Hibru 13:3 - Edo Bible (E Baibol Ẹdo) Version 1996

³ Wa gha ye iran ni rre uwu eghan rre vbene a miẹn wẹ, te uwa gu iran rre evba. Wa gha ye iran ni rri oya rre, vbene a miẹn wẹ wa vbe iran ọre ọ gba rrie nene oya.

Hibru 13:3 ပူးပေါင်းရင်းမြစ်များ

Gẹnẹsis 40:23

Sokpan nọ siẹnro ayọn ma ghi mu ẹmwẹ Josẹf roro, ọ keghi mianmianẹn.

Matiu 25:36

I rre irhunmwirhun, wa keghi rhie ukpọn rhuan mwẹ, I khuọnmwi, wa keghi gbe aro ghe mwẹ, I rre uwu eghan, wa keghi do tuẹ mwẹ.’

Matiu 25:43

I re orhunmwuyẹn, wa ma rhie mwẹ la owa rua, I rre irhunmwirhun, wa ma rhie ukpọn rhuan mwẹ, I khuọnmwi, I rre uwu eghan, wa ma do miẹn mwẹ.’

Iwinna 24:23

Ọ na tama ọmwa ne ọ rre asẹ ne a rhie Pọl nẹ dayi wẹ, ne iran ye gha rhie aro lele ẹe, sokpan ne avbe gi ẹe gha fanmwegbua ugbẹnso, kevbe ne a giẹ avbe esiọre gha viọ emwi ne ọ ho giẹe.

Iwinna 27:3

Ẹdẹ ne ọ lele ẹe, ma keghi sẹ Saidọn. Juliọs keghi tohan Pọl, ọ na giee ya miẹn avbe esiọ re, ne iran miẹn ehe na we ehe ye ọre ẹkpo.

Ebe ne Pọl gbẹẹn gie emwa Rom 12:15

Gha gu enọghọghọ ghọghọ vbe gu enọviẹ gha viẹ.

I Kọrinti 12:26

A deghẹ efẹn ọkpa vbe egbe miẹn obalọ, ehe ni dekẹe hia ghi guee miẹn obalọ nii, a deghẹ a vbe tian ọkpa vbọ, ni dekẹe hia ghi gu ẹe ghọghọ.

Ẹfisọs 4:1

Rhunmwuda ọnii, I mobọ yatua uwa, mẹ ne ọre oleghan rhunmwuda ighẹ I ga Nọyaẹnmwa, wa gha ru emwi zẹ vbene ọ sikẹ ukpo ne Osanobua mwa ne uwa, vbe ẹghẹ ne ọ na tie uwa.

Kọlose 4:18

Obọ mwẹ ọre I ya gbẹn ọna: Pọl we uwa do, wa ghẹ mianmian ọgiọrọ ne I ye. Te ẹsọhẹ Osanobua gha gu uwa gha rrọọ.

Hibru 10:34

Wa deba avbe oleghan rri oya, ugbẹn vbe iran fu emwi ne uwa mwẹ hia viọ, wa keghi ya oghọghọ ziẹn egbe ehia rhunmwuda, wa rẹnrẹn ighẹ wa ye mwẹ emwi obọ uwa ne ọ maa sẹ eni, ne ọ gha rrọọ ẹdẹdẹmwẹdẹ.

Hibru 11:37

A filo okuta gbele iran uan, a sọ iran ye eva, a ya umozo gbele iran uan. A ya iran kin ughe vbene a na yọ iran ohian ẹwe ra ọghe ohuan, ivbiogue, ne a zẹ ọre owẹ kevbe ne a ru ẹre emwi oya.

I Pita 3:8

Ne I ya fian ẹre ifi: wa gie vbene uwa ziro kevbe vbene emwi ye vbe ekhọe uwa, gha ya kugbe. Wa gha ho ẹmwẹ egbe, zẹ vbe etentẹn ne ikpia. Wa gha mwẹ itohan ghe egbe, ne uwa vbe gha mu egbe rri otọ ne egbe.