Hibru 13:4 - Edo Bible (E Baibol Ẹdo) Version 1996

⁴ Ọ kere ne emwa hia gha ye ọghọ ne orọnmwẹ, ọdọ vbe amwẹ ghi gha re emwa ne ẹ i fi owẹ ye oha, Osanobua gha bu ohiẹn iran ni gbe alama kevbe ni ru oghẹ.

Hibru 13:4 ပူးပေါင်းရင်းမြစ်များ

Gẹnẹsis 2:21

Ẹre Nọyaẹnmwa Osanobua na bọ okpia nii ye ovbe nọkhua. Ugbẹn vbe ọ ghi vbiẹ, rẹn keghi rhie ọkpa vbe ifẹnmwaguẹ okpia nii, ọ keghi vbe mama efun egbe ne ọ rre evba kugbe.

Gẹnẹsis 2:24

Ọna ọre ọ zẹe ne okpia gha na sẹ erha ẹe kevbe iye ẹe rae, ọ ghi rhikhan mu amwẹ ọnrẹn, iran ghi gha re ọkpa.

II Ọba 22:14

Ẹre Hilkaia, Ahikam, Akbọ, Siafan kevbe Asaia na ya gualọ otọ ẹmwẹ na vbe obọ okhuo ọkpa ne a tie ẹre Hulda, akhasẹ nọ, ọ kegha rre vbe a la Jerusalẹm fo. (Ọdafẹn ọnrẹn ighẹ Sialọm ne ovbi e Tikva kevbe eyẹ Hahas, ọ re ọ gha gbearoghe ehe ne a viọ ukpọn ne a ya mu egbe vbe Ọgua Osa yi.) Iran keghi na iyẹn emwi ne ọ sunu ma rẹn.

Job 31:12

Te ọ gha yevbe erhẹn omurhia ẹrinmwi erhẹn, ne ọ wa giẹn emwi hia ni mwẹ uan.

Aizaia 8:3

Ọ ma ghi kpe, ọvbokhan mwẹ keghi do gha hanmwa. A ghi biẹ ovbi ima ne ọmọ okpia nii, e Nọyaẹnmwa keghi tama mwẹ wẹẹ, “He ẹre Ifu emwi ẹgiẹgiẹ, Otueghae okhirhikhirhi!

Levitikọs 15:18

Ọmwa gha gu okhuo ru emwi nẹ, ke irẹn kevbe nene okhuo ghi ya khuẹ, iran ghi gha re ne awua gue yasẹ ota.

Levitikọs 18:20

Ghẹ gu amwẹ ẹrrẹe ru emwi, rhunmwuda ọ ni gha si awua yuẹ egbe.

Malakai 3:5

E Nọyaẹnmwa ne Oghodua khare wẹẹ, “I gha ladian vbe uwu ẹbu uwa ne I do bu ohiẹn. I gha wa sẹ osẹe gbe iran ni ru e emaziki awan, iran ni ghẹ, iran ni sẹ osẹe ohoghe, iran ni gbe igho emwa ne iran ya winna rhu, iran ni mu avbe ẹgbẹe ru kevbe emọ ne ẹ i mwẹ erha, kevbe avbe erhunmwuyẹn, kevbe iran hia ne ẹ i da mẹ.”

I Kọrinti 5:13

Osanobua ọre ọ ra bu ohiẹn iran sokpan wẹ ma rẹn ighẹ ọ kere ne uwa gha hu ohiẹn emwa ne uwa gba rre otu? Zẹ vbene ebe kha re, “Wa yuo ọmwa dan ni hin uwu ẹbu uwa rre.”

I Kọrinti 6:18

Wa gha lẹ ne oghẹ, orukhọ ke orukhọ ọvbehe ne ọmwa a rhirhi ru, ẹ i mwẹ emwi ne ọ ru ikinnegbe re, sokpan ọmwa ne ọ ru oghẹ, ikinnegbe ẹre ọre ọ ru khọ.

I Kọrinti 6:9

Sokpan, wa rẹnrẹn ighẹ Arriọba Osanobua i ra sẹ emwa dan obọ. Wa ghẹ rẹrẹ egbe uwa: Avbe ni gbe alama, iran ni ga ẹbọ, iran ni ghẹẹ, ikpia ni tie ikpia ne ihua iran ovbe.

I Kọrinti 7:38

Ọmwa ne ọ rhie okhuo ọghọe rọnmwẹ yin ẹse, sokpan ne ọ ma rhie okhuo rọnmwẹ ọre ọ yevbe yin ẹse sẹ.

I Kọrinti 9:5

Ẹ i re ukpo mwẹ nọ ra ne imẹ vbe gha ru vbene avbe ukọ nekpa ru, kevbe avbe etẹn Nọyaẹnmwa kevbe Pita, ne I gha rhie ọvbokhan mwẹ ne ọ re ọmwa ne ọ yayi lele egbe khian vbe i a ladian?

II Kọrinti 5:10

Rhunmwuda, ẹ i mwẹ ma hia ma mudia ye odaro Kristi, ne ọ miẹn ehe na bu ohiẹn mwa. ne dọmwadẹ ọghọe miẹn ehe na miẹn emwi ne ọ khẹ kẹe rhie, zẹ vbene ọ ye obọ ru vbe ọ rre agbọn, deghẹ ne ọ maa nọ ra ne ẹ i maa.

Galatia 5:19

Ọwarọkpa ọre a ya rẹn emwi ne egbe ru, ehe ne a na miẹn ọẹn ọrọre uyinmwẹ alama oghẹ, iruẹn kevbe osọnnọ,

Galatia 5:21

Iran ghi gha gbe ọvo egbe, iran ghi gha da ayọn gbe egbe, iran ghi gha gbe izabọbọ ẹwia kevbe avbe emwi ni khọ vberriọ. I vbe gie uwa rẹn nian, zẹ vbene I ka vbe ta ẹe yi wẹ, iran ni ru avbe emwi na, iran i sẹtin rhan obọ miẹn Arriọba Osanobua.

Ẹfisọs 5:5

Wa kakabọ rhie ọna ye ekhọe, ọmwaikọmwa ne ọ gbe alama oghẹ ra ne ọ họhọ ra ne ọ zuan (rhunmwuda ozuan, esa ẹbọ ne a ga nọ) ne ọ gha mwẹ oghae vbe Arriọba Kristi kevbe ọghe Osanobua, ẹ i rrọọ.

Diuteronomi 22:22

“A gha mu okpia vbe ọ gu okuo ne ọ rre owa ọdọ ru emwi, a ghi gbele iran eveva ua. Odẹ vbe nian, wa gha ya gbe ukhu emwi dan na an.

I Tẹsalonaika 4:6

Vbe uwu emwi na, ọ ma kei ne ọmwaikọmwa gha ho ọtẹn ọnrẹn ẹmwẹ, ra ne ọ gha gbe ẹe miẹn ẹre emwi ẹnrẹn. Ma ka ta ẹmwẹ na ma uwa yi, ma na kakabọ ta ẹe ma uwa nian, Nọyaẹnmwa gha rri iran ni ru emwi vberriọ oya.

I Timoti 3:12

Ọmwa ne ọ ru iyobọ vbe uwu esọsi, okhuo ọkpa ọre ọ kere ne ọ gha mwẹ, ọ ghi gha gbe aro ghe egbe kevbe ivbi ẹre ẹse.

I Timoti 3:2

Ọ kere ne Ọkaolotu esọsi gha re ọmwa ne ẹ i mwẹ abaku ru, ọ ghi gha mwẹ okhuo ọkpa kẹkan, ọ ghi gha re ọmwa ne aro hianrẹn, kevbe ne ọ rẹn enegbe, kevbe ne ọ ru emwi uhẹn uhẹn, ọ ghi gha miẹn avbe erhunmwuyẹn yi vbe owa ẹre, ọ ghi sẹtin gha ma emwa emwi.

I Timoti 3:4

Ọ ghi sẹtin gha gbe aro ghe owa ẹre ẹse, ọ ghi ye avbe ivbi ẹre gha ya ọghọ họn ẹmwẹ nẹẹn.

I Timoti 4:3

Emwa na ọre ọ ta ẹe khian wẹ, ọ ma kei ne a gha rhie okhuo, ọ ma kei ne a gha rri evbare eso. Sokpan te Osanobua yi avbe evbare na ne avbe emwa ni yayi, ni vbe rẹn ẹmwata nẹ, ne iran gha rri ọẹ vbe iran a ghi na erhunmwu ekpọnmwẹ yọ nẹ.

I Timoti 5:14

Rhunmwuda ọnii, emwi ne I ho ọrọre wẹ ne avbe ẹgbẹ ni re ibiẹka gha rọnmwẹ ọdọ, ne iran biẹlẹ, ne iran gbe aro ghe owa iran, ne a ghẹ rhie otọ ne iran ne eghian mwa ya gha zan mwa.

Taitọs 1:6

ọ kere ne ọmwa ne ọre ọdiọn gha re ne ẹ i mwẹ abaku ru, okhuo ọkpa ọre ọ kere ne ọ gha mwẹ, ivbiẹre ghi vbe gha re emwa ni yayi, ẹ i re ne a ta ẹmwẹ ọnrẹn khian wẹ iran wa kan ye ẹvbo ra ne ẹ i họn ẹmwẹ.

Hibru 12:16

Wa mwẹ ẹwaẹn, ne ọmwaikọmwa ghẹ ya khian ne ọ gbe alama ra ne ẹ i zẹ ye ẹmwẹ orhiọn, zẹ vbe ne Isọ gha ye, ne ọ na rhunmwuda ekan unu ọkpa mu ukpo ọmọ ọdiọn ne ọ ye khiẹn.

Arhie Maan 22:15

Sokpan, iyeke ẹvbo nii, ọrọre ọghe avbe ni rhiaraa, iran ni ru ebo edunna, iran ni gbe alama oghẹ, avbe izigha, iran ni ga ẹbọ, iran ni ta ohoghe, vbe ẹmwẹ ne a guan kevbe emwi ne a ru.