Hibru 13:10 - Edo Bible (E Baibol Ẹdo) Version 1996

¹⁰ Avbe ohẹn ni ga vbe uwu Ọgua ukpọn ọghe avbe Ju, i mwẹ asẹ ne iran gha ya re vbe emwi ne a ya zọ ese vbe aka ọghomwa.

Hibru 13:10 ပူးပေါင်းရင်းမြစ်များ

Nọmbas 7:5

“Rhan obọ miẹn avbe emwi ihaoko na, ne a lo iran ye iwinna ne a gha winna vbe uwu Owa Ukpọn Ile, viọ ne avbe Livai zẹ vbe iwinna ne iran mwẹ ne iran gha winna.”

I Kọrinti 10:20

Hiehiere. Emwi ne I kha ọrọre wẹ, emwi ne a ya zẹ ese vbe aro ẹbọ, esu ọre a yae ru na ighẹ ẹ i re Osanobua. Mẹ ma ho ne uwa gu esu gha mu obọ.

I Kọrinti 9:13

Vbe ne a i na gbe awẹawẹ, wa rẹnrẹn wẹ, iran ni winna vbe uwu Ọgua Osa, uwu Ọgua Osa iran na viọ evbare ne iran re, kevbe wẹ iran ni gbe emwi ne a ya zọ ese vbe aka, vbe ghae vbe emwi ne a ya zọ ese nii.

Hibru 8:5

Iwinna ne iran winna zẹ vbe ohẹn, te a yae taa ama ọghe vbene a ru ẹe vbe ẹrinmwi. Erriọ ọ vbe ye, zẹ vbe ne ọghe Mosis vbe gha ye. Ẹghẹ ne ọ khian na bọ Ọgua ukpọn nii, Osanobua tama rẹn wẹẹ, “U ghi miẹn wẹ, vbene ne a mu ma ruẹn vbe uhunmwu oke gha ye, ọre uwa ru ehia re.”