Hibru 13:18 - Edo Bible (E Baibol Ẹdo) Version 1996

¹⁸ Wa ye gha na erhunmwu ne ima. Ma rẹnrẹn wẹ ekhọe ima ma bu abe gbe ima, rhunmwuda, ma ho ne ima ru vbene ọ kere ẹghẹ hia.

Hibru 13:18 ပူးပေါင်းရင်းမြစ်များ

Iwinna 23:1

Pọl keghi ziẹn aro ye emwa iko ni aro, ọ wẹẹ, “Etẹn mwẹ, orhiọn mwẹ ma bu abe gbe mwẹ hiehiere vbene uyinmwẹ mwẹ ye hẹ vbe odaro Osanobua do sẹ ẹdẹnẹrẹ na.”

Iwinna 24:16

Rhunmwuda ọnii ọre I na lo ẹtin mwẹ hia wẹ ne orhiọn mwẹ ghẹ sẹ osẹe gbe mwẹ vbe odaro Osanobua kevbe emwa ne agbọn.

Ebe ne Pọl gbẹẹn gie emwa Rom 12:17

Ọmwa gha ruẹ khọ, ghẹ vbe ye ọkhọ ha ẹre nẹẹn. Hia ne u gha ru emwi ne emwa hia ka ye ne ọ maa.

Ebe ne Pọl gbẹẹn gie emwa Rom 13:13

Wa gie ima gha ru emwi ọmwa ne ọ rẹn enegbe, zẹ vbe ivbi uwanmwẹ ẹdẹ, ẹ i re vbe uwu oyanghan, ra ayọn ne a da gbe egbe, ẹ i re uwu alama oghẹ ra u sakanmwẹ, ẹ i re vbe uwu igbinna ra oya ọmwa da ọmwa.

Ebe ne Pọl gbẹẹn gie emwa Rom 15:30

Etẹn mwẹ, I kakabọ ye Nọyaẹnmwa Jesu Kristi, kevbe ahoẹmwọmwa ne Orhiọn rhie ne ọmwa rinmwian uwa ne uwa deba mwẹ kakabọ gha na erhunmwu ghe Osanobua mẹ.

II Kọrinti 1:12

Emwi ne ima ya ghagha ọ na khin: ekhọe mwa tama mwa wẹ, uyinmwẹ mwa vbe agbọn na, ibiba vbe ne ima vbe uwa gba ya ye egbe khian hẹ, a ta ẹmwata kevbe a i zẹ ibeleku ọrọre okpo ne ọ da ẹe yi, vbe ekpa ẹtin ẹsọhẹ Osanobua nọ, ighẹ ẹ i re vbe ekpa iguemwi emwa ne agbọn.

Filipai 4:8

Vbe ufomwẹ ehia, etẹn mwẹ, wa gha ya avbe emwi ni maa kevbe ne ọ gie a ta ẹmwẹ ọnrẹn ẹse vuọn ekhọe uwa, avbe emwi ẹmwata, adazẹ ne ọ gbae ne ẹ i mwẹ iruẹn kevbe ne ọ mwẹ uyi.

Kọlose 4:3

Vbe uwu ẹre nii, wa. vbe gha na erhunmwu ne ima, wẹ ne Osanobua rhie ẹkpotọ ne ọ maa ne ima ya kpe orhu iyẹn ne ọ maa ọghọe, ne a miẹn ehe na ta oro ẹmwẹ Kristi, rhunmwuda, ọnii ọ zẹe ne I na rre uwu eghan na.

I Tẹsalonaika 4:12

Wa gha ru vberriọ, iran ni ma yayi ghi gha ghe uwa gẹdẹgbẹẹ, wa i ghi ra vbe ghe ọmwa rhọkpa obọ.

I Tẹsalonaika 5:25

Etẹn mwa, wa vbe gha na erhunmwu ne ima.

II Tẹsalonaika 3:1

Vbe okiekie ehia etẹn mwẹ, wa gha na erhunmwu ne ima, ne ẹmwẹ Nọyaẹnmwa miẹn ehe na sẹtin zẹgiẹ gha vẹ khian, ne ọ vbe gha mwẹ uyi zẹ vbe ne ọ gha ye vbe ehe ne uwa ye.

I Timoti 1:5

Emwi ne I rhunmwuda ẹre yi iyi na ọrọre, ne ọ gua ẹe kpao ighẹ aho ẹmwẹ ọmwa ne ekhọe sẹẹnrẹn, orhiọn ne ekhọe ẹre i gu gui, kevbe iyayi ne ẹ i re ọghe ababa.

I Pita 2:12

Wa gie uyinmwẹ ne uwa yin maa sẹ rriọ vbe uwu ẹbu avbe eni ma yayi wẹ, iran gha ba uwa ifi ẹzọ wẹ emwi dan ọre uwa ru, iran ghi vbe tobọ iran kha wẹ, wa vbe ru emwi esi, rhunmwuda ọnii, iran ghi rho Osanobua vbe Ẹdẹ ne ọ ra rre.

I Pita 3:16

Sokpan u ghi ru ẹre ọghe ọghọ vbe ute. Ghẹ gie ekhọe ruẹ bu ohiẹn gbe uẹ hiehiere, a i rẹn deghẹ te a ghi ya ukpẹ sakan uwa, ọmwaikọmwa ne ọ ya unu rhia uwa, vbe ekpa uyinmwẹ ne uwa yin, zẹ vbe ne ọ lele Kristi, ekhue ghi mu iran ba ẹmwẹ ne iran ta.

I Pita 3:21

Amẹ na keghi re emwikemwi ne a ya gie isamẹ ne ọ miẹn uwa fan banbanna nian, ẹ i re vbe ekpa ne ọ na kpe iruẹn ne ọ rre ikinnegbe kua, sokpan vbe ekpa eyan ne a ya ekhọe ne ọ ma bu abe gbe ọmwa yan ma Osanobua. Te isamẹ la ekpa arhiọkpaegbe Jesu Kristi miẹn uwa fan.