Hibru 12:7 - Edo Bible (E Baibol Ẹdo) Version 1996

⁷ Emwi ne uwa a rhirhi gha rri oya ẹre, wa ziengbe ẹre zẹ vbene a miẹn wẹ ke obọ erha uwa rre nọ, rhunmwuda oya ne uwa re rhie maa ighẹ obọ ne a ya mu ọmọ, ẹre Osanobua ya mu uwa. Wẹ he miẹn ọmọ ne erha ẹe i gbe hin ọkhọ rre ra?

Hibru 12:7 ပူးပေါင်းရင်းမြစ်များ

II Samuẹl 7:14

Mẹ gha re erha ẹe, rẹn ghi vbe gha re ovbi mwẹ. Ọ gha ba emwi ku ru, I ghi rri ọre oya zẹ vbene erha rri ovbi ẹre oya.

Itan 13:24

Adeghẹ u i gbe ovbuẹ hin ọkhọ rre, ọnii rhie ma wẹ u i ho ẹmwẹ ọnrẹn. Adeghẹ u ho ẹmwẹ ọnrẹn, te u gha dia ẹre ye odẹ.

Itan 19:18

Ma ivbi uẹ emwi vbe iran ma he wan gbe ne ọ sẹtin ruẹ emwi guẹ. Adeghẹ u ma ru ẹe vberriọ, te u ru iyobọ ne iran ya fuẹn egbe iran an.

Itan 22:15

Obọ ibiẹka ọ re a na miẹn uyinmwẹ iruẹn kevbe ukọnmwẹ, sokpan, ubi ne a dan ọmọ re vbe ikebe, gha ma iran vbene ọ kere ne a gha ru emwi hẹ.

Itan 29:15

A gu ọmwa gui kevbe a gbe ọmwa hin ọkhọ rre, wa maa ne ibiẹka. Adeghẹ a gie ọmọ wa gha ru emwi ne ọ rhirhi khọn rẹn, te ọ ra gie ekhue ẹre gha mu iye ẹe.

Itan 29:17

Ma ovbuẹ emwi, te u ra ya ẹe gha hio. Ẹ i vbe mwẹ ẹghẹ okpa ne ọ gha ya ye ekhue mu ẹẹn.

Iwinna 14:22

Iran kegha rhie igiẹdu ne emwa ni yayi, iran keghi rhie ude iwegbe ne iran wẹ ne iran mu uhunmwu kọ ẹmwẹ nene iyayi wẹ, “Ẹ i mwẹ ma ma ye egbe miẹn ukpokpo ni bun a te do la Arriọba Osanobua!”

I Kọrinti 11:32

Sokpan te Nọyaẹnmwa bu ohiẹn ima, ọ ghi vbe rri ima oya ne a ghẹ miẹn ehe na bu abe uwu gbe ima, deba emwa ne agbọn.

Diuteronomi 8:5

Wa ye rre wẹ te Nọyaẹnmwa gha dia rua, ọ na vbe gha rri uwa oya zẹ vbene erha gbele ivbi ẹre hin ọkhọ rre zẹẹ.

I Samuẹl 2:29

Vbọzẹ ne aro uwa ghi na vbe wu ye emwi izọ ese kevbe emwi ihaoko mwẹ ne I nọ vbe obọ emwa mwẹ? Vbọzẹ ne uwẹ ne Elai na daa ne ivbi uẹ sẹ emwi ihaoko mwẹ ne I nọ vbe obọ emwa mwẹ? Vbọzẹ ne uwẹ ne Elai na daa ne ivbi uẹ sẹ imẹ vbe ne u na gie iran gha rri ehe ne ọ maa sẹ vbe emwi ne emwa ya zọ ese ghe mwẹ ya gha tii ye egbe?

I Samuẹl 2:34

Ẹghẹ ne ivbi uẹ eva ighẹ Hofnai kevbe Finihaz gha na wulo ẹdẹ ọkpa, ọnii gha rhie maa ruẹn wẹ, ẹmwẹ ne I ta nẹ, ẹ i mwẹ ọ ma sẹ.

I Samuẹl 3:13

I tama rẹn ne wẹẹ, I gha rri uniẹn ọnrẹn oya ẹdẹdẹmwẹdẹ, rhunmwuda, ivbi ẹre fi unu gun mwẹ. Elai rẹnrẹn ighẹ iran ru emwi na, sokpan ọ ma kie iran ukpo ọre.