Hibru 13:2 - Edo Bible (E Baibol Ẹdo) Version 1996

² Wa gha rhie orhunmwuyẹn la owa. Emwa eso rrọọ ni ru vberriọ, iran na viọ, avbe odibo Osa la owa, vbene iran ma na rẹn.

Hibru 13:2 ပူးပေါင်းရင်းမြစ်များ

Gẹnẹsis 18:1

E Nọyaẹnmwa keghi rhiegbe ma Ebraham vbe ọkpẹn avbe erhan iruemwi ọghe Mamrẹ, Ebraham keghi tota ye onurho owa ukpọn rẹn vbe ogiavan ogioghogho,

Gẹnẹsis 19:1

Ugbẹn vbe avbe odibosa eva nii ghi sẹ Sọdom vbe ẹghẹ ota, e Lọt keghi rre ehe ne ọ tota yi vbe onurho ẹvbo nii, ehe ne emwa na ko. Ugbẹn vbe Lọt ghi wa bẹghe iran, ọ keghi guakpao ya vba iran. Ọ keghi diguẹ mu aro rhuotọ vbe odaro iran.

II Ọba 4:8

Ọ ghi sẹ ẹdẹ ọkpa, Elaisia kegha rrie Siunẹm, ehe ne okhuo ne ọ fee ọkpa ye. Okhuo nii keghi tie ẹre sẹ owa ne ọ do rri evbare, ke ẹghẹ nii kpao, eghẹ ne ọ rhirhi ya yo e Siunẹm owa ẹre ọre ọ na rri evbare.

Job 31:19

I gha miẹn ọmwa ne ọ vbabọ emwi, ne ẹ i mwẹ igho ne ọ gha ya de ukpọn,

Job 31:32

Te I tie ekhẹn la owa mwẹ, I i vbe giẹ iran vbiẹ ughe.

Aizaia 58:7

Wa fian ne iran ne ohanmwẹ gbe vbe evbare uwa, ne uwa vbe gha gie iran ne ivbiogue ne ẹ i mwẹ owa gha la owa uwa. Wa gha viọ ukpọn ne iran ne ẹ i miẹn rhuan, ne uwa ghẹ he ne uwa ru iyobọ ne etẹn uwa.

Levitikọs 19:34

Wa gha ya obọ ne uwa ya mu ivbi Izrẹl ne iho uwa mu iran, wa ghi vbe gha ho ẹmwẹ iran vbene uwa ho ẹmwẹ egbe uwa. Wa yerre ighẹ orhunmwuyẹn wa gha khin vbe otọe Igipt. Mẹ ọ re Nọyaẹnmwa ne Osanobua rua.

Matiu 25:35

Ẹghẹ vbe ovbamẹ gbe mwẹ, wa rhie evbare mẹ re, ovbamẹ gbe mwẹ, wa sa amẹ mẹ wọn. I re orhunmwuyẹn, wa keghi rhie mwẹ la owa uwa.

Matiu 25:40

Ọba ghi wanniẹn wẹẹ, ‘Ne I tama uwa, ẹghẹikẹghẹ ne uwa ya ru egbe emwi vberriọ ne ne ọ kanmwa sẹ vbe uwu iran ne etẹn mwẹ na, wa ruẹe mẹ nẹ.’

Matiu 25:43

I re orhunmwuyẹn, wa ma rhie mwẹ la owa rua, I rre irhunmwirhun, wa ma rhie ukpọn rhuan mwẹ, I khuọnmwi, I rre uwu eghan, wa ma do miẹn mwẹ.’

Iwinna 16:15

A keghi sa amẹ ne ẹn ke ẹe kevbe owa ẹre. Rẹn keghi tama ima wẹẹ, “Deghẹ wa gele ka mwẹ ye ọmwa ne ọ ya Nọyaẹnmwa yi vbe ẹmwata, wa do di owa mwẹ ya.” Rẹn keghi rherhe ima viọ gha khian.

Ebe ne Pọl gbẹẹn gie emwa Rom 12:13

Wa gha ghae ne etẹn uwa ne ẹ i mwẹ emwi vbe uwu emwi ne uwa mwẹ, wa gha sẹ oyaya mu erhunmwuyẹn.

Ebe ne Pọl gbẹẹn gie emwa Rom 16:23

Gaiọs ne imẹ di owa ẹre ya, ọmwa ne a do esọsi vbe owa ẹre we uwa do, Ẹrastọs ne ọ da igho yi ne ẹvbo kevbe ọtẹn mwa Kuatọs we uwa do. [

I Timoti 3:2

Ọ kere ne Ọkaolotu esọsi gha re ọmwa ne ẹ i mwẹ abaku ru, ọ ghi gha mwẹ okhuo ọkpa kẹkan, ọ ghi gha re ọmwa ne aro hianrẹn, kevbe ne ọ rẹn enegbe, kevbe ne ọ ru emwi uhẹn uhẹn, ọ ghi gha miẹn avbe erhunmwuyẹn yi vbe owa ẹre, ọ ghi sẹtin gha ma emwa emwi.

I Timoti 5:10

A ghi vbe gha so eni ẹnrẹn ẹse ye uyinmwẹ ne ọ maa, okhuo nọ koko ivbi ẹre ẹse, ne ọ miẹn avbe orhunmwuyẹn yi vbe owa ẹre, ne ọ vbe kpe emwa Osanobua owẹ, ne ọ vbe ye iran ni rre uwu ọlọghọmwa obọ, ne ọ vbe rhie egbe ye ne ọ gha winna iwinna ni maa hia.

Taitọs 1:8

Ọ kere ne ọ gha re ọmwa ne obọ ẹse tọlọ, kevbe ne emwi ne ọ maa yẹẹ, ọ ghi gha re ọmwa ne ọ rẹn enegbe, ne ọ mudia ẹse, ne ọ huanrẹn, kevbe ne a ma ẹre emwi.

I Pita 4:9

Wa gha khian ẹlẹ tuẹ egbe, vbe ne a i na gui ẹzọ egbe.

III Jọn 1:5

Ọse mwẹ ne ọ ghaan, u mobọ wa mu aro ye ẹmwẹ iwinna ne u winna ne avbe etẹn, uhin vbe a vbe miẹn wẹ, erriọvbe ọre iran khin.