Hibru 2:8 - Edo Bible (E Baibol Ẹdo) Version 1996

⁸ u keghi ya ẹe gha khaemwisẹ yan emwi hia.” Ọ khare wẹ Osanobua ya ọmwa ru “nọkhaemwisẹ yan emwi hia” ọ na wa rhie maa wẹ emwi hia ọre ọ wa kaẹn. Sokpan ma ma he miẹn nian wẹ, ọmwa gele khaemwisẹ yan emwi hia.

Hibru 2:8 ပူးပေါင်းရင်းမြစ်များ

Psalm 2:6

Ọ keghi kha wẹẹ, “Mẹ rhie ọba mwẹ ye ẹkete nẹ, vbe Zaiọn ne oke mwẹ ne ọ huanrẹn.”

Psalm 8:6

U ya ẹe ru enọkhaemwisẹ yan emwi ne uwẹ yi hia, u kevbe tọn ẹn mu yan emwi ne a yi hia.

Daniẹl 7:14

A keghi rhie asẹ, uyi, kevbe ẹtin ọba nẹẹn, ne emwa uhunmwu ẹvbo hia, emwa, kevbe ẹvbo ne a zẹ, miẹn ehe na gha kpe gae. Asẹ ọre ghi gha rrọ rhinrin ẹdẹ, arriọba ẹre i vbe mwẹ ufomwẹ.

Matiu 28:18

Jesu tama iran wẹẹ, “A rhie ẹtin hia ni rre ẹrinmwi kevbe agbọn mẹ nẹ.

Iyẹn ne ọ Maan Ọghe Jọn 13:3

Jesu rẹnrẹn ighe asẹ hia ọre Evbavba wa rhie ne irẹn, ọ rẹnrẹn ighe ehe ne Osanobua ye ọre irẹn ke gha dee, kevbe wẹ te irẹn vbe bu Osanobua khian.

Iyẹn ne ọ Maan Ọghe Jọn 3:35

Erha ho ẹmwẹ Ovbi ẹre, ọ keghi viọ emwi hia ye ẹtin ẹnrẹn obọ.

I Kọrinti 15:27

Rhunmwuda, ebe kha re wẹ, “Osanobua viọ emwi hia ye ototọ owẹ ọre.” Agbọn hia rẹnrẹn wẹ, a rhe kha wẹ “emwi hia,” a ma ka Osanobua tobọ ẹre ba ẹre, ọmwa ne ọ viọ emwi hia ye ototọ owẹ Kristi.

Hibru 1:13

Osanobua ma khama odibo Osa rhọkpa wẹ, “Tota ye obọ erha ọmwa mwẹ vbe emwa na, rhinrin mẹ to do ya avbe eghian ruẹn ru ukhuerhe ne u gha viọ owẹ yan.”

Hibru 1:2

Sokpan, vbe ẹdẹ okiekie na nian, Ovbi ẹre ọre ọ ghi gie do gun mwa guan. Rọẹn ni ọrọre ọmwa ne Osanobua la obọ ẹre yi agbọn vbe ẹrinmwi, ọmwa ne Osanobua zẹ wẹ, ọ gha do yan emwi hia vbe ufomwẹ a rre nẹ.

Hibru 2:5

Rhunmwuda, Osanobua ma ya avbe odibo Osa ru ni khaemwisẹ yan agbọn ne ọ ra yi, agbọn ne ima kha na.

I Pita 3:22

Ọmwa ne ọ kpao gha rrie ẹrinmwi nẹ, ọ kevbe rre obọ erha ọmwa Osanobua, ehe ne ọ na khaemwisẹ yan avbe odibo Osa hia kevbe avbe ọdakha ni rre ẹrinmwi kevbe avbe ẹtin.

Arhie Maan 1:18

Mẹ ọrọre ọmwa ne ọ rre agbọn, I te ka wu yi, sokpan banbanna nian, I rre agbọn ẹdẹ kevbe ẹdẹdẹmwẹdẹ.” I mwẹ asẹ vbe uhunmwu uwu tobọ ẹre kevbe ẹvbo iran ne orinmwi.

Arhie Maan 1:5

Kevbe ke ehe ne Jesu Kristi ne ọre osẹe ẹmwata ye ghe dee, ọmọdiọn ne a biẹe kevbe ne a vbe huẹn kpao vbe idin, ọmwa ne ọre ne ọ khaemwisẹ yan avbe ọba ni rre otọ agbọn hia. Rẹn ho ẹmwẹ mwa, ọ keghi ya ekpa uwu ne ọ wu fannọ ima kua hin obọ orukhọ mwa rre.