Hibru 2:5 - Edo Bible (E Baibol Ẹdo) Version 1996

⁵ Rhunmwuda, Osanobua ma ya avbe odibo Osa ru ni khaemwisẹ yan agbọn ne ọ ra yi, agbọn ne ima kha na.

Hibru 2:5 ပူးပေါင်းရင်းမြစ်များ

Matiu 24:14

A gha kporhu Iyẹn Ne ọ maa ọghe Arriọba na la otọ agbọn hia nẹ zẹ vbe osẹe ghe emwa hia, iyeke ọnii, ufomwẹ ghi do rre.

Hibru 13:14

Rhunmwuda ma i mwẹ ẹvbo etẹbitẹ vbe agbọn na, ẹvbo ne ọ dee ọre ima rhie aro yi.

Hibru 6:5

Emwi ne a ru ne iran miẹn, rhie maa iran wẹ, ẹmwẹ Osanobua maa, iran kevbe danmwẹ ghe vbe ẹtin ọghe ẹghẹ ne ọ dee.

II Pita 3:13

Sokpan Osanobua ta ẹe nẹ wẹ agbọn ọgbọn kevbe ẹrinmwi ọgbọn gha rre, ehe ne ọ gha gua ẹmwata egbe ro, ena ọre ima mudia khẹ.

Arhie Maan 11:15

Odibosa ne ogihinrọn keghi fian okpe ọghọe re, a keghi họn urhu ni vannọ vbe ẹrinmwi kha wẹẹ, “Ẹtin ne a ya khaemwisẹ yan agbọn na, Nọyaẹnmwa kevbe Mẹzaia ẹre, ọre ọ ghi yan rẹn nian, ọ gha vbe gha khaemwisẹ ẹdẹ kevbe ẹdẹdẹmwẹdẹ.”