Hibru 12:5 - Edo Bible (E Baibol Ẹdo) Version 1996

⁵ Te uwa ghi mianmian ra ighẹ ẹmwẹ igiẹdu ne Osanobua tama uwa zẹ vbe ivbi ẹre? “Ovbi mwẹ, rhie aro ye otọ vbe Nọyaẹnmwa a gha gbe uẹ hin ọkhọ rre, deghẹ ọ vbe gu ẹ gui ghẹ gie egbe wọ ruẹ.

Hibru 12:5 ပူးပေါင်းရင်းမြစ်များ

Job 34:31

E Job, u miẹn orukhọ ruẹ kue ma Osanobua nẹ ra? Ne u vbe yan ne u ghẹ ghi ru ọvbehe.

Psalm 118:18

Ọ gbe mwẹ ne obọ da mwẹ, hin ọkhọ rre sokpan ọ ma wa gbe mwẹ uan.

Psalm 119:109

I mu egbe vbe ẹghẹ hia ne I wu ba ẹre, I ma he mianmian uhi ruẹ.

Psalm 119:16

Avbe uhi ruẹ sẹ mwẹ ọyẹnmwẹ mẹ i ra vbe mianmian iyi ruẹ.

Psalm 119:67

Vbe u te do gbe mwẹ hin ọkhọ rre, te I te ba odẹ ku, sokpan, banbanna nian, te I ghi họn ẹmwẹ ne uẹn.

Psalm 119:75

Mẹ rẹnrẹn wẹ, ẹmwata ọ re avbe ibuohiẹn ruẹn khin Nọyaẹnmwa, kevbe wẹ, te u gia mu ẹtin yan, ọ re u na gbe mwẹ hin ọkhọ rre.

Psalm 119:83

Te I ghi khian ọ rhiae, I ye vbe ẹkpo ne ọ yanghaẹn ne a mu fua, sevba, I ma he ye mianmian iyi ruẹ.

Psalm 94:12

Nọyaẹnmwa, afiangbe nọ ne ọmwa ne uwẹ ma ẹre emwi, ọmwa ne uwẹ ma ẹre uhi ruẹ!

Itan 3:1

Ovbi mwẹ, ghẹ mianmian emwi ne I ma ruẹn re. Gha ye emwi ne I tama ruẹn ne u gha ru rre vbe ẹghẹ hia.

Itan 4:5

Gha mwẹ ẹwaẹn kevbe a ghe umian emwi! Ghẹ mianmian, ra ne u fi iyeke gbe ẹmwẹ ne I tae.

Jerimaia 31:18

“I họn vbe ivbi Izrẹl ye akhiẹ tae wẹẹ, ‘E Nọyaẹnmwa, te ima te yevbe aranmwẹ ne a ma rri sokpan, wẹ keghi ma iran re ne a gha họn ẹmwẹ. Viọ ima werriegbe rre, ma mu egbe ne a ya bu ruẹ gha dee, e Nọyaẹnmwa ne Osanobua mwa.

Eve Orriara 3:39

Vbọzẹ yi ne ima gha na zẹdẹ zuyọn vbe a gha rri ima oya ye orukhọ mwa?

Iyẹn ne ọ Maan Ọghe Luk 24:6

Ẹ i rre emwa na, ọ rhiọkpaegbe nẹ, wa yerre vbe ne ọ khama uwa hẹ ẹghẹ ne ọ na rre Galili wẹẹ,

Iyẹn ne ọ Maan Ọghe Luk 24:8

Ikhuo na keghi do ye ẹmwẹ ọnrẹn rre.

I Kọrinti 11:32

Sokpan te Nọyaẹnmwa bu ohiẹn ima, ọ ghi vbe rri ima oya ne a ghẹ miẹn ehe na bu abe uwu gbe ima, deba emwa ne agbọn.

Galatia 6:9

Rhunmwuda ọnii, wa ghẹ gie egbe emwi esi ne a ru wọ uwa, rhunmwuda, a deghẹ, a ma zobọ vbọ ẹghẹ dee ne ima gha na rri ere ẹre.

I Timoti 1:20

Ne usun iran ye ighẹ Haimẹnọs kevbe Alẹkzanda, emwa ne I silo yan ẹtin e Setan obọ ne a miẹn ehe na ma iran emwi, ne iran ghẹ gha niẹn ukpẹ ghe Osanobua.

Hibru 12:7

Emwi ne uwa a rhirhi gha rri oya ẹre, wa ziengbe ẹre zẹ vbene a miẹn wẹ ke obọ erha uwa rre nọ, rhunmwuda oya ne uwa re rhie maa ighẹ obọ ne a ya mu ọmọ, ẹre Osanobua ya mu uwa. Wẹ he miẹn ọmọ ne erha ẹe i gbe hin ọkhọ rre ra?

Hibru 13:22

I rinmwian uwa etẹn mwẹ, ne uwa ye i ziengbe danmwehọ ikporhu igiẹdu na, rhunmwuda ebe ne I gbẹn gie uwa na ma tan gbe.

Jems 1:12

Afiangbe nọ ne ọmwa ne ọ ziẹn egbe vbe a gha danmwẹ ọẹn ghe, rhunmwuda a deghẹ ọ ma rrie edanmwẹ, ọ gha miẹn arrọọ rhie zẹ vbe ne Osanobua ve iran ni ho ẹmwẹ ọnrẹn re.

Arhie Maan 3:19

Ọmwa ne I ho ẹmwẹ ọnrẹn ọre I gu gui, ọre I vbe gbe hin ọkhọ rre. Mu aro yọ khekherriọ, ne u fiwerriẹ hin orukhọ ruẹ rre.