Hibru 13:12 - Edo Bible (E Baibol Ẹdo) Version 1996

¹² Ọna ọ si ẹẹ ne Jesu na vbe wu ye vbe a lahin onurho ẹvbo rre nẹ, ne ọ miẹn ehe na ye esagiẹn ọnrẹn, khuẹ orukhọ emwa kua.

Hibru 13:12 ပူးပေါင်းရင်းမြစ်များ

Levitikọs 24:23

E Mosis ghi gu ivbi Izrẹl guan nẹ, iran keghi rhie ọmwa nii hin ore agọ rre, iran keghi filo okuta gbe ẹe rua vbe odẹ vbenian, ivbi Izrẹl keghi ru vbene Nọyaẹnmwa tama e Mosis.

Nọmbas 15:36

Ẹre emwa nii hia na rhie ẹre lahin uwu agọ rre, iran na filo okuta gbẹe rua zẹ vbene Nọyaẹnmwa khare.

Iyẹn ne ọ Maan Ọghe Luk 4:29

Iran keghi guakpao, iran si Jesu hin adesẹ ẹvbo rre iran keghi si ẹe gha rrie uhunmwu oke ne a bọ ẹvbo ni yan ne iran ya ke odọ sua ẹre fi otọ.

Iyẹn ne ọ Maan Ọghe Jọn 17:19

Rhunmwuda iran, ọre I na ya egbe mwẹ fi ohan nuẹn, ne iran tobọ iran miẹn ehe na vbe khian ọwuẹ vbe ẹmwata.

Iyẹn ne ọ Maan Ọghe Jọn 19:34

Sokpan, ọkpa vbe uwu avbe ivbiyokuo keghi so asoro ẹre ye Jesu efẹn, esagiẹn kevbe amẹ keghi gbe kua. (

Iwinna 7:58

Iran keghi sanmwẹ ọẹn hin adesẹ ore ẹvbo rre, iran na filo okuta gbe ẹe rua. Iran ne osẹe keghi viọ agbada ẹwu iran ne igbama ọkpa viọ mwẹ, a keghi tie eni igbama nii Sọl.

I Kọrinti 6:11

Erriọ eso vbe uwu uwa te ye, sokpan, akhuẹ uwa hin oru khọ rre nẹ, a ya uwa fi ohan ne Osanobua nẹ, a dọlọ uwa kugbe ba Osanobua vbe ekpa eni Jesu Kristi Nọyaẹnmwa kevbe vbe ekpa Orhiọn Osanobua mwa.

Ẹfisọs 5:26

Te irẹn ru ọna, ne ọ miẹn ehe na ya ẹmwẹ ọnrẹn ya esọsi fi ohan ne Osanobua, vbe iyeke vbe ọ ghi ye amẹ kpe ẹe huan nẹ.

Hibru 10:10

Rhunmwuda wẹ Kristi ru zẹ vbene Osanobua ho ne ọ ru, ma keghi khian ne a khuẹ hin orukhọ ima ne, rhunmwuda ese ne ọ ya egbe ẹre zọ uhukpa ne ọ fo vbe otọ.

Hibru 10:29

Inuinu ghi nọ khekherriọ, ne ọmwa ne ọ zan Ovbi Osanobua? Ne ọ ye aro tila ẹe ua, ighẹ esagiẹn ile Osanobua ne ọ yae khian ne ẹ i mwẹ iruẹn, ne ọ ye ukpẹ sakan Orhiọn ẹsọhẹ. Wa tobọ uwa roro ẹe vbene oya ne a gha rri ọre re gha kpọlọ sẹẹ ọnii hẹẹ.

Hibru 2:11

Ọ khuẹ emwa huan hin orukhọ iran rre, irẹn kevbe emwa ni irẹn khuẹ huan, erha ọkpa iran mwẹ. Ọnii ọ si ẹe ne ekhue i na mu Jesu vbe ọ gha tie iran etiọnrẹn.

Jọsua 7:24

E Jọsua kevbe ivbi Izrẹl hia keghi mu Ekani, kevbe esiliva kevbe agbada ẹwu kevbe ẹgba igoru nii, ivbi ẹre ne ikpia kevbe ne ikhuo, kevbe ẹmila ekẹtẹkẹtẹ kevbe ohuan rẹn, owa ukpọn rẹn, kevbe emwi ne ọ ghi mwẹ hia iran na viọ iran gha rrie Iya Orueghe.

Arhie Maan 14:20

A keghi minọ avbe ọmọ azara nii vbe uwu okọ nii, ne ọ rre vbe a gha la hin ore ẹvbo rre nẹ, esagiẹn kegha lẹ ke uwu okọ nii ladian, ehe ne ọ lẹ orogho la kegha re omwa ibiriki uri, ne udinmwimwẹ ọnrẹn vbe re omwa ibata isẹn.