Hibru 13:11 - Edo Bible (E Baibol Ẹdo) Version 1996

¹¹ Ogie ohẹn avbe Ju ghi mu esagiẹn aranmwẹ gha die uwu Ehe Ne ọ Huan Sẹẹ Ehia, ne iran do yae zọ ese ye orukhọ, sokpan iran ghi giẹn ikun aranmwẹ nii uan vbe a gha lahin agọ rre nẹ.

Hibru 13:11 ပူးပေါင်းရင်းမြစ်များ

Ẹksọdọs 29:14

Sokpan, efun ẹnrẹn, ẹkpokhurhu ẹre kevbe ohian rẹn, u ghi ya giẹn enii vbe a gha la hin agọ rre nẹ. Izọhẹ ne a ya kpe orukhọ avbe ohẹn kua ọre enii khin.

Ezikiẹl 43:21

U ghi mu ẹkhuia ẹmila ne a ya zọ ese ye orukhọ, u ghi gien ọnrẹn uan vbe ehe ne a mwamwa yọ ne a na gha ru ẹe vbe a gha lahin iwewe Ọgua Osa rre nẹ.

Levitikọs 16:27

Ẹkhuia ẹmila kevbe ẹwe ne a gbele ya zọ ese orukhọ nii, ne a mu esagiẹn ọnrẹn ye uwu Owa Ukpon Ile ne ọ kpe orukhọ kua, a ghi viọ iran lahin ore agọ rre, a ghi giẹn iran uan, ke ohian kevbe efun, kevbe ibiẹ ọre, a ghi giẹn ehia a.

Levitikọs 6:11

Ọ ghi ya fi ẹwu werriẹ, ọ ghi viọ emuẹn nii lahin agọ rre gha rrie ehe ne ẹ i mwẹ awua.

Levitikọs 6:30

Sokpan, a gha mu esagiẹn ẹnrẹn la uwu Owa Ukpọn Ile, a na ya ẹe ru emwi akpehuan ọghe orukhọ, a ghẹ rri emiowo nii, a ghi wa giẹn ọnrẹn uan.

Levitikọs 9:11

Sokpan, ọ keghi giẹn emiowo nọ rrọọ kevbe ohian rẹn vbe a gha ladian ore agọ rre nẹ.

Levitikọs 9:9

Ivbi ẹre keghi mu esagiẹn ọnrẹn bu ẹre gha dee, ọ na fi ikpinhianbọ irẹn yọ, ọ na ya vbọ ye ukpẹ aka ni rre dọmwadẹ okhiẹ aka, ọ na mu nọ ghi dekẹe vbọ hihiẹ ye ẹzi aka.

Nọmbas 19:3

Ne uwa mu ne Eliaza ne ohẹn. A ghi mu ẹn lahin ore agọ rre ne a sirra ẹre gbee.

Nọmbas 19:7

Vbe iyeke ọnii, ọ ghi ya họ ukpọn rẹn, ọ ghi mu amẹ hihiẹ ku egbe, iyeke ọnii, ọ sẹtin la uwu agọ; sokpan, awua ye rrọ ẹre egbe rhinrin ya sẹ ẹghẹ ota.