Hibru 2:13 - Edo Bible (E Baibol Ẹdo) Version 1996

¹³ Ọ keghi vbe ta ẹe wẹ, “I gha mu ẹtin mwẹ yan Osanobua” ọ keghi ye vbe ta ẹe wẹẹ, “Ghe mwẹ ghe emọ ne Osanobua hẹ mẹ.”

Hibru 2:13 ပူးပေါင်းရင်းမြစ်များ

Gẹnẹsis 33:5

Isọ ghi ghe lẹga vbe ọ ghi miẹn avbe ikhuo kevbe emọ nii, ọ keghi nọ wẹẹ, “Gha ena khin ne u hẹ khian na?” Jekọb wanniẹn wẹẹ, “Emọ ne ọ yẹ Osanobua ne ọ ya ru mwẹ ẹse nọ, enọwanrẹn.”

Gẹnẹsis 48:9

E Josẹf wanniẹn wẹẹ, “Ivbi mwẹ nikpia ne Osanobua viọ mẹ vbe Igipt mwana ọre nọ.” E Jekọb keghi kha wẹẹ, “Lahọ viọ iran gunmwẹ ne I miẹn ehe na fiangbe iran.”

II Samuẹl 22:3

Osanobua mwẹ ọrọre ugue mwẹ, I gha rre ehe ne ọ ye, ẹbe fo. Ọ degue mwẹ zẹ vbe asa. Ọ gbinna mẹ rhie mwẹ mwẹ, vbe a i mwẹ ẹbe. Rẹn ọrọre Ọmiọnmwafan mwẹ; ọ degue mwẹ, ọ fan mwẹ hin epiankhanrhan rre.

Psalm 127:3

E Nọyaẹnmwa ọ re ọ ye emọ ru ọmwa ẹse afiangbe ne ọ sẹre ọ re iran khin.

Psalm 16:1

Rhie mwẹ lẹre Osanobua, rhunmwuda, wẹ ọ re I lẹgbinna.

Psalm 18:2

Nọyaẹnmwa ọrọre ne ọ degue mwẹ, rẹn ọrọre owa ọkhẹ mwẹ ne ọ wegbe. Osanobua mwẹ ọrọre ne ọ rhie mwẹ lẹre I gha rre ehe ne ọ ye, ẹbe ighi rrọ mẹ. Ọ degue mwẹ zẹ vbe asa. Ọ gbinna mẹ, ọ keghi wan ẹbe yo mẹ.

Psalm 91:2

gha sẹtin tama rẹn wẹẹ, “Wẹ ọrọre ne ọ gbinna mẹ kevbe ugue mwẹ wẹ ọrọre Osanobua mwẹ ọmwa ne I mu ẹtin mwẹ yan.”

Aizaia 12:2

Osanobua ọrọre ọmiọnmwafan mwẹ I gha mu ẹtin yan rẹn, I i ghi vbe fian afianma. E Nọyaẹnmwa rhie ẹtin kevbe iwegbe mẹ rẹn ọrọre ọmiọnmwafan mwẹ.

Aizaia 53:10

E Nọyaẹnmwa khare wẹẹ, “Iho mwẹ nọ wẹ ne ọ rrioya. Uwu ne ọ wu, ese ne a zọ ya dẹ ayabọ ọ re nọ. Rhunmwuda ọnii, ọ gha miẹn ivbi uniẹn ọnrẹn ọ gha tọ ẹsẹsẹmwẹse obọ, ẹre ọ re emwamwa mwẹ ra na dunna.

Matiu 27:43

Ọ mu ẹtin yan Osanobua, ọ wẹ Ovbi Osanobua irẹn khin. Wa gia dia gha ghe deghẹ Osanobua gha do miẹn rẹn fan nian.”

Iyẹn ne ọ Maan Ọghe Jọn 10:29

Erha mwẹ ne ọ viọ iran mẹ sẹ iran hia, ọmwa ne ọ gha sẹtin sanmwẹ iran hin ehe ne Erha mwẹ ne ọ gbe aro ghe iran ye rre, ẹ i rrọọ.

I Kọrinti 4:15

Rhunmwuda, ogha khọn uwa ne uwa gha mwẹ emamwaemwi arriaisẹn igbe vbe ẹdẹ agbọn uwa vbe uwu Kristi, erha ọkpa kẹkan ọre uwa mwẹ. Rhunmwuda, zẹ vbe ẹdẹ agbọn uwa vbe uwu Kristi, mẹ ọrọre erha uwa rhunmwuda ighẹ mẹ ọre ọ rhie nene Iyẹn Ne ọ maa bu uwa gha dee.