Hibru 13:16 - Edo Bible (E Baibol Ẹdo) Version 1996

¹⁶ Wa ghẹ mianmian ẹse ne a ru kevbe ne uwa gha ya egbe obọ, rhunmwuda, enena ọrọre izọ ese ne ọ yẹ Osanobua.

Hibru 13:16 ပူးပေါင်းရင်းမြစ်များ

Psalm 37:3

Mu ẹtin yan e Nọyaẹnmwa ne u gha ru emwi ẹse, vbe gha yin otọe nii vbe ne ai na mwẹ ẹbe.

Psalm 51:19

Ẹkpo nii, ẹko gha rhiẹnrhiẹn ọn ye ese ẹmwata. Ma gha vbe zọ ese ne a giẹn uan kevbe ese ekhuia ẹmila; vbe Ogiukpo ruẹ.

Iyẹn ne ọ Maan Ọghe Luk 18:22

Jesu ghi họn ẹmwẹ na, ọ tama rẹn wẹẹ, “Emwi ọkpa ọre ọ ghi kẹe nuẹn, ya khiẹn emwi ruẹn hia, viọ igho ẹre ne avbe ivbiogue, u gha mwẹ ẹfe vbe ẹrinmwi, u ghi gha dee ne u do gha lele mwẹ khian.”

Iwinna 10:38

Wa vbe rẹn vbekpa ọghe Jesu Kristi ne ovbi e Nazarẹt vbene Osanobua hihiẹ Orhiọn Ne Ọ Huanrẹn kevbe ẹtin yan rẹn hẹẹ. Ọ kegha lele ehe hia khian, ọ na winna iwinna esi, ọ na gha sinmwi emwa hia ne Esu mu gba, rhunmwuda Osanobua yaba ẹre.

Iwinna 9:36

Okhuo ọkpa ne a tie ẹre Tabita keghi rre Jopa, ọmwa iyayi nọ. (Dọkas ọre a tie ẹre vbe Grik, emwi ne a ya ọnii kha ọrọre ẹrhuẹ.) Ọ lo ẹghẹ ẹre ye iwinna ne ọ maa kevbe ne ọ gha ye avbe ivbiogue obọ.

Ebe ne Pọl gbẹẹn gie emwa Rom 12:13

Wa gha ghae ne etẹn uwa ne ẹ i mwẹ emwi vbe uwu emwi ne uwa mwẹ, wa gha sẹ oyaya mu erhunmwuyẹn.

Galatia 6:10

Rhunmwuda ọnii, ẹghẹikẹghẹ ne a ya miẹn otọ, wa gie a gha ru emwa hia ẹse, sokpan sẹe hia sẹẹ hia, iran ne ima gba re ọkpa vbe ẹgbẹe iyayi.

Galatia 6:6

Ọmwa ne a ẹre emwi ẹmwẹ iyayi Kristi, ọ kere ne ọ gha ghae vbe emwi ne ọ mwẹ ne ọmwa ne ọ ma ẹre emwi.

Ẹfisọs 4:28

Ọmwa ne ọ te ka rha yi, wẹ ne ọ dobọ oyi ne a rha yi, ne ọ suẹn gha winna, ne ọ miẹn ehe na gha khuan okhuan ne ai gbe ikhan yi ọghe obọ ẹre, kevbe ne ọ sẹtin vbe gha ye ne ẹ i mwẹ obọ.

Filipai 4:14

Sokpan emwi esiesi ọre uwa ru, ne uwa na rro mwẹ rre vbe ẹghẹ ọlọghọmwa.

Filipai 4:18

Rhunmwuda ọnii, wa ghe ebe ọ sẹ mwẹ obọ ọghe emwi hia ne uwa he hẹ gun mwẹ, ọ wa vbe sẹ kpọ kua. Emwi ne uwa viọ ne Epafroditọs viọ gu mwẹ, sẹ mwẹ obọ nẹ nian, emwi ne I ho hia gbae. Te ena ye vbe emwi izọ ese ne ọ winhin ne a ya mu ohan gie Osanobua, emwi ne ọ yẹ ọre, ne ọ gha vbe rhan obọ miẹn.

I Tẹsalonaika 5:15

Wa ghẹ ye ọkhọ ha osa ọkhọ, sokpan wa gha ru egbe emwi esi, wa ghi vbe gha ru emwa hia ẹse vbe ẹghẹ hia.

II Tẹsalonaika 3:13

Sokpan etẹn mwa, wa ghẹ gie egbe emwi esi ne a ru wọ uwa.

I Timoti 6:18

Tama iran, ne iran gha ru emwi esi, ne iran gha re ni fe vbe emwi esi ne a ru, ne iran gha zẹ emwi obọ, ne iran vbe mu egbe ne iran gha ya ghae ne emwa ọvbehe.

Failimọn 1:6

Erhunmwu mwẹ ọrọre wẹ, vbene ima na gba mu obọ na, zẹ vbe emwa ni yayi, te ọ gha ye ima rẹn otọ ẹre sẹ ayọ, ighẹ dọmwadẹ afiangbe ne ima mwẹ vbe uwu ẹdẹ agbọn mwa vbe uwu Kristi.

Hibru 6:10

Osanobua i re ọmwa ne ẹ i ru emwi ẹse. Ẹ i ra mianmian iwinna ne uwa winnaẹn, ra vbene uwa ya rhie maa hẹ ighẹ wa ho ẹmwẹ ọnrẹn, vbe ekpa iyobọ ne uwa gha rhie ne ivbi iyayi ne iho uwa, kevbe ne uwa ye rhie ne iran do sẹ banbanna.

III Jọn 1:11

Wa ne avbe ọse mwẹ, wa ghẹ gha ya egbe ta emwi dan, wa gha ya egbe ta emwi esi. Ọmwaikọmwa ne ọ ru emwi ne ọ maa ọghe Osanobua nọ, ọmwaikọmwa ne ọ ru emwi dan, ọ ma he miẹn Osanobua.