Hibru 13:7 - Edo Bible (E Baibol Ẹdo) Version 1996

⁷ Wa ye avbe ọkaolotu uwa ni karo rre, iran ni kpe orhu Osanobua ma uwa. Wa roro ẹe, vbe ne iran ya yin hẹ, kevbe vbene iran ya wulo hẹ, ne uwa gha ye egbe ta iran vbe ẹmwẹ iyayi.

Hibru 13:7 ပူးပေါင်းရင်းမြစ်များ

Ihuan Ne Ọ Sọọ Ihuan Hia 1:8

Wẹ ma rẹn ehe ne ọ khin ra okhuo ne ọ mose sẹ ikhuo hia? Gha khian ya lele avbe ohuan nii gualọ ehe ne avbe ẹwe ruẹ, gha na rria vbe ọkpẹn owa ukpọn avbe ọsuohuan.

Matiu 24:45

“Gha ọre ọguọmwadia esi kevbe ne ọ wan nii, ọnii ọrọre ne arowa ẹre ya ru ne ọ gbe aro ghe eguọmwadia ne ihua ẹre ne ọ gha rhie evbare ne iran vbe ẹghẹ ne ọkere.

Iyẹn ne ọ Maan Ọghe Luk 12:42

Nọyaẹnmwa wanniẹn wẹ, “Gha ọre ọguọmwadia ne ekhọe esi kevbe ne ọ waan? Rẹn ọrọre ọmwa ni ne arowa ẹre mu owa nẹẹn gha su, ne ovbe gha ghae evbare ne eguọmwadia ne kpa vbe ẹghẹ a sẹ.

Iyẹn ne ọ Maan Ọghe Luk 5:1

Ẹghẹ ọkpa vbe Jesu mudia vbe ọkpẹn odighi e Gẹnẹsarẹt, emwa hia kegha sua egbe yo sua egbe rre ne iran miẹn ehe na sikẹ ọre họn ẹmwẹ Osanobua.

Iyẹn ne ọ Maan Ọghe Luk 8:11

“Emwi ne a ye itan ni kha ọ na khin. Emwiokọ ọrọre ẹmwẹ Osanobua,

Iwinna 13:46

Sokpan Pọl kevbe Banabas keghi dọlegbe ya udinmwẹ tua unu muẹn wẹẹ, “Emwi ne ọ kere ẹsẹse te nọ wẹ, wa ọre a gha ka ta ẹmwẹ Osanobua ma, sokpan vbe ne uwa ma ghi na rhan obọ miẹn rẹn nian, wa na wẹ, wa ma ka egbe uwa ye emwa ni ke ye ẹfe ne ẹ i fo, ma gha sẹ uwa rae ne ima bu iran ne ẹ i re Ju.

Iwinna 14:23

Iran keghi mannọ ọdiọn lele dọmwadẹ esọsi ne iran. Iran keghi ye aguẹ kevbe erhunmwu rhie iran yan Nọyaẹnmwa ne iran mu ẹtin yan obọ.

Iwinna 4:31

Ugbẹn vbe iran ghi na erhunmwu nẹ, otọe keghi mu rueghe vbe ehe ne iran ye, iran hia keghi vuọn ne Orhiọn Ne Ọ Huanrẹn, iran keghi ya gha kpe orhu ẹmwẹ Osanobua vbe ne a i na fian afianma.

Ebe ne Pọl gbẹẹn gie emwa Rom 10:17

Ọnii nọ wẹ a gha họn ẹmwẹ nii ọre a na yae yi, ekpa a kpe orhu Kristi ọre nene ẹmwẹ la rre.

I Kọrinti 10:13

Edanmwẹ ne uwa he miẹn hia, egbe ne emwa ọvbehe hia vbe miẹn nọ. Rhunmwuda, Osanobua gha yan an, te ọ muẹn sẹ, ẹ i ra kue ne a danmwẹ uwa ghe gberra vbene ẹtin uwa sẹe, sokpan ẹghẹ ne a na danmwẹ uwa ghe nii, ọ gha rhie ẹtin ne uwa ya ya egbe miẹn ẹnrẹn, ne uwa miẹn ehe na sẹtin do ọe fe.

I Kọrinti 11:1

Rhunmwuda ọnii, wa gha ru emwi khọ mwẹ zẹ vbene imẹ ru emwi khọ Kristi.

I Kọrinti 4:16

Rhunmwuda ọnii, wa lahọ, wa gha ghe mwẹ ru emwi.

Filipai 3:17

Etẹn mwẹ, wa hia gha ghe mwẹ ru emwi. Ma rhie igiemwi esi ye otọ ne uwa nẹ, rhunmwuda ọnii, wa gha ye iran ni lele ẹe ẹro.

I Tẹsalonaika 1:6

Wa keghi gha ghe ima kevbe Nọyaẹnmwa ru emwi, egbe ne a rhe ya miẹn ighẹ wa rri oya sẹ vberriọ, wa keghi ya oghọghọ ne ọ ke obọ Orhiọn Ne Ọ Huanrẹn rre miẹn rẹn.

I Tẹsalonaika 2:13

Ọna ọre emwi ne ọ vbe si ẹe ne ima na rhie ekpọnmwẹ ne Osanobua vbe ẹghẹ hia. Ugbẹn vbe ima do kpe orhu ẹmwẹ Osanobua mwa uwa, wa họn ẹn, wa keghi vbe miẹn ẹnrẹn ye ehọ, ẹ i re zẹ vbe ẹmwẹ emwa ne agbọn kẹkan, sokpan zẹ vbe ẹmwẹ Osanobua ne ọ gele khin. Rhunmwuda Osanobua rre uwu ẹbu uwa ni yayi winna.

II Tẹsalonaika 3:7

Wa tobọ uwa rẹnrẹn wẹ, vbene ima gha ru zẹ, ọre ọ kere ne uwa vbe gha ru. Ma ma mitan vbe ẹghẹ ne ima na gha rre ehe ne uwa ye.

II Tẹsalonaika 3:9

Ma ru vberriọ, ẹ i re rhunmwuda ighẹ ọ ma khẹ ke mwa ne ima ya gha miẹn eghọ vbe obọ uwa, te ima ru ẹe, ne ima miẹn ehe na gha re igiemwi ne uwa gha lele.

I Timoti 3:5

Rhunmwuda, a deghẹ ọmwa ma sẹtin gbe aro ghe owa ẹre, vbe ọ ra na sẹtin gbe aro ghe esọsi Osanobua hẹẹ?

Hibru 13:17

Wa gha họn ẹmwẹ ne avbe ọkaolotu uwa, wa gha ru vbene iran kha re. Iran ọre ọ gbe aro ghe orhiọn uwa vbe ne a i na hẹwẹ, rhunmwuda ighẹ iran na iyẹn iwinna iran ma Osanobua. Wa ghẹ ghi gha họn ẹmwẹ ne iran nẹ, iran ghi gha ya ọyẹnmwẹ winna iwinna iran, a deghẹ ẹ i ghi ye rriọ, iran ghi gha ye ẹkorriaramwẹ winnaẹn, iyobọ ọkpa i rrọọ ne ọnii gha ru ne uwa.

Hibru 13:24

Wa gie otuẹ avbe ọkaolotu uwa kevbe emwa Osanobua hia. Etẹn mwa ni ke Itali rre we uwa do.

Hibru 6:12

Ma i ho ne uwa gha si oroho, sokpan ne uwa gha ye vbe emwa ni yayi ni vbe mwẹ iziengbe, ne emwi ne Osanobua ve sẹtin sẹ uwa obọ.

I Pita 4:11

Ne ọ kpe orhu, we ne ọ gha kpe orhu ẹmwẹ Osanobua, ne ọ ga emwa ọvbehe, we ne ọ gha ya ẹtin ne Osanobua rhie nẹẹn hia ga, ne a miẹn ehe na miẹn wẹ, vbe uwu emwi hia, te a ghi la ekpa Jesu Kristi rhie urhomwẹ ne Osanobua, ọmwa ne ọ yan ẹtin kevbe uyi ẹdẹ kevbe ẹdẹdẹmwẹdẹ. Isẹ.

Arhie Maan 1:9

Mẹ ọrọre Jọn ne ọtẹn uwa ne okpia, ọmwa ne ọ kugbe ba Kristi, ọ na vbe gu uwa gha ghae vbe uwu oya uwa kevbe Arriọba ẹre, kevbe uwu iziengbe. Iran keghi ya mu mwẹ fi otọe ne amẹ lẹga ne a tie ẹre Patmọs, rhunmwuda ighẹ I ta ẹmwẹ Osanobua kevbe ẹmwata ne Jesu rhie ladian ne a miẹn.

Arhie Maan 20:4

Vbe iyeke ọnii, I keghi do bẹghe avbe ẹkete kevbe iran ni tota yọ, a keghi rhie ẹtin ne iran, ne iran ya gha bu ohiẹn, I keghi vbe bẹghe orhiọn avbe emwa ne a gbele ba ẹmwẹ wẹ, iran kpe orhu ẹmwata ne Jesu rhie rre kevbe ẹmwẹ Osanobua. Iran ma ya uhunmwu rhanmwẹ otọ ne aranmwẹ oha nii, ra amazẹ ọre, ra a ma wẹ ne a vin ama aranmwẹ oha nii ye iran uharo ra obọ. Iran keghi gu Kristi gha rrọọ, iran keghi vbe gu ẹe khaemwisẹ zẹ vbe ọba la ukpo arriaisẹn nii.

Arhie Maan 6:9

Iyeke ọnii, Oteghe Ohuan nii keghi rhan emwi ne a gbae nii. I ghi ya ghe ototọ ogiukpo, orhiọn emwa hia ne a he gbele ua rhunmwuda ighẹ iran kpe orhu ẹmwẹ Osanobua, iran keghi vbe gha re emwa ni mu aro ye ẹmwẹ osẹ ne iran sẹ.