Hibru 2:1 - Edo Bible (E Baibol Ẹdo) Version 1996

¹ Ọnii ọ si ẹe ne ima gha na kakabọ ye obọ da ẹe yi sẹ ayọ, ighẹ ẹmwata ne ima họn nẹ ne a ghẹ ya ya ima de odẹ.

Hibru 2:1 ပူးပေါင်းရင်းမြစ်များ

I Krọnikol 22:13

A dẹghe u ya uhi hia ne Nọyaẹnmwa viọ ne Mosis ne ọ viọ ne ivbi Izrẹl gha ru emwi, u gha ru ne a gban. Mu egbe ne u gie ekhọe ruẹ sotọ, ghẹ vbe gie emwi rhọkpa ye afianma fian an.

Psalm 119:9

Vbe igbama gha ya sẹtin ya uyimwẹ ọnrẹn khian nọgbae hẹ? Vbekpa ne ọ na ya uhi ruẹ ru emwi.

Itan 3:21

Ovbi mwẹ, da ẹwaẹn ruẹn yi, deba a ghe umian emwi. Ghẹ gie iran wi ruẹ.

Habakọk 1:6

I ra dọlegbe viọ ivbi e Babilọn ye ukpo ẹtin, iran ne isanmwisan kevbe ekpakpasusu nii. Iran wa ladian, ne iran gbe agbọn na dunmwu, ne iran ya gha khọn ẹvbo ọvbehe khian.

Habakọk 2:16

Erriọ ọ re a gha vbe ya ekhue yọ uwẹ ẹwu ye ihe uyi ne a gha te rhie ne uẹn, wẹ tobọ ruẹ gha da ayọn, u ghi gha ya owẹ fi otọe dọn khian. E Nọyaẹnmwa gha mu ukpu irri oya ọwuẹ ne uẹn wọn, a gha fi uyi ruẹ werriẹ ghe efaa.

Matiu 16:9

Wa ma he rẹn otọe ẹre ra? Wa ma ghi ye ẹdẹ ne I ghae ebrẹd isẹn ne arhunmwu arriaisẹn vbe ihe isẹn, inu okhuae ne uwa rhọ si koko?

Iyẹn ne ọ Maan Ọghe Mak 8:18

Wa mwẹ aro, wa i ya ẹe dẹghe ra? Wa mwẹ ehọ, wa i ya ẹe họn ẹmwẹ ra? Wa ma ghi ye rre?

Iyẹn ne ọ Maan Ọghe Luk 8:15

Emwiokọ ni dele ye otọ ne ọ maa mudia ye iran ni họn ẹmwẹ ni, iran keghi ye ekhọe esi nọ họn ẹmwẹ dae yi, iran na gha ya ẹe khian rhinrin ọ te do mọ.

Iyẹn ne ọ Maan Ọghe Luk 9:44

Ehe ne emwa hia na yan unuan ye emwi ne Jesu ru na, ọ khama avbe erhuanegbe ẹre wẹẹ, “Wa ghẹ mianmian ẹmwẹ ne I ra tama uwa na. A ra gba Ovbi Ọmwa rhie fi emwa ne agbọn obọ!”

Iyẹn ne ọ Maan Ọghe Jọn 8:59

Iran keghi mu nọ okuta ne iran filo gbe ẹe, sokpan Jesu rhie egbe lẹre, ọ keghi kpao vbe Ọgua Osa rre.

Diuteronomi 4:23

Wa ghi da ẹe yi ighẹ uhi ẹre, wa ghẹ ma amazẹ rhọkpa ne egbe uwa.

Diuteronomi 4:9

Wa khẹ yegbe! Wa gie a miẹn wẹ wa ma mianmian emwi ne aro uwa sẹe wa te ya wu. Wa kpa itan rẹn ma ivbi uwa kevbe ivbi ivbi uwa.

Hibru 12:5

Te uwa ghi mianmian ra ighẹ ẹmwẹ igiẹdu ne Osanobua tama uwa zẹ vbe ivbi ẹre? “Ovbi mwẹ, rhie aro ye otọ vbe Nọyaẹnmwa a gha gbe uẹ hin ọkhọ rre, deghẹ ọ vbe gu ẹ gui ghẹ gie egbe wọ ruẹ.

II Pita 1:15

I gha lo ẹtin mwẹ hia khekherriọ, ne I ya zẹ urodẹ vbene uwa gha ya ye avbe ẹmwẹ na rre hẹ ẹghẹ hia vbe i a wu nẹ, ye uwa otọ.

II Pita 3:1

Wa ne avbe ọse mwẹ ni ghaan, ebe ne ọ huẹre ne ogieva ne I he gbẹn gie uwa ọre ọ na khin. Vbe ebe eva na, I keghi hia ne i gua uwa ekhọe kpao vbe ọghe iro ne ọ huanrẹn ne a roro, vbe ekpa ne a na ye uwa avbe emwi na rre.