Hibru 13:22 - Edo Bible (E Baibol Ẹdo) Version 1996

²² I rinmwian uwa etẹn mwẹ, ne uwa ye i ziengbe danmwehọ ikporhu igiẹdu na, rhunmwuda ebe ne I gbẹn gie uwa na ma tan gbe.

Hibru 13:22 ပူးပေါင်းရင်းမြစ်များ

Iwinna 13:15

Ugbẹn vbe iran ghi tie ebe Uhi Mosis kevbe emwi ne akhasẹ gbẹnnẹ ye otọ nẹ, iran ne avbe olotu Ọgua ediọn keghi gie ne a khama iran wẹẹ, “Etẹn, deghẹ wa mwẹ ẹmwẹ ibude ne uwa gha rhie ne emwa, wa do gu iran guan.”

II Kọrinti 10:1

Mẹ ne Pọl wa tobọ mwẹ rinmwian uwa, mẹ ne a wẹ re I gha gu ọmwa mudia, I ghi gha re ọmẹhẹ, sokpan I gha kpao vbe ehe ne uwa ye rre nẹ, I ghi gha khọ mu uwa, I ye ufumwẹ kevbe itohan Kristi rinmwian uwa.

II Kọrinti 5:20

Eban nian, te ima ghi guan ne Kristi khekherriọ, vbene a miẹn wẹ Osanobua tobọ ẹre ọre ọ wa la uwu ima gha gu uwa guan ne Kristi. Ma rinmwian uwa, wa gie Osanobua fi uwa werriẹ hin eghian rre ghe ọse.

II Kọrinti 6:1

Vbe uwu iwinna ne ima vbe Osanobua gba winna, ma rinmwian uwa khekherriọ, wa miẹn ẹsọhẹ Osanobua rhie nẹ, wa ghẹ i gi ẹe gha re ne a mu rhia.

Galatia 6:11

Wa ghe vbene I gbẹn ọẹn hẹ gbadagbada rhunmwuda ighẹ obọ mwẹ ọre I ghi ya gbẹn ebe gie uwa na.

Ẹfisọs 3:3

Osanobua mu emwamwa ẹkhokho ẹre ladian, ọ keghi mu ẹn ma mwẹ. (I ka gbẹn ekherhe vbe ekpa ọna nẹ,

Hibru 12:5

Te uwa ghi mianmian ra ighẹ ẹmwẹ igiẹdu ne Osanobua tama uwa zẹ vbe ivbi ẹre? “Ovbi mwẹ, rhie aro ye otọ vbe Nọyaẹnmwa a gha gbe uẹ hin ọkhọ rre, deghẹ ọ vbe gu ẹ gui ghẹ gie egbe wọ ruẹ.

Hibru 13:19

I rinmwian uwa ne uwa na erhunmwu, ne Osanobua rhe rhe dọlegbe rhie mwẹ bu uwa gha dee.

Hibru 2:1

Ọnii ọ si ẹe ne ima gha na kakabọ ye obọ da ẹe yi sẹ ayọ, ighẹ ẹmwata ne ima họn nẹ ne a ghẹ ya ya ima de odẹ.

Hibru 3:1

Etẹn mwẹ vbe uwu Kristi, emwa ne Osanobua vbe tie. Wa ghe Jesu ne Osanobua gie ne ọ do gha re Ogie Ohẹn ọghe iyayi mwa.

Hibru 4:1

Banbanna nian, Osanobua tama ima ye otọ nẹ wẹ ma sẹtin la owa ne a ya gu ẹe kẹtin. Rhunmwuda ọnii wa gie ima gha mwẹ imuohan, ne a ghẹ miẹn wẹ, a miẹn orhiọnkpa vbe uwu uwa ne ọ ma sẹtin la uwu ikẹtin nii.

Hibru 4:11

Rhunmwuda ọnii, wa gie ima ziga ne a la owa ya gu Osanobua hẹwẹ. Wa ghẹ gie ima rhọkpa yin ehọ, zẹ vbe ne iran ru ne iran ma na ghi la owa.

I Pita 5:12

Sailas, ọmwa ne ima ka ye ọtẹn ne ẹ i hiẹ ọmwa, ọre ọ gun mwẹ gbẹn ehe ne kherhe na gie uwa, I ho ne I rhie igiẹdu ne uwa, ne I vbe ya unu mwẹ ta ẹe ma uwa zẹ vbe ẹmwẹ obọ mwẹ wẹ, ẹsọhẹ ọghe Osanobua, ọre ọ na khin. Wa mudia yọ gbain.