Hibru 12:3 - Edo Bible (E Baibol Ẹdo) Version 1996

³ Wa roro emwi ne ọ ye egbe miẹn, vbene ọ ziengbe hẹ vbe emwa orukhọ khọ ẹko ẹre, rhunmwuda ọnii, wa ghẹ gie egbe wọ uwa ne uwa zẹ obọ vbọ.

Hibru 12:3 ပူးပေါင်းရင်းမြစ်များ

Itan 24:10

U gha ye gha vburriẹ vbe ẹghẹ asobọyegbe, evburriẹ ne evburriẹ ọ re u gele wa khin.

Aizaia 50:4

E Nọyaẹnmwa ne Udazi tama mwẹ ẹmwẹ ne I gha ta nẹ, ne I miẹn ehe na rhie ẹtin ne ne egbe wọre. Owiẹ owiẹ ọ re ọ ya gie ẹe gha bọbọmwẹ egbe ne I họn ẹmwẹ ne ọ gha ma mwẹ re.

Matiu 11:19

Ovbi Ọmwa ghi vbe rre, ọ kegha re, ọ kegha da. Emwa ghi ra vbe kha, iran wẹẹ, ‘U ghe ẹre ighe ọmwẹko, ọdayọn, rẹn vbe iran ni koko igho uhunmwu kevbe avbe ẹwobi emwa ọre ọ gba mu obọ!’ Vbene ọ rhirhi a gha ye hẹ, emwi ne a ya ẹwaẹn Osanobua miẹn, ọre ọ kha ene unu ẹwaẹn Osanobua.”

Matiu 12:24

Avbe Farisi ghi họn, iran wẹẹ, “E Bẹlzibọb ne ọkaolotu avbe orhiọn esu, ọre ọ rhie ẹtin ne ọ ya khulo orhiọn esu ladian nẹẹn.”

Matiu 15:2

“Vbọzẹ ne avbe erhuanegbe ruẹ i na lele igiodẹ avbe enikaro ru emwi yi? Iran i lele ọbakpe obọ iran ke gha rri evbare.”

Matiu 21:23

Jesu keghi dọlegbe la Ọgua Osa, ugbẹn vbe ọ ghi ma emwa emwi, avbe igiohẹn kevbe eniwanrẹn avbe Ju bu ẹre rre do nọ rẹn wẹẹ, “De asẹ ne u mwẹ ne u ya ru avbe emwi na, gha ọ rhie asẹ nu uẹn?”

Matiu 21:46

Iran te ho ne iran mu ẹn khui, sokpan ohan avbe emwa kegha mu iran rhunmwuda iran kha nẹ ighe akhasẹ ọre Jesu khin.

Matiu 22:15

Avbe Farisi keghi ya si uma ne iran do ya ọta ne a nọ gualọ Jesu ẹmwẹ ne unu.

Iyẹn ne ọ Maan Ọghe Luk 14:1

Ẹdẹ ọkpa, vbe Ẹdẹ Ikẹtin, Jesu keghi ya rri evbare vbe owa Farisi kpataki ọkpa, emwa ni bun kegha baba Jesu.

Iyẹn ne ọ Maan Ọghe Luk 15:2

Avbe Farisi kevbe iran ni ma emwa Uhi kegha gui ẹzọ uwu unu wẹ, “Ọkpia na ghi wa gha miẹn ẹwobi emwa yi, iran ghi gha gba rri evbare.”

Iyẹn ne ọ Maan Ọghe Luk 16:14

Avbe Farisi eso ni họn avbe ẹmwẹ na kegha vin ihue ye Jesu akhọe, rhunmwuda iran ho ẹmwẹ igho ẹsẹse.

Iyẹn ne ọ Maan Ọghe Luk 2:34

Simiọn keghi fiangbe iran, ọ keghi tama Meri ne iye ẹe wẹẹ, “Osanobua zẹ ọmọ na zẹ vbe ọmwa ne emwa eso gha la ekpa ẹre fuan kevbe ne enibun gha la ekpa ẹre miẹn imiẹnfan vbe Izrẹl. Rẹn gha re ama ne ọ ke obọ Osanobua rre, ama ne emwa ni bun gha gbe odan ghe.

Iyẹn ne ọ Maan Ọghe Luk 5:21

Avbe iran ni ma emwa Uhi kevbe avbe Farisi keghi suẹn gha kha wẹẹ, “Vbe ọna ghe okpia ke rre yi ne ọ fi unu gie Osanobua vbe nian? Ọmwa ọkpa ne ọ sẹtin ye orukhọ bọ ọmwa ẹ i rrọọ gberra Osanobua.”

Iyẹn ne ọ Maan Ọghe Jọn 10:20

Ni bun vbe uwu iran kegha kha wẹẹ, “Ọ mwẹ orhiọn esu, te ọ mwẹmwẹ, vbọzẹ ne uwa na rhie ehọ nẹ ẹn gha ta yi?”

Iyẹn ne ọ Maan Ọghe Jọn 18:22

Jesu ghi ta ẹmwẹ na nẹ, ọkpa vbe avbe ọgbalegbe ni rre evba keghi gbe ubi ye ọre aro, ọ wẹẹ, “Ogie Ohẹn wẹ gu guan vberriọ!”

Iyẹn ne ọ Maan Ọghe Jọn 5:16

Rhunmwuda ọnii, avbe Ju kegha zẹ Jesu owẹ rhunmwuda ne ọ na sinmwi ọmwa vbe Ẹdẹ Ikẹtin na.

Iyẹn ne ọ Maan Ọghe Jọn 7:12

Ẹbu ni hia kegha talọ ivbi ọta vbe ekpa ẹre. Emwa eso wẹ, “Ọmwa esi nọ,” eso kevbe wẹẹ, “Ohoghe nọ, te ọ hiẹ agbọn mu ru.”

Iyẹn ne ọ Maan Ọghe Jọn 8:13

Avbe Farisi tama rẹn wẹẹ, “Te uwẹ ghi tobọ ruẹ se osẹe ne egbe ruẹ na. Ẹmwẹ ne u tae i mwẹ emwi ne ọ degbe.”

Iyẹn ne ọ Maan Ọghe Jọn 8:52

Avbe Ju wanniẹn tama rẹn wẹ, “Aro ima dae nian ighe u gele mwẹ orhiọn esu. Ebraham wu, avbe akhasẹ vbe wulo, wẹ ghi ra kha, u wẹẹ, ‘Ọmwa ne ọ ya ẹmwẹ mwẹ ru emwi, ẹ i wu ẹdẹ.’

Iyẹn ne ọ Maan Ọghe Jọn 8:59

Iran keghi mu nọ okuta ne iran filo gbe ẹe, sokpan Jesu rhie egbe lẹre, ọ keghi kpao vbe Ọgua Osa rre.

Iyẹn ne ọ Maan Ọghe Jọn 9:40

Eso vbe avbe Farisi ni rre evba ghi họn vbe ọ ta ẹmwẹ na, iran nọ rẹn wẹẹ, “Te ima ghi vbe rhu aro ra?”

I Kọrinti 15:58

Rhunmwuda ọnii nian, wa ne etẹn mwẹ, wa mudia gbain vbe ne a i na vbọ owẹ. Wa tua obọ ye iwinna ne uwa winna ne Nọyaẹnmwa, ugbẹn vbe uwa rẹn nẹ nian wẹ, iwinna ne uwa winna vbe uwu ugamwẹ Nọyaẹnmwa, ọkpa ne ẹ i mwẹ esa, ẹ i rrọọ.

II Kọrinti 4:1

Te Osanobua, vbe uwu itohan rẹn wa iwinna na ne ima, rhunmwuda ọnii, ẹtin i fo mwa.

II Kọrinti 4:16

Ọna ọre ọ si ẹe ne ẹtin i na fo mwa. A gha rhe miẹn wẹ ikinnegbe mwa heko wiẹghua khian, sokpan, orhiọn mwa ghi gha khian ọgbọn yọ ẹdẹgbegbe.

Galatia 6:9

Rhunmwuda ọnii, wa ghẹ gie egbe emwi esi ne a ru wọ uwa, rhunmwuda, a deghẹ, a ma zobọ vbọ ẹghẹ dee ne ima gha na rri ere ẹre.

Diuteronomi 20:3

‘Wa danmwẹ ehọ wa ne ivbi Izrẹl! Okuo wa rrie ẹre na. Wa ghẹ gie ohan eghian uwa mu uwa, wa ghẹ gie egbe wọ uwa ra ne uwa gha guọ.

II Tẹsalonaika 3:13

Sokpan etẹn mwa, wa ghẹ gie egbe emwi esi ne a ru wọ uwa.

Hibru 12:2

Wa gie ima rhie aro da Jesu, ọmwa ne iyayi mwa ya iyeke-kọ ke omuhẹn ọnrẹn ya sẹ ufomwẹ ọnrẹn. Rẹn ma rhunmwuda ugbugbe zẹ obọ vbọ, sokpan rhunmwuda oghọghọ ne ọ diakhẹ ọre, ọ ma zẹdẹ mu ẹmwẹ efaa ne ọ rre ne a wu vbe uhunmwu ugbugbe ro. Banbanna nian, ọ tota vbe obọ erha ọmwa ọghe ẹkete Osanobua.

Hibru 12:5

Te uwa ghi mianmian ra ighẹ ẹmwẹ igiẹdu ne Osanobua tama uwa zẹ vbe ivbi ẹre? “Ovbi mwẹ, rhie aro ye otọ vbe Nọyaẹnmwa a gha gbe uẹ hin ọkhọ rre, deghẹ ọ vbe gu ẹ gui ghẹ gie egbe wọ ruẹ.

Hibru 3:1

Etẹn mwẹ vbe uwu Kristi, emwa ne Osanobua vbe tie. Wa ghe Jesu ne Osanobua gie ne ọ do gha re Ogie Ohẹn ọghe iyayi mwa.

I Pita 2:23

Ugbẹn vbe a tie ihẹn nẹẹn, ọ ma tie ha osa. Ugbẹn vbe ọ rri oya, ọ ma ya obọ sa ekhae ne ọmwa rhọkpa, sokpan, ọ keghi wa mu idaehọ ẹre hia yan Osanobua, ọmwa ne ọ bu ohiẹn Ne ẹ i bu eku.

Arhie Maan 2:3

U wa ziengbe emwi, u ye egbe miẹn ọlọghọmwa ni bun rhunmwuda mwẹ, sevba u ma zobọ vbọ.

I Samuẹl 12:24

Wa gha mu ohan e Nọyaẹnmwa ne uwa ya ekhọe uwa hia ya ẹko ata ga ẹe. Wa ya emwi nekhua ne ọ ru ne uwa rre.