Hibru 13:14 - Edo Bible (E Baibol Ẹdo) Version 1996

¹⁴ Rhunmwuda ma i mwẹ ẹvbo etẹbitẹ vbe agbọn na, ẹvbo ne ọ dee ọre ima rhie aro yi.

Hibru 13:14 ပူးပေါင်းရင်းမြစ်များ

Maika 2:10

Wa kpaegbe ne uwa kpao, egbe rọkhọmwẹ i ghi rre emwa ọvbehe. Orukhọ ne uwa ru zẹ emwa na ye ne a ra fuan nẹ.

I Kọrinti 7:29

Emwi ne I kha ọna khin etẹn mwẹ, ovbi ẹghẹ kherhe ma ghi mwẹ, kevbe ẹghẹ na kpao nian, wa gie emwa ni rhie okhuo gha yin zẹ vbe ọhae.

II Kọrinti 4:17

Ọlọghọmwa kherhe ne ọ rhie gberra khian ne ima ye na, gha rhie uyi nọkhua ọghe etẹbitẹ ne ọ kpọlọ sẹ ọlọghọmwa na ẹsẹse gie ima.

Ẹfisọs 2:19

Rhunmwuda ọnii nian, wa ne ẹ i re Ju i ghi re ọrriọvbe ra orhunmwuyẹn ọvbehe, ivbi ẹvbo ọkpa wa ghi gu emwa Osanobua khin, wa keghi vbe re ivbi ẹgbẹe Osanobua.

Filipai 3:20

Sokpan ivbi ẹrinmwi ma khin, te ima vbe rhie aro ye odẹ gha khẹ ne Ọmiọnmwafan tuorre ke ẹrinmwi rre ighẹ Nọyaẹnmwa Jesu Kristi.

Hibru 10:34

Wa deba avbe oleghan rri oya, ugbẹn vbe iran fu emwi ne uwa mwẹ hia viọ, wa keghi ya oghọghọ ziẹn egbe ehia rhunmwuda, wa rẹnrẹn ighẹ wa ye mwẹ emwi obọ uwa ne ọ maa sẹ eni, ne ọ gha rrọọ ẹdẹdẹmwẹdẹ.

Hibru 12:22

Sokpan, uhunmwu Oke Zaiọn ọre uwa gha dee kevbe ẹvbo Osanobua, Jerusalẹm ne ọ rre ẹrinmwi, ke ẹe kevbe odibo Osa ẹre ne ẹgbenuri.

Hibru 12:27

Ne ọ na kha wẹ, “dọlegbe,” wa rhie maa wẹ, emwi ne a yi hia ọre a gha mu rueghe, a ghi viọ iran hin rre, ne ọ miẹn ehe na do kẹe avbe emwi ne a ma mu rueghe.

Hibru 2:5

Rhunmwuda, Osanobua ma ya avbe odibo Osa ru ni khaemwisẹ yan agbọn ne ọ ra yi, agbọn ne ima kha na.

Hibru 4:9

Vbene ọ rhirhi gha ye hẹ, vbene ọ ghi ye na nian, ọrọre wẹ, ikẹtin ọkpa ye rrọọ ne emwa Osanobua ne ọ vbe khọ vbene Osanobua hẹwẹ vbe ikpẹdẹ ne ogihinrọn.

Hibru 9:11

Sokpan Kristi rre nẹ, zẹ vbe Ogie Ohẹn ọghe avbe emwi ni maa ni rre emwa na nẹ, Ọgua ukpọn ne irẹn na ga, keghi re ne ọ kpọlọ sẹẹ, kevbe ne ọ vbe gba na sẹẹ, ẹ i re emwa ne agbọn ọre ọ ru ẹe, ọnii nọ wẹ, ẹ i re ọkpa vbe uwu emwi ni rre agbọn ne a yi na.

I Pita 4:7

Ufomwẹ emwi hia sẹ otọ fo nẹ. Wa gha ziengbe emwi, wa ghi vbe khẹ yegbe, ne uwa sẹtin gha na erhunmwu.

Arhie Maan 3:12

Ọmwa ne ọ khọn miẹn otọ, I gha ya ẹe ru orre vbe Ọgua Osa ọghe Osanobua mwẹ, ẹ i ghi vbe kpao vbe evba ẹdẹ. I ghi gbẹn eni Osanobua mwẹ yan rẹn, Jerusalẹm ne ọgbọn ne ogha ke obọ Osanobua mwẹ ke odukhunmwu tuorre gha di otọ. I gha vbe gbẹn eni mwẹ ne ọgbọn yan rẹn.