Hibru 2:6 - Edo Bible (E Baibol Ẹdo) Version 1996

⁶ Sokpan zẹ vbene ihe eso vbe Ebe kha re, “Vbe ọmwa a khin Osanobua, ne uwẹ mu ẹmwẹ ọnrẹn roro, de emwi ne ọmwa kẹkan khin, ne uwẹ zẹ ye ọre re?

Hibru 2:6 ပူးပေါင်းရင်းမြစ်များ

Gẹnẹsis 50:24

Rẹn keghi tama etiọnrẹn wẹẹ, “Te i ghi ra wu na, sokpan Osanobua gha gbearoghe uwa vbe ne a i na gbe awẹawẹ, ọ ghi viọ uwa ke otọe na ladian gha rrie otọe nii ne ọ ve iran ẹre ighẹ Ebraham, Aizik kevbe Jekọb.”

Job 15:14

“A gha miẹn ọmwa ne ọ gele wa huan fo ra? A gha miẹn ọmwa ne ọ wa gba na vbe odaro Osanobua ra?

Job 25:6

Inu-inu ghi nọ ne ọmwa nagbọn, ne ọkhọe, ne atete! De ive ne ọ rre ọmwa uhunmwu vbe odaro Osanobua?”

Psalm 144:3

Nọyaẹnmwa de emwi ne ọmwa khin ne uwẹ na vbe bẹghe ẹre, ọmwa kẹkan, ne u vbe zẹ yọ ẹre re.

Aizaia 40:17

Avbe uhunmwu ẹvbo ma sẹ emwi vbe aro ẹre.

Aizaia 51:12

E Nọyaẹnmwa khare wẹẹ, “Mẹ ọrọre ọmwa ne ọ rhie ẹtin ye uwẹ iwu vbọzẹ ne u gha na mu ohan ọmwa ne ọ sẹtin wu ne ẹ i vbe tọ sẹẹ irunmwu?

Iyẹn ne ọ Maan Ọghe Luk 1:68

“Wa gie a rho Nọyaẹnmwa Osanobua ọghe Izrẹl. Rhunmwuda ọ do ye emwa rẹn obọ, ọ keghi fan iran vbe irri.

Iyẹn ne ọ Maan Ọghe Luk 1:78

Rhunmwuda ọmẹhẹ ne ọmwa itohan ọre Osanobua mwa khin. Rẹn gha gie uwanmwẹ imiẹnfan wan mu ima hia.

Iyẹn ne ọ Maan Ọghe Luk 7:16

Ohan keghi mu emwa hia, iran keghi rhie uyi ne Osanobua wẹẹ, “Akhasẹ nọkhua zọ ladian vbe uwu ima,” kevbe wẹ, “Osanobua rre do miẹn emwa rẹn fan!”

I Tẹsalonaika 4:6

Vbe uwu emwi na, ọ ma kei ne ọmwaikọmwa gha ho ọtẹn ọnrẹn ẹmwẹ, ra ne ọ gha gbe ẹe miẹn ẹre emwi ẹnrẹn. Ma ka ta ẹmwẹ na ma uwa yi, ma na kakabọ ta ẹe ma uwa nian, Nọyaẹnmwa gha rri iran ni ru emwi vberriọ oya.

Hibru 4:4

Rhunmwuda vbe uwu ebe, iran guan kan ikpẹdẹ ne ogihinrọn, “Osanobua keghi hẹwẹ vbe iwinna rẹn hia.”

Hibru 5:6

Ọ keghi vbe ta ẹe vbe ehe ọvbehe wẹẹ, “Ohẹn ọre u khian gha khin ẹdẹdẹdẹ, vbe uniẹn ohẹn ọghe Mẹlkizẹdẹk.”

I Pita 1:11

Iran keghi hia ne iran gualọ ẹe miẹn, ẹghẹ ne ọ ghẹ gha khin, kevbe vbene ọ gha ya rre hẹ, rhunmwuda, Orhiọn Kristi ne ọ rre uwu iran keghi ta ẹmwẹ ẹghẹ na, vbene iranna ta ẹmwẹ oya ne Jesu gha re ye otọ, ke ẹe kevbe uyi ne ọ gha lele ẹe.