Hibru 2:16 - Edo Bible (E Baibol Ẹdo) Version 1996

¹⁶ Rhunmwuda aro dae ighẹ, ẹ i re avbe odibo Osa ọre ọ ru iyobọ na. Sokpan, zẹ vbene Ebe khare, “Ivbi uniẹn Ebraham ọre ọ ru iyobọ na.”

Hibru 2:16 ပူးပေါင်းရင်းမြစ်များ

Gẹnẹsis 22:18

Iyaẹvbo agbọn hia ghi wẹẹ ne I fiangbe iran zẹ vbene I fiangbuẹ uniẹn ruẹn, rhunmwuda ne u na họn ẹmwẹ ne I tama ruẹn na.”

Ebe ne Pọl gbẹẹn gie emwa Rom 2:25

U gha ru vbene nene Uhi khare, ọre arhuẹ ruẹ na mwẹ esa. Sokpan adeghẹ u i ru vbene nene Uhi kha re, esa ne ọ ma rhuẹ ọre u ye.

Galatia 3:16

Banbanna nian, Ebraham kevbe ovbi ẹre, ọre Osanobua ve ẹre emwi na, ọ ma kha wẹ, “Kevbe ivbi ẹre” ọnii nọ wẹ emwa ni bun. Emwi ne ọ kha re ọrọre, “Kevbe ne ovbuẹ” ọnii nọ wẹ, ne orhiọnkpa kẹkan ne ọ re Kristi.

Galatia 3:29

Deghẹ wa re ọghe Kristi, ẹkpo nii, wa ghi vbe gha re ivbi Ebraham, emwi ne Osanobua ve gha vbe sẹ uwa obọ.

Hibru 12:10

Ovbi ẹghẹ kherhe ọre erha ima vbe ọghe agbọn na, ya gbe ima hin ọkhọ rre zẹ vbene ọ vbe kei yi vbe aro iran. Sokpan te Osanobua ru ẹe, ne umamwẹ mwa, ne ima miẹn ehe na gu ẹe ghae vbe uhuanmwẹ ọnrẹn.

Hibru 2:15

Ọ keghi la odẹ vbenian fannọ iran ye otọ ighẹ avbe emwa ni te rhunmwuda ohan uwu gha re eviẹn vbe ẹdẹ agbọn iran hia.

Hibru 2:17

Ọnii rhie maa wẹ, te irẹn gha do ya egbe khian vbene avbe etiọnrẹn ye vbe odẹ hia, ne ọ miẹn ehe na gha re Ogie Ohẹn iran ne ekhọe esi ni mwẹ itohan vbe uwu ugamwẹ ne ọ ga Osanobua, ne a miẹn ehe na ye orukhọ avbe emwa ni bọ iran.

Hibru 6:16

Ọmwa gha yan, ọ ghi ya eni ọmwa ne ọ kpọlọ sẹ irẹn yan. Eyan ọre ọ ta ọfo ye imuaẹmwẹ hia, ne emwa gu egbe muan.

I Pita 1:20

Osanobua zọ ẹe ye otọ nẹ a te do yi agbọn, rhunmwuda uwa, ọre ọ na do rhie ẹre ladian ne a miẹn vbe ẹdẹ okiekie na.