Hibru 2:3 - Edo Bible (E Baibol Ẹdo) Version 1996

³ Vbe ima gha na miẹn uhunmwu hẹ khekherriọ a deghẹ ma ma zẹ ye ẹmwẹ imiẹnfan ne ọ kpọlọ sẹ vbenian na? Nọyaẹnmwa tobọ ẹre ọre ọ ka ta ẹmwẹ imiẹnfan na rre, iran ni miẹn ẹmwẹ ọnrẹn ye ehọ, keghi rhie maa ima ighẹ ẹmwata nọ.

Hibru 2:3 ပူးပေါင်းရင်းမြစ်များ

Aizaia 12:2

Osanobua ọrọre ọmiọnmwafan mwẹ I gha mu ẹtin yan rẹn, I i ghi vbe fian afianma. E Nọyaẹnmwa rhie ẹtin kevbe iwegbe mẹ rẹn ọrọre ọmiọnmwafan mwẹ.

Aizaia 20:6

Ọ gha sẹ ẹghẹ nii, iran ni yin lele eghute ọghe Filistia gha kha wẹẹ, ‘Wa ghe emwi ne ọ sunu vbe egbe emwa ne ima rhie aro yi ighẹ ọ gha miẹn ima fan vbe obọ ọba Asiria, vbe ima ra ya miẹn uhunmwu hẹẹ?’ ”

Aizaia 51:5

I gha zẹgiẹgiẹ rre ne I do miẹn iran fan ẹghẹ akhọnmiotọ mwẹ sẹ otọ fo. Mẹ ọ re ọ ra tobọmwẹ gha khaemwisẹ yan avbe uhunmwu ẹvbo. Avbe otọe urria hia diakhẹ mwẹ ne I rre iran ya idaehọ mudia ne I do miẹn iran fan.

Aizaia 51:8

a gha ho iran bẹkun vbe ukpọn ne errarra re sokpan imiẹnfan ne I rhie dee, etẹbitẹ nọ akhọnmiotọ mwẹ gha rrọọ rhinrin ẹdẹ.”

Aizaia 62:11

Wẹ te Nọyaẹnmwa tama otọ agbọn hia na: “Wa tama ivbi e Jerusalẹm, wẹ Nọyaẹnmwa dee ra do miẹn ruan fan, ọ gha vbe viọ avbe emwa ne irẹn faẹn vbe irri mwẹ obọ gha dee.”

Ezikiẹl 17:15

Sokpan, Ọba Izrẹl keghi sọtẹ, ọ keghi gie gha rrie Igipt ne iran ya viọ avbe ẹsin kevbe ivbiyokuo nibun gie irẹn. Ọ gha dunna ne ẹẹn ra? Emwi hia gha wa lẹ ọre fe vberriọ ra? Rẹn i sẹtin rra ile ne ọ wa gha khian vbe ne a i na rrioya!

Ezikiẹl 17:18

Ọ rri ihen ne ọ vẹn, ọ rra ebe ne ọ rhie obọ yi. Ọ ru avbe emwi na hia, banbanna nian, ẹ i miẹn uhunmwu.”

Matiu 23:33

Wa ne ẹyẹn, wa ne ivbi ẹyẹn, vbọzẹ ne uwa na te ro yi ighẹ wa gha miẹn uhunmwu vbe obọ abe ẹrinmwi ne ehianmwẹ ivin?

Matiu 4:17

Ke ẹghẹ ni kpao ọre Jesu na suẹn gha kporhu, ọ wẹẹ, “Wa ro iro fi uyinmwẹ werriẹ, rhunmwuda Arriọba ẹrinmwi sẹ otọ fo.”

Iyẹn ne ọ Maan Ọghe Mak 1:14

Ugbẹn vbe iran ghi mu Jọn ye eghan nẹ, Jesu kegha rrie Galili, ọ keghi ya kpe orhu Iyẹn Ne ọ maa ọghe Osanobua.

Iyẹn ne ọ Maan Ọghe Luk 1:2

Emwi ne iran ne aro ẹre sẹ avbe emwi na vbe omuhẹn, gha kpe orhu ẹre khian, ne iran vbe tama ima, ọre iran gbẹnnẹ ye otọ.

Iyẹn ne ọ Maan Ọghe Luk 1:69

Ọ gie Ọmiọnmwafan ne ọ wegbe ọkpa zọ ladian ne ima, vbe uwu uniẹn Devid ne ọguọmwadia ẹre.

Iyẹn ne ọ Maan Ọghe Luk 24:19

Ọ nọ rẹn wẹẹ, “Vbọ khun emwi?” Iran wanniẹn wẹẹ, “Avbe emwi ni sunu vbe egbe Jesu ne ovbi e Nazarẹt nọ vbe gha re akhasẹ, ne Osanobua kevbe emwa ne agbọn ka ye ọmwa nọkhua vbe ẹmwẹ ne a guan kevbe emwi ne a ru.

Iyẹn ne ọ Maan Ọghe Jọn 15:27

Wa ne arẹngbe gha vbe ta ẹmwẹ mwẹ rhunmwuda ma hia ọ gba gha khian ke otọ gha dee.”

Iwinna 2:22

“Wa danmwehọ ẹmwẹ na, wa ne ivbi Izrẹl. Jesu ne ovbi Nazarẹt keghi re ọmwa ne Osanobua gie ẹre uhunmwu kpataki, ne ọ miẹn ehe na gie uwa rẹn ighe ẹmwata nọ, Osanobua keghi la ekpa ẹre winna iwinna ọyunnuan, iwinna ọ yan aro ua kevbe ama, wa tobọ uwa vbe rẹn vberriọ, rhunmwuda, sirra uwa hia ọre a na ru emwi na.

Iwinna 4:12

Obọ ẹre ọkpa ọre a la miẹn imiẹnfan rhunmwuda eni ọvbehe i rrọọ, vbe agbọn na, ne Osanobua rhie ne emwa wẹ a gha lae miẹn imiẹnfan.”

Ebe ne Pọl gbẹẹn gie emwa Rom 11:14

U gha ghe, I gha sẹtin ruẹe ne oya gha da iran ne emwa mwẹ ne a sẹtin la ekpa ọnii miẹn eso fan vbọ.

Ebe ne Pọl gbẹẹn gie emwa Rom 2:3

Sokpan, wẹ ne ọse mwẹ, wẹ ne ọ ru egbe emwi ne uwẹ bu ohiẹn ọnrẹn gbe emwa ọvbehe na, te uwẹ ro ighẹ ibuohiẹn Osanobua gha la uwẹ baan ra?

I Kọrinti 1:21

Rhunmwuda Osanobua, vbe ekpa ẹwaẹn ne ọ wanrẹn, ọ keghi ru ẹe wẹ ne emwa ne agbọn i ghẹ sẹtin ya ẹwaẹn iran gualọ irẹn miẹn, sokpan, Osanobua keghi wẹẹ, ikpẹ orhu “akpa” ne ima kpe, ọre irẹn gha la ekpa ẹre miẹn iran ni yayi fan.

I Tẹsalonaika 5:3

Ẹghẹ, ne emwa gha na gha kha wẹẹ, “Ore wa ma nian, ẹbe i rre odẹ,” Orriọkhọ ghi de gbe iran vbe udomwurri. Ọkpa ne ọ ra miẹn uhunmwu ẹ i rrọọ, te ọ ra ye vbe obalọ okhuo ne emwi ubiẹmwẹ ru.

I Timoti 1:15

Ẹmwẹ ẹmwata ne ọ re ne a gha wa rhan obọ miẹn, ne avbe yae ẹe yi nọ wẹẹ: Te Kristi Jesu rrie agbọn, ne ọ do miẹn emwa oru khọ fan: Mẹ ọrọre ọka ẹrhia ne ọ rrọọ.

Taitọs 2:11

Rhunmwuda, Osanobua rhie ẹsọhẹ ọghọe ne a miẹn nẹ, vbe ekpa ọghe imiẹnfan emwa hia.

Hibru 1:1

Vbe ẹghẹ ne ọ gberra, odẹ ughughan kevbe ẹghẹ ni bun ọre Osanobua ya gha gu avbe erha mwa odede guan, vbe ne ọ na gie avbe akhasẹ gie iran.

Hibru 1:14

De emwi ne avbe odibo Osa khin yi khekherriọ? Avbe ẹrinmwi ni ga Osanobua, rẹn ghi vbe gha gie iran ne iran ya gha ye emwa ni gha miẹn imiẹnfan obọ.

Hibru 1:2

Sokpan, vbe ẹdẹ okiekie na nian, Ovbi ẹre ọre ọ ghi gie do gun mwa guan. Rọẹn ni ọrọre ọmwa ne Osanobua la obọ ẹre yi agbọn vbe ẹrinmwi, ọmwa ne Osanobua zẹ wẹ, ọ gha do yan emwi hia vbe ufomwẹ a rre nẹ.

Hibru 12:25

Rhunmwuda ọnii nian, wa ghi mwẹ ẹwaẹn wa ghẹ rhie obọ khiọ ehọ ne uwa ghẹ miẹn ehe na họn ẹmwẹ ọmwa ne ọ guan. Iran nọ ma danmwehọ ọmwa ne ọ kpe orhu iyẹn ne ọ huanrẹn vbe agbọn na, ma miẹn uhunmwu. Vbe ọmwa ghi ra na miẹn uhunmwu hẹ khekherriọ deghẹ ọ wẹ rẹn i danmwehọ ọmwa ne ọ guan ke ẹrinmwi rre?

Hibru 4:1

Banbanna nian, Osanobua tama ima ye otọ nẹ wẹ ma sẹtin la owa ne a ya gu ẹe kẹtin. Rhunmwuda ọnii wa gie ima gha mwẹ imuohan, ne a ghẹ miẹn wẹ, a miẹn orhiọnkpa vbe uwu uwa ne ọ ma sẹtin la uwu ikẹtin nii.

Hibru 4:11

Rhunmwuda ọnii, wa gie ima ziga ne a la owa ya gu Osanobua hẹwẹ. Wa ghẹ gie ima rhọkpa yin ehọ, zẹ vbe ne iran ru ne iran ma na ghi la owa.

Hibru 5:9

Ugbẹn vbe a ghi ya ẹe khian enọgbae na nẹ, rẹn keghi do khian ehe ne imiẹnfan etẹbitẹ ke rre ne iran hia ni họn ẹmwẹ nẹẹn.

Hibru 9:28

Erriọ vbe nọ zẹẹ, a keghi ya Kristi zọ ese uhukpa, ne ọ viọ orukhọ emwa ni bun gha rrie. Ọ gha ye vbe ya egbe ladian uhukpa, ẹ i ghi re ne ọ do guan ye ẹmwẹ orukhọ, sokpan ne Ọ do miẹn iran fan ighẹ avbe emwa ni mudia khẹ ọre.

I Jọn 1:1

Ẹmwẹ arrọọ ne ọ wa rrọọ ke omuhẹn gha dee, ọre ima gbẹn ebe ẹre gie uwa na. Ma họẹn nẹ, ma ye aro ima miẹn ọẹn, vbe ẹmwata, te ima miẹn ọẹn, ma na vbe ye obọ kan rẹn.

Ebe ne Jud gbẹẹn 1:17

Sokpan, wa ne ọse mwẹ, wa ghi ye rre o. Wa ye avbe emwi ne avbe ukọ Nọyaẹnmwa Jesu Kristi tama uwa ẹghẹ ne ọ gberra.

Arhie Maan 7:10

Iran keghi ya urhu ne ọ la kha wẹẹ, “Obọ Osanobua mwa ne ọ tota vbe ẹkete kevbe Oteghe Ohuan nii, ọre imiẹnfan mwa ke rre!”