọ rre egbe ọmwa zẹ vbe ne a yiẹe, vbe ne ọ na gie Ovbi ẹre ne ọ mu akpa egbe ọmwa ne ọ mwẹ orukhọ yọ gha dee, ne ọ miẹn ehe na do gbe ukhu orukhọ ua.

Ebe ne Pọl gbẹẹn gie emwa Rom 8:32

Ọ ma rhie ovbi ẹre fi ghe iyeke sokpan, ọ keghi ya ẹe fi ohan ne ima hia, ọ rhie ovbi ẹre ne ima, u ma rẹn ghẹ te ọ gha ghi ya emwi hia ru ima ẹse!

II Kọrinti 5:15

Te ọ wu ne emwa, ne avbe emwa ni rre agbọn ghẹ ghi gha rre agbọn ne egbe iran ọvbehe, sokpan ne iran gha rrọọ ne irẹn nii ne ọ wu, ne a vbe huẹn kpaegbe vbe idin, rhunmwuda iran.

II Kọrinti 5:21

Kristi ma gha mwẹ orukhọ, sokpan Osanobua keghi ghae nẹ vbe orukhọ ima, ne a miẹn ehe na miẹn wẹ, ma gha ye egbe ba irẹn nẹ, ma ghi vbe ghae vbe ọmwa ẹmwata ne Osanobua khin.

Galatia 4:4

Sokpan, ugbẹn vbe ọ ghi do sẹ ẹghẹ ne ọ kee yọ sẹẹ, Osanobua keghi gie ovbi ẹre tobọ ẹre gha dee. Rẹn keghi rre zẹ vbe ọmwa ne iye ẹe re ọmwa ne agbọn na, ọ na vbe gha rre ototọ Uhi avbe Ju.

I Timoti 2:6

Ọmwa ne ọ ye egbe ẹre dẹ emwa ne agbọn hia werriegbe, ọnii ọre ama ne aro ya dae ẹe, vbe ọwa sẹ ẹghẹ ọre zẹẹ, wẹ Osanobua ho ne emwa hia miẹn imiẹnfan.

Hibru 1:9

U hoẹmwẹ emwi ne a ru ẹse, u sọnnọ emwi ne a ma ru ẹse. Ọnii ọ si ẹe ne Osa, Osanobua ruẹ na hannọ uẹn zẹ, ọna rhie oghọghọ uyi ne ọ sẹ ne ọ rhie ne ihua ẹsẹse nuẹn.”

Hibru 10:5

Ọna ọre ọ si ẹe ne a na miẹn wẹ ugbẹn vbe Kristi ghi ra gha die agbọn, ọ keghi kha wẹẹ, “Wẹ i gualọ ese ra emwi imuohan aranmwẹ, sokpan, wẹ ru egbe ọkpa ye otọ mẹ nẹ.

Hibru 11:5

Iyayi ọre ọ ma gie Inọk wu. Ne ọ gha na te wu, a keghi tọn ẹn mu bu Osanobua gha khian, ọmwa rhọkpa ma ghi vbe miẹn ọẹn, rhunmwuda, Osanobua rhie ẹre gha rrie odukhunmwu. Ebe khare wẹ, vbe a te do tọn Inọk mu, ọ ya ẹko rhiẹnrhiẹn Osanobua.

Hibru 12:2

Wa gie ima rhie aro da Jesu, ọmwa ne iyayi mwa ya iyeke-kọ ke omuhẹn ọnrẹn ya sẹ ufomwẹ ọnrẹn. Rẹn ma rhunmwuda ugbugbe zẹ obọ vbọ, sokpan rhunmwuda oghọghọ ne ọ diakhẹ ọre, ọ ma zẹdẹ mu ẹmwẹ efaa ne ọ rre ne a wu vbe uhunmwu ugbugbe ro. Banbanna nian, ọ tota vbe obọ erha ọmwa ọghe ẹkete Osanobua.

Hibru 2:7

U yi ẹe vbe ovbi ẹghẹ kherhe ne ọ ghẹ vba avbe odibo Osa u keghi ye uyi kevbe ọghọ rhuẹ ọre ẹde,

Hibru 7:25

Rhunmwuda ọnii, te irẹn ghi sẹtin miẹn emwa ni la obọ ẹre bu Osanobua gha dee fan, vbe ẹghẹ na, kevbe ẹghẹ hia, rhunmwuda, rẹn wa rre agbọn ẹdẹdẹmwẹdẹ, ne ọ gha rinmwian ne iran.

Hibru 8:3

Te a ma dọmwadẹ ogie ohẹn wẹ, ne ọ gha ya emwi mu ohan, kevbe ne ọ gha ya aranmwẹ zọ ese ghe Osanobua, rhunmwuda ọnii, te ogie ohẹn ọghomwa gha vbe mwẹ emwi ne ọ gha ya mu ohan.

I Pita 1:21

ekpa ẹre ọre uwa na ya Osanobua yi, ọmwa ne ọ huẹn ọnrẹn kpao vbe orinmwi rre, ọ na rhie uyi nẹẹn, ọre a na miẹn wẹ, iyayi kevbe idaehọ uwa, Osanobua ọre a tua ẹre mu.

I Jọn 2:2

Rhunmwuda Kristi tobọ ẹre ọrọre ne a rhunmwuda ẹre ya orukhọ mwa bọ mwa, ẹ i vbe re orukhọ ọghomwa ọkpa, sokpan orukhọ emwa hia.

Arhie Maan 19:12

Aro ẹre keghi ye vbe ọgẹn erhẹn, ọ keghi viọ erhu ẹde ni bun rhuẹ ye uhunmwu ẹnrẹn. A keghi gbẹn eni ẹnrẹn yan rẹn, ọmwa ọvbehe ne ọ rẹn emwi ne a ya ẹe kha ẹ i rrọọ gberra irẹn tobọ ẹre.

Arhie Maan 5:9

Iran keghi so ihuan ọgbọn: “U sẹe ne ọ gha rhie ebe ne a kiri ni. Kevbe ne u giagia emwi ne a ya gbalọ ẹe rhunmwuda, a te gbe ua nẹ, u keghi ye uwu ruẹ dẹlẹ emwa ne agbọn gie Osanobua.