Hibru 13:5 - Edo Bible (E Baibol Ẹdo) Version 1996

⁵ Fannọ obọ igho ne a ho ẹmwẹ ọnrẹn hin ẹdẹ agbọn ruẹn egbe rre. Vbe gie emwi ne u mwẹ gha suẹ ọkẹn, rhunmwuda Osanobua kha nẹ wẹẹ, “Mẹ i ra sẹ uẹ rae ẹdẹ, mẹ i re he uwẹ ye otọ ẹdẹ.”

Hibru 13:5 ပူးပေါင်းရင်းမြစ်များ

Gẹnẹsis 28:15

Yẹrẹro, I gha rrọọ yaba ruẹ, I ghi gha degue ruẹ vbe ehe ne u rhirhi a gha rrie, I ghi vbe dọlegbe rhie ruẹ gha die otọ na. Mẹ ira suẹ rae I te do ru avbe emwi ne I tama ruẹn na.”

Gẹnẹsis 30:31

E Leban nọ rẹn wẹẹ, “Vbia gha ha ruẹ re?” E Jekọb wanniẹn wẹẹ, “I i gualọ igho rhọkpa. I gha ye gha su ohuan ruẹn a deghẹ u ru vbene I kha re.

Gẹnẹsis 31:5

Ọ keghi tama iran wẹẹ, “I do miẹn wẹẹ ẹ i re aro ne erha uwa te ka ya ghe mwẹ de usin, ọ re ọ ghi ya ghe mwẹ na. Sokpan Osanobua avbe erhamwẹ ọre ọ mudia mẹ.

I Ọba 6:13

I ghi gu ivbi Izrẹl ne emwa mwẹ gha rrọọ vbe uwu Ọgua Osa na ne u bọ khian na, mẹ I ra vbe he iran ye otọ ẹdẹ.”

I Ọba 8:57

Te Nọyaẹnmwa ne Osanobua mwa gha gu ima gha rrọọ, zẹ vbene ọ gu avbe erha mwa odede gha rrọọ. Te ọ gha tohan ivbi Izrẹl kevbe ọba iran ẹghẹ hia, ẹ i gha sẹ mwa rae ra ne ọ fi iyeke gbe mwa.

I Krọnikol 28:20

E Devid ne ọba keghi tama e Solomọn ne ovbi ẹre wẹẹ, “Gie ekhọe ruẹ sẹ otọ ne u vbe mu aro yọ, suẹn iwinna nii, ghẹ vbe gie emwikemwi da a obọ yi. E Nọyaẹnmwa ne Osanobua ne imẹ ga, gha yaba ruẹ. Ẹ i ra fi iyeke gbe uẹ, ọ gha mudia kuẹ u te do winna iwinna ne a gha winna na vbe Ọgua Osa.

Psalm 10:3

Ọmwa dan ya emwi dan ne ọ khọnrẹn ghagha. Ọmwa uzuanmwẹ kpa unu ghe Osanobua, ọ keghi vbe he ẹe ye otọ.

Psalm 119:36

Gie ekhọe mwẹ gha ho ne ọ mu uhi ruẹn sẹ, sẹẹ ne I do gha re ne ọ fee.

Psalm 37:25

Ọmaẹn ọ re I ghi khin na, I kpe agbọn nẹ, sokpan I ma he miẹn wẹ, e Nọyaẹnmwa fi iyeke gbe ọmwa esi ẹdẹ ra ne ivbi ẹre gha vbu evbare re.

Psalm 37:28

Rhunmwuda, e Nọyaẹnmwa ho ẹmwẹ emwi ne ọgbae, ẹi vbe he emwa ni guobọ ẹre yotọ, ọ degue iran rhinrin ẹdẹ. Sokpan, a gha khulo ivbi uniẹn emwa dan ladian.

Ẹksọdọs 2:21

E Mosis na ghi wa tota vba, ọre Jẹtro na rhie ovbi ẹre ne a tie ẹre Zipora nẹẹn ne ọ rhie rọnmwẹ.

Ẹksọdọs 20:17

“Ghẹ yaro ye owa ẹrrẹe, ghẹ yaro ye amwẹ ẹrrẹe ra eviẹn ọnrẹn ra ẹmila re ra ekẹtẹkẹtẹ ọre ra emwikemwi nii re ọghọe.”

Itan 23:4

Gie ẹwaẹn gba nuẹn sẹrriọ ne u i ra na wiẹn egbe ruẹ ua ighẹ te u gualọ ẹfe.

Aizaia 41:10

Wa ghẹ fian afianma, I gu uwa rrọọ. Mẹ ọrọre Osanobua uwa, wa ghẹ gie emwikemwi mu uwa ohan. I gha ya uwa wegbe, I gha yi uwa obọ I gha degue uwa, I ghi miẹn uwa fan.

Aizaia 41:17

“Ẹghẹ ne avbe emwa mwẹ gha na gualọ amẹ ne iran i mwẹ, ẹghẹ ne ovbamẹ gha na kaka iran ẹho ua, ẹghẹ nii, mẹ ne Nọyaẹnmwa gha họn erhunmwu iran. Mẹ ne Osanobua Izrẹl i ra he iran yotọ.

Aizaia 42:16

“I gha viọ avbe emwa mwẹ ni rhu aro la odẹ ne iran ma he la ẹdẹ. I ghi ya ebiebi iran khian uwanmwẹ I ghi ya ẹvbo ne kpannọkpannọ khian ne kpẹghẹ ne iran. E yan ne I yanrẹn ọ re ena khin. Emwi okpa ne ọ gha wẹ ne I ghẹ mu ẹẹn sẹ i rrọ.

Jerimaia 6:13

Emwa hia fẹẹrẹ, ọkpọlọ kevbe ọ kanmwa, wa la odẹ ne ọ ma khuia gualọ igho. Uhin ighẹ te avbe akhasẹ kevbe avbe ohẹn ghi mu emwa ni ru.

Ezikiẹl 33:31

Rhunmwuda ọnii, emwa ghi vẹ rre do danmwehọ uhunmwu ne u gie rre; sokpan, iran i ru emwi ne u tama iran ne iran ru. Iran ka ẹmwẹ ruẹn ye akiyẹyẹ, iran ghi gha yin uyinmwẹ orriarria iran khian.

Matiu 6:19

“Wa ghẹ si ẹfe koko ye agbọn na ne egbe ruẹ, ehe ne ọkhọe kevbe ọtọn na sẹtin rhia rua, ehe ne avbe oyi na gbe urho ya gha rhaa.

Matiu 6:25

“Ọ na ọ zẹẹ ne I na khama uwa wẹẹ, ne uwa ghẹ hagha ba ẹmwẹ emwi ne uwa gha re ra ne uwa gha da ya da orhiọn yi, ra ba ẹmwẹ ukpọn ẹkun. Tama mwẹ, orhiọn ma sẹ evbare? Egbe ma sẹ ukpọn?

Matiu 6:34

Rhunmwuda ọnii, wa ghẹ mu udu kee ba ẹmwẹ ẹdẹ na khuẹ. Akhuẹ gha vbe gha mwẹ oyanghan ọghe obọ re. Ọma kei ne a vbe silo ivboo gbe orueghe ne ikpẹdẹ ọkpọkpa hẹ mwẹ obọ rre.

Iyẹn ne ọ Maan Ọghe Mak 7:22

Oghẹ, arovbẹmwẹ, uyinmwẹ ẹrhia hia, erẹrẹ, ohoghe, igbọvo, ọtakhọ, itengbemu kevbe ukọnmwẹ.

Iyẹn ne ọ Maan Ọghe Luk 3:14

Ivbiyokuo eso kevbe nọ rẹn wẹẹ, “Ma vbe vbo? Demwi ne ima gha ru?” Rẹn tama iran wẹẹ, “Ghẹ ye iwo vbe egbe aro ra ẹzọ na mu kun ọmwa miẹn ọmwa rhọkpa emwi, gie igho ne a hae nuẹn su ọ ọkẹn.”

Iyẹn ne ọ Maan Ọghe Luk 8:14

Emwiokọ ni dele ye uwu igban mudia ye ihe iran ni họn ẹn sokpan orueghe, ẹfe kevbe orhiẹnrhiẹn agbọn keghi siẹn yan rẹn, iran keghi yẹn ọnrẹn gbua, ọ ma ghi hin obọ arowa.

Ebe ne Pọl gbẹẹn gie emwa Rom 1:29

Uyinmwẹ dan hia wa gua iran obọ ro, ọkhọ, orriarria, iba, uwu igbọvo iran wa ye, izigha, igbinna, erẹrẹ, kevbe irriakhuẹ.

I Kọrinti 5:11

Emwi ne i kha ọrọre wẹ, wa gha miẹn ọmwa ne ọ tie egbe ẹre ọtẹn, ne ọ yayi, ọ na gha gbe alama, ọ zuan, ọ ga ẹbọ, ọ ta ọtakhọ, ọ da ayọ gbe egbe, ra ọ gbe olighi, wa ghẹ gu ẹe mu obọ, wa ghẹ kue gu ọmwa vberriọ rri evbare.

I Kọrinti 6:10

Iran ni rhaa, iran ni zuan, iran ni da ayọn gbe egbe, iran ni ta ẹrrẹe ọtakhọ, ra iran ni gbe olighi, ne Arriọba Osanobua gha sẹ ọre obọ, ẹ i rrọọ.

II Kọrinti 4:9

Eghian wa bun ẹsẹse, sokpan ma i re ne ẹ i mwẹ ọse, a rhe fian ima ẹwẹn nọ da ugbẹnso, sokpan a ma miẹn ima uhunmwu.

Ẹfisọs 5:3

Vbene a na miẹn wẹ emwa Osanobua wa khin, ẹ i re emwi ne ọ gbae ne a zẹdẹ gha họn ẹmwẹ alama oghẹ, ra ohọhọ ra uzuanmwẹ, vbe ehe ne uwa ye.

Ẹfisọs 5:5

Wa kakabọ rhie ọna ye ekhọe, ọmwaikọmwa ne ọ gbe alama oghẹ ra ne ọ họhọ ra ne ọ zuan (rhunmwuda ozuan, esa ẹbọ ne a ga nọ) ne ọ gha mwẹ oghae vbe Arriọba Kristi kevbe ọghe Osanobua, ẹ i rrọọ.

Diuteronomi 31:6

Wa gha wegbe ne uwa vbe din. Wa ghẹ gie ohan emwa nii mu uwa, Osanobua uwa ighẹ e Nọyaẹnmwa tobọ ẹre gha yaba uwa, ẹ i ra hiẹ uwa ra ne ọ he uwa ye otọ.”

Diuteronomi 31:8

E Nọyaẹnmwa tobọ ẹre gha ke aro ne uwa, ọ gha vbe gha rrọọ yaba uwa, rẹn i ra hiẹ uwa ra ne ọ he uwa ye otọ, rhunmwuda ọnii, wa ghẹ gie ẹtin fo uwa, wa ghẹ gie ohan mu uwa.”

Diuteronomi 4:31

Osanobua ne ọ mwẹ itohan rẹn khin. Rẹn i ra he uwa ye otọ ra ne ọ fuẹn uwa a, rẹn tobọ re i ra vbe mianmian ile ne irẹn gu avbe erha uwa odede ta.

Kọlose 3:5

Rhunmwuda ọnii, wa ghi gbe ẹe ua ighẹ orriarria emwi agbọn na ne ọ rre uwu uwa, avbe oghẹ, ohọhọ, ufifimwẹ, aro ne ọ viẹn ye emwi kevbe arovbẹmwẹ (rhunmwuda, te arovbẹmwẹ vbe ye vbe ẹbọ ne a gho.)

I Timoti 3:3

Ọ ma kei ne ọ gha re ọdayọn ra ne ọ fian ọkpannike, sokpan, ọ ghi gha re ọmẹhẹ kevbe ne ẹ i ho ẹmwẹ, ọ ma ke ne ọ gha ho ẹmwẹ igho.

Jọsua 1:5

Inu ẹghẹ ne u gha ya vbe agbọn ọmwa ọkpa ne ọ gha sẹtin khọn miẹn ruẹn otọ, ẹ i rrọọ. I gha mudia kuẹ zẹ vbene I mudia ke Mosis. I i ra suẹ rae.

Jọsua 7:21

Vbe uwu emwi ne ima khọn mu, I keghi miẹn agbada ẹwu e Babilọn ọkpa ne ọ kakabọ mose ne ọ gha sẹ uwan esiliva isẹn, kevbe ẹgba igoru ọkpa ne ọ gha gberra uwan ọkpa. Iran keghi wa viẹn yọ mwẹ aro, ọ re I na viọ iran, wa gha miẹn iran vbe ehe ne I na tọnnọ iran ye uwu otọ vbe owa ukpọn mwẹ, esiliva ne ọ rrọ ọ re ọ ke otọ.”

II Pita 2:14

Iran i ho ne iran bẹghe emwi ọvbehe gberra ikhuo ni ku ogboi, ẹko i sẹtin vuọn ohanmwẹ orukhọ iran ẹdẹ. Iran ghi gha sua ọmwa ne ọ ma wo vbe egbe fi ifi. Te a wa ma ekhọe iran ẹre ne iran gha zuan. Te Osanobua fi iran unu.

II Pita 2:3

Vbe uwu uzuanmwẹ iran, avbe emamwaemwi ohoghe na ghi gha ya okha ne iran tobọ iran ya rre, miẹn uwa emwi. Ọ kpẹre ne Ne ọ bu ohiẹn iran ghi mu egbe ye otọ. Ne ọ ra fuẹn iran uan i vbe vbiẹ hiehiere.

Ebe ne Jud gbẹẹn 1:11

Umiẹn agbọn ne iran ye. Odẹ ne Ken lae ọre iran vbe la, iran keghi rhunmwuda igho ya egbe iran fi ohan ne abaku ru, zẹ vbene Balam ru. Isọtẹ fuẹn iran uan, zẹ vbe ne Kora sọtẹ.

I Samuẹl 10:7

Emwi na ghẹ ghi sunu, u ghi ru vbe ne Osanobua rhie ye uẹ ekhọe.

I Samuẹl 12:22

Osanobua wa yan nẹ, rẹn i ra fi iyeke gbe uwa, rhunmwuda, te irẹn yan yọ wẹ rẹn gha ya uwa ru emwa irẹn.